آیات محبوب کتاب مقدس از Matiu 27

به اشتراک گذاشتن

Tintiꞌ tálu kalumbaꞌ, meraruaꞌ miꞌi Iesu Napasimbuku, Nauliꞌ, “Eli, Eli, lama sabakhtani?” Lempóna: “Pueꞌ AlaNgkuꞌ, Pueꞌ AlaNgkuꞌ, moapa riꞌi haneꞌiAꞌ Nupálehi?”

I tempó iti woꞌo, rindi báná to tetóe i lalu Támbina Pueꞌ Ala hangkaꞌ-hangkaꞌ mahepaꞌ ntangaꞌ hangko i wongko haweꞌ i wóiꞌ. Tempó onoꞌ woꞌo melinu to rumihi, hai buluꞌ watu mabikáꞌ. Tempó iti woꞌo, handaꞌ popatawuá tebungkáhi, hai handaꞌ tauna to mengkoruꞌ i Pueꞌ Ala to mate hangkoia rapatueꞌ huleꞌ. Karoona Iesu rapatueꞌ, hira iti mesuaꞌheꞌ i kótá Ierusale to rauliꞌ kótá to magasaꞌ, hai raitaheꞌ handaꞌ tauna.

Roo onoꞌ, monganga wopiꞌi Iesu Napasimbuku, haneꞌi upu miꞌi inaoNa.

Tadulako surudadoꞌ hai upu-upu surudadoꞌ to mokámpái Iesu, malááꞌ ntepuꞌuheꞌ mohádi linu hai moita upu-upu to pewaliꞌ iti. Rauliꞌ, “Toꞌu-toꞌu mpuꞌu kaꞌIana deꞌe Ánáꞌna Pueꞌ Ala!”

Mantepuꞌu tintiꞌ hampuloꞌ hai duá kalialo, hangkaꞌ-hangkaꞌ perái makáindi i humalele tampoꞌ iti tálu jaa kamaruena.

Napekuneꞌ wopiꞌi Pilatu, “Ane noꞌonoꞌi, kupanoumbá miꞌi Iesu to rauliꞌ Datu Topehómpóꞌ?” Rahániki, “Pakuꞌmode!” Napekuneꞌ wopiꞌi Pilatu, “Salaꞌ apa riꞌi to Nabábehi?” Agáiáná monganga-nganga peheꞌ oaꞌ rapasimbuku, rauliꞌ, “Pakuꞌmode! Pakuꞌmode!”