آیات محبوب کتاب مقدس از मत्ती 6

به اشتراک گذاشتن

पुण पेल तुमू बोगवानान राज एने तान देरमाह हुदो, ते ज्‍यु आखी वोस्तु बी तुमूह जुड़ जाती।

तानकेरीन हेकालेन चिन्ता मा किरहो, काहाकाय हेकालेन दिह तान चिन्ता तोच केर लेय; आजीन केरीन आजुच ने दुख जुलूम हे।

ज्यानकेरता मी तुमूह केथु काय आपणा जीवान कालजी मा किरहो, काय आमु काय खाहु एने काय पिहु; एने नाह आपणा सेरीरान केरता काय काय पेरहु। काय जीव रोटाह रेन; एने सेरीर फाड़काह रेन वोदार नाह सोतो काय?

पुण जेवी तु विन्ता किरहे, ते तारा गेरा माय जा, एने बायणो बोंद केरीन तार बोगवान आबोख जो आठावे हे विन्ता केर। तेवी तार आबोख जो आठावे हे, दिखेह, एने तुवाह बोरकेत आपी।

ओवता तुमू इहकेरीन विन्ता किरज्‍यो: “एय आमरा आबा तु जो हेरगा माय हे, तारो नाव चोखालो मानाय जाय; तारो राज आवी; एने तारी मोरजी जिहकेरीन हेरगा माय पुरी ईथे, तिहेस केरीन देरती पोर बी एय।

आमरो दाड़ीन दिह ने खाणो आज आमुह आप।

एने जिहकेरीन आमु आमरा गुनेगाराह माफ केऱ्याह, तिहेच केरीन तु बी आमरा गुनाह माफ केर।

एने आमुह पारेख माय मा पाड़हे, पुण खाराबाह रेन वोचाड़, काहाकाय राज एने ताकेत एने बोड़ाय कायेम तारीस हे, आमेन।”

केदी तुमू माणहान गुनाह माफ किरहो, ते तुमरो हेरगावालो आबोख बी तुमरा गुनाह माफ केरी।

चीड़ाह दिखो, ता नाह ते पेरते नाह ते काटतेह, एने नाह ते मोटक्या माय एकठो केरतेह; तीबी तुमरो हेरगावालो आबोख ताह खावड़ावेह, काय तुमू ताह रेन होवटा किमतीन नाह सोता?

तुमरी केरता देरती पोर मालदेन एकठा मा किरहो, जाहरी ओदाय एने जेंग बिगाड़ ने, एने चोर गेर तोड़ीन चोरी केर लेणे। पुण तुमरी केरता हेरगा माय मालदेन टुलो किरो, ताहरी नाह ते ओदाय एने नाह ते जेंग बिगाड़ ने, एने ताहरी नाह ते चोर गेर तोड़ी एने नाह ते चोरी केरी। काहाकाय जाहरी तुमरो मालदेन हे, ताहरीस तुमरो मोन बी लाग रेय।

काल्लो बी पावोर दुय मालक्यान चाकरी नाह केर सिकेत, काहाकाय तो एका हिऱ्यो ईमानदार, एने दिहराह मोंग केरी, नाहते ओवतो एका हिऱ्यो मिलीन रेय एने दिहराह कायच नाय सोमजी। तुमू बोगवानान एने मालदेनान दुयान चाकरी नाह केर सेकते।

तानकेरता एय अविश्वासी! जेवी बोगवान जेंगला मायवाला खेड़ाह, जो आज हे एने काल आक्‍ठा माय हेलगी जाथे, ओहलाह तो फाड़का पेरावेह, ते काय तुमूह न्याह रेन वोदार नाय पेरावी।

पुण जेवी तु दान किरहे, ते जो तारो जीवड्यो आथ किरेह, तो डाखऱ्यो आथ जाणने नाय जुवे। काहाकाय तार दान लिकेल रेय, तेवी तार आबोख जो आठावे दिखेह, तुवाह बोरकेत आपी।

होमालीन रिज्यो! तुमू माणहाह देखाड़नेन केरता तुमरा देरमान काम मा किरहो, नाह ते तुमरा हेरगावाला आबाख फाय रेन तुमूह कायच बी फोल नाय जुड़ी।

जेवी तुमू उपास किरहो, ते कोपट्यान गेत मुया पोर कोमजोरी नाय देखाणे जुवे, काहाकाय तान मुय ता ओहलो बाणाव लेणु, काय माणहे ताह उपासी जाणे। मी तुमूह खेरीच केथु काय ताह तान बोरकेत जुड़ गीयो। पुण जेवी तु उपास किरहे, ते मुंडा पोर तेल लागाड़ एने मुय दोवजे, तान केरता माणहे नाह पुण तार बोगवान आबोख जो आठावे हे, तुवाह उपासी जाणे। एने तार आबोख जो आठावे हे, दिखेह, एने तुवाह बोरकेत आपी।