آیات محبوب کتاب مقدس از Yohanes 6

به اشتراک گذاشتن

at en e, disogo mo’gulentesi, “So’boru enelalugabenebiso a’ge ai re, an nebeat o. Ap sa en an ne’bek wagalat, ede nebam he’berik pasulat, tua holuk e, so’boru nele agalat, ik nele agalat, tise lema erlak o.

Allah Arogun en aphwami enelalugabenebiso yo. Aphwami ’gwiangma a’ge enanni pam mesik tu mia o. A’ge re, wene an en mo’gulhentasu legi ai, Allah Arogun enat oso a’ge no oluk e, enelalugabenebiso wene mo’gulhentasu legi o.

So’boru muk otluk erlak om a’ge paget yabuk nak togup o. At e, so’boru modok-modok wolom a’ge no’gulat, enelaluk modok wolom a’ge ai, an enat wokhentasu lemagoluk, naik en yo’go noboluk peraknobou wagama, abat daklau wegi ai paget yabuk togu lemis o,” oluk mo’gulentesi.

naik ede epasu o. Asogo epasulat, aphwami en Allah omlogo nebe yu enil niogulat, enede nebam he’berik pogulat, togwi holuk, enebe lo’bok enelaluk modok welemagoluk, o ologun pam, an en enelalugabonobuagoluk ede epasu o,” oluk mo’gulentesi.

at en e, disogo mo’gulentesi, “Allah ogola epasu a’ge his en tu ai ebe re, yu o. Henede an Allah en peraknobou wagama wegi a’ge yu, nebam he’berik po aiat o,” oluk mo’gulentesimu

A’ge re, an ’bogorl pam en ’bu egi ai re, an nu’gwarek nede en ’gagalogo tigoluk ’bu egi puk. We, at peraknobou aga a’ge ede epasu a’ge aiat hegitsogo tigoluk ’bu egi ai en e, aphwami an naik en woknoso a’ge enebe lo’bok ne’bek wagaiam e, an en, His an ne’bek worogup no, oluk, wene yagentaik erlak o.

Asogo mo’gulentasu lagama, at Simon onuk mesik Petrus ano en e, disogo mo’gulesi, “Eige. Nue. Nenebe nenelaluk modok wolom ebele paget e, wene hat en mo’gulnentasu legen ’gela’ge yema re, hat ukhoboluk ap sa e’bek lo epegen.

So’boru enelalugabenebiso a’ge ’bogorl pam en ’bu ago ai re, an nebeat o. So’boru an en wogentaik a’ge ai, sa en nasu holuk e, at ebe elaluk modok welema o. Aphwami ’gwiangma a’ge enelaluk welemagoluk an nebe is enebaget wareik ai, an nebeat wogentaik o,” oluk mo’gulentesi.

An naik peraknobou waga a’ge ano en, aphwami lis-lis an ne’bek wogonoboluk wago erlak holuk e, ne’bek wom mia o. We, at en is logon lis-lis wogonoboluk an ne’bek wagai holuk nak e, o ologun pam, an en enelalugabenebaigat o.

Asogo mo’gulegisema, at en e, disogo mo’gulentesi, “An en wene demat a’ge mesik mo’gulhentaik. So’boru ’bogorl pam en ’belakpou waga laga ai re, at Musa en puk. Erlak o. At e, so’boru ebe a’ge ai re, naik en an nebe aphwami ’gwiangma a’ge enelalugabenebiso a’ge ’bogorl pam en ’bu wegi aiat wokhentasu legi o,” oluk mo’gulentesi.

wene mesik e’berlik disogo mo’gulentesi, “So’boru enelalugabenebiso a’ge ai re, an nebeat o.

Asogo huretil legesema re, at Yesus en so’boru roti a’ge eriano e’gikmu wesirik e, “Naik Allah o,” oluk hau wusogo re, aphwami a’bik huregesa a’ge ebano so’burontoluk e, hiane eriano asogoat so’burentesi. So’burentesimu, is onogola en, nele epegesa hegitsogoat onogum ningsogo ne’gesa. Onogum ningsogo ne’gesema re, at osi iak wogu legesa a’ge ebano disogo mo’gulentesi, “So’boru ne’gesarik ado dedilogo ukpegesa a’ge eba alemat ema no oluk e, odoksogo mesikmu pemit o,” oluk mo’gulentesimu re

Ik hererim-hereram hasukhwe, is ano ik so wetil-wetil ’burl heirakma 5 kilometer de a, 6 kilometer de a, walegat lau wegesa ’gal e, at Yesus ano oyuk ik ogum petne pil-pil enebe hegit horok lau wagokhwe, enil yetholuk onogorlok a’bik aga. Onogorlok a’bik agama re, at Yesus en e, disogo mo’gulentesi, “Nosi. An nebeat waga legi o. Holuk e, honogorlok hagup o,” oluk mo’gulentesimu