آیات محبوب کتاب مقدس از Wakkagagerak 25

به اشتراک گذاشتن

Nggino yoge mbareegi, at Aliku ALA nen wone onggo yoge logonet, “Aakumi inanebunu mbere aret kinikime wonage o. Inanebunu mbere nda'nogo logomenggaarik, Imbirak ogoorak logonet, anebunu ambi omaawi ambik. Ndi, ambi omaawi lek logonet, awuluk nogo nen oweeluk nogo ayeloman eeppunuk, logogin o,” yoreegerak.

at Yakup yoge logonet, “An mbi abu mondok meek ee'nake me, kela anggen laambu lakendak ti, ambi wo'niru o,” yoreegerak. Ti yoreegerak paga at endage, “Erom,” yogo nogogwaarak.

Wagangge nagagerik, akwe Iribaka nogo aagaluk ndaka'lek mbareegi, at Itak nen akweeluk ake tamban eeke mbareegi, at Aliku ALA aruk konengge kagak, kwe Iribaka nogo aret abila agagerak.

Yoge mbareegi, at Etawu nen ari logonet, “Mbi abu nen abu kambuurak ee'nake me, wone ti paga nen an nano eekkoloorak? Lek me, kat aret kilikkiruwak nduk, mbi ti wo'niru o.” Yoge mbareegi, at Yakup nen, “Abet aret yagi o, yinuk, kumbuk mbanogo aa'nduk yo'niru o.” Yoge mbareegi, at Etawu nen, “Abet aret yagi o,” yinuk, kumbuk mbambege nagagerik, manggu ndarak kenok, wone kilirirogo menggaarak nogo aret Yakup kiliriruwak nduk, “E o,” yereegerak.

Ndi, at peebi nda'nagagerak nogo, nda'nanok wangge logonet, at Etawu iyok unggut eenggi omaawi pugu aret nda'nagagerak paga endage Yakup aret tooneegwaarak. At Itak nogo ndarak kagak, tahun 60 eereegerak paga at apuri ti nda'nogogwaarak.

It inogoba Itak nogo ti, towe-pagi enggaanggum nengge inikilom me, Etawu iniki kunik eeke kagak, inagalo Iribaka nen perak, aagaluk Yakup iniki kunik eeke nagagerak.