آیات محبوب کتاب مقدس از NAPPIYAREEGERAK 2

به اشتراک گذاشتن

Yorogo mbareegwa, at Peterut nogo nen, ”Kinomaluk lek eerogo pinagawak nduk, kit kinalitak lombok maluk eeko monggotak nogo kiniki koombunuk mbo pinip o. Mbo pugwi kiinok, Yetut Keritut endage paga yiime wuppinagarak o. Ti eekwi kiinok, Ala nen Aberiniki nogo onggo lek we aret wokkiraagin o.

Ala apuri ogogwaarak nogo nen iniki ambit eeppunuk lambunik logonet, it leenogo nappiyareegerak nen wone mamunirogwe iinok, liirogon konenggwi, inom mbi larogo nunggwi, tamban eekwi, togop mban eeko nogogwaarak.

Nabek ari nagagirik, it abok aret Aberiniki inikime unggwage nagagirik, yorage kagak it aakumi nogo abok alitak lombok inoone lalin negen wappunuk yogo nogogwaarak.

oome ambit me nogome wonogwe me, wiya oonebu agan nage minggi kwak, abera'lek me mbogut paga nen oome nogome yagabit ari unggwagagerak. Unggwage nagagirik, kani moonuk yenan-menan agan it abok inoba nabek ari kogogwaarak. Nabek ari nagagirik, it abok aret Aberiniki inikime unggwage nagagirik, yorage kagak it aakumi nogo abok alitak lombok inoone lalin negen wappunuk yogo nogogwaarak.

It nogo iniki ambit a'nuk, ko'lu-kii'me Ala awi wurik me kuwak ari unggwogwe, iniki mot-mot logonet, ale'nggen paga iname logonet mbi karerogo punuk nunggwi, eeko nagaatik, it nogo Ala alut eekwi iigak, it Ala apuri nogo aakumi abok nen iniki kunik aganako nogogwaarak. Ndi, ninogoba endagembogut nogo nen ko'lu-kii'me it aakumi inagap ndarogo ambi nabek kuwak eeppiige nagagerak.

Ala nen ari logonet, Peebi o age yobok paga yi aakumi ndi aakumi abok aret Aberiniki inoba wuppi woraagin o. Kinapurilogwe komologwe inom, wologwe inom nogo nen Ala wone yoranet nogwe, it kinapurilogwe tawe nogo nen inabinggaanggo negen kogwe, kinogobamini inanggok nogo nen inabi kogwe, eeko logogun o.

It at oone abet mbareegwaarak mendek nogo abok iniki ambit lambunik logonet, yi mendek ndi mendek nogo, ”Nit abok ninamendek aret o,” yinuk, it inamindik-inamendek nogo, onggo nggerembunuk, it ambi inamendek lek kenok, tumburirogo nogogwaarak.

Eeke mbariminggi, it aap nen, Nogoba wae, yo'nirumenggaarak kenok, ti paga nen inagap ndarigin o, yinuk, at Yowen nen yereegerak nogo arit wage yi aret o.

An kinogoba nendagembogut pi wa'nakwi iigak, namendek li'luk ee'nuk woroorak eyom panggo yi wage kagak, oonegen apit age, tut inamiya negen age, eerigin o.