آیات محبوب کتاب مقدس از DEDI 9

به اشتراک گذاشتن

Na tanda pa-njanjingu ma-padaingu lundu nu - nu na patura-nggu dàngu nyimi dàngu mbuu ndàbada da pa-padikangu da maluri, kutuya na kapuri-nggu la awangu na tanda pa-njanjingu-nggu dàngu pinu tana.

Jàka era wuwana na kapuri la awangu, jiangu-ma napa kuita-ya tàka hi kunamu-ya na nu pa-njanjingu na ma-padaingu lundu nu - nu lai Nyungga dàngu mbuu ndàbana na pa-padikangu na maluri la pinu tana, wàna.

Na tau ba padika-nya hama tumana Nyungga; jia-duya jàka nggamu na ma-pameti tau, nyuna napa na-pameti-maya anguna patau.

I Ala na-pakanyuru-nya i Nuhu dàngu da anana, hi napanii, “Paana umbuku padangu-wa, ka pekuna da wàla wuami ka dangia-nya na pinu tana nggubulu-na.

Mbuu ndàbada nuda pekuna bai tuha pangami, hama tumana da matumbu - matumbu da mamuru, mbuu ndàbada kuwuanggai-nja kai tu pangami.

Mbuu ndàbada da ma-hawurungu, dàngu da iyangu lupa da banda hawiangu napa da-mangàdatu-nggami. Nyuda mbuu ndàbada la kuaha-mi nyimi-mahaka.

Tàka lupangu-ma nyimi kai paana umbuku padangu, ka màta da wàla wuami ka dangia-nya na pinu tana nggubulu-na,” wànanya.