آیات محبوب کتاب مقدس از WATTI'U MANGA RASUL 1

به اشتراک گذاشتن

Arawe i yamiu sarun maasomba taṛṛino, amungkangngu Ghaṛṛahon Ruata nirumantate ringanni yamiu. Wuṛṛu yamiu sarun ma'ola'a manga tatiala-U su Yerusalem, su ahewallu Yudea, su Samaria, wuṛṛu sara pentakku runia.”

Mawu Yesus sinumimbakka, “Iamangku sassane manantunnu allone wuṛṛu tempone. Udde tawe wotongnge asingkatanni yamiu, ana waugu udde apulun Iamangnga.

Wuṛṛu su tempo i Tou uaammulla suadio'a ringanni mangitou, i Tou nangonggolu parenta indi si mangitou, “Arie pangingkatta wuassu Yerusalem. Paṛṛaddo isudde ma'oman sara Iamangnga mangonggolu apa apan suete pinaire-Ne, eteudde apa apan suete niapaasingkatta si yamiu rorone. Ana waugu i Yohanes mannaṛṛani ringannu ua'e, arawe ete pira allo lai yamiu sarun saṛṛaniannu Ghaṛṛahon Ruata.”

Napawe i Tou wua nate, al᷊annune appatu pul᷊o su allone i Tou masokka mapaal᷊iatta'u inolaan-Ne apan masemakka su manga rasul udde manungku i Tou atonna-tonna wiakka. I mangitou ma'asilo si Tou, wuṛṛu i Tou lai uahahatto mangitou su ola'u ereapa Ruata mamarenta ere sangkatou Ratu.

Napawe Mawu Yesus suete nabbisara aroddi, i Tou nasengkengnga su surga su saruannu mata mangitou, wuṛṛu winabbawa nallindumma si Tou wuassu aellegi mangitou.

Tantal᷊anna i mangitou ta'e uatingngara langitta, su tempo Mawu Yesus nasengkengnga, inaṛṛombanganne ruang katou uapedettu mawira uarisikka su samba'a mangitou. “Ei, manga taumatan Galilea,” unnu taumata darua udde, “anio i yamiu uarisikka isudde uatingngara langitta? Mawu Yesus apan aellehanni yamiu nasengkengnga watukku surga udde su saruanni yamiu, sarun mabelengnga apia ringannu olangnge ereudde lai apan niasiloanni yamiu tanginna.”