آیات محبوب کتاب مقدس از Mphattuwelo 32

به اشتراک گذاشتن

Vano nlopwan'ole aheera: Ncina naa khaninhala wiihaninya tho Yakopi, nanso Sirayeli, kontha we uhomwaanana Nluku na atthu ni uhotthema.

Nlopwan'ole aheera: Ukihiye, kirwee kontha uhosa. Nanso Yakopi ahomwaakhula eeraka: Akinoohiya urwaaka wahikireriheke.

Vano Yakopi ahohala veekhawe ni ahomwaanana nlopwana uhiyu wothene mpaka usa.

Vano Yakopi ahovaha ncina na Peniyeli nenno nipuro nno, eeraka: Kontha kihomoona Nluku ni miitho aka ala ni mi kinkumi.

Nlopwan'ole, woona wawe wiira khaamoorya untthema, ahomwaatta Yakopi wanatarani, ni ule ahorepenyuwa ukati waanaaya.

Ni ahonkoha: Ncina naa tipani? Ule ahomwaakhula: Mi kineehaninya Yakopi.

Yakopi ahonkoha eeraka: Kinapheela ucuwela ncina naa. Ule aheera: Unkikoherani ncina? Vaavale ahonreriha.

Mi kinaacuwela wiira khaninkiphwanela nifento neekhweli ninkipankaa mi karumeya aa. Kilapuwile mooloko Yortani ni nttontto aka paahi, nanso nna va kihaana miphwinko miili.

Phimaana mpaka nihuku no'lelo annasirayeli khankhuraca ntinka unluttaniha natara ni iyuunu, kontha Yakopi ahaattiya wantinkani ukumanihile natara ni iyuunu.

Vano Yakopi ahoswali eeraka: Nluku a apaapa Aparahamu, Nluku a apaapa Isaki, we Mwanene Nluku ukiirenle: Uturuwele uwanyaa waalokwaa kinawupanka yoorera.

Contte ukoopole mmatatani mwa munnaka Isawu, kontha mi kinamoova, wiira hiiwe ukiiva mi wamoca na asaaraka na asaanaya.