آیات محبوب کتاب مقدس از KAJAJIYANG 27

به اشتراک گذاشتن

Tennapodo Allataala mpérékko cinoddo polé ri langié, sibawa mébbui sining dare'mu macommo! Tennapodo nawérékko gandong sibawa anggoro maona! Tennapodo bangsa-bangsaé mancaji atammu, sibawa suku-suku bangsaé tunru'i ri iko. Tennapodo mukuwasaiwi sininna sumpulolomu, sibawa wija-wijanna indo'mu suju'i ri yolomu. Tennapodo tattanroi sininna tau iya tanroiyékko sibawa ribarakkakiwi sininna tau iya barakkakiyéngngékko.”

Nakkeda Esau, “Mabbékkaduwannanié nabelléka. Sinnanna riyaseng Yakub. Purani nala ha'ku selaku ana' macowa, na makkekkuwangngé nalasi barakka untu' aléku. Dé'naga ambo' nappunnai barakka laingngé untu' iyya?”

Nainappa makkeda Ishak lao ri aléna, “Dé'gaga matu cinoddo polé ri langié untu' alému, dé'gaga matu dare iya macommo'é untu' alému. Tuwoko matu polé ri peddammu, iyakiya mancaji atannako anrimmu, iyakiya rékko maronta'ko, leppe'ko matu polé ri akuwasanna.”

Dé' namaélo mappésau Esau méllauwi ri ambo'na, “Aga Ambo' banna mappunnai séddi barakka bawang? Barakkaki tokka, Ambo'!” Nainappa mappammulasi teri.