آیات محبوب کتاب مقدس از Mbete Za̧h 15

به اشتراک گذاشتن

A bi mi ɓa mun kpuh. A woiri ba, i ɓa nzak ndɔk kpuh-u. Nzukay ké mbɔhlɔ mi, mí boɗo bi rih ɓil law ye le, nzak ndɔk kpuh-u mah leh lehna ké ɓay ŋgi̧ wɔsɔk wɔsɔk ɓay fe le, ŋgerna-laɓ fe baah dan boɗo bi ta-a.

I mbɔhlɔ mi le, i ƴo nzo mbih boɗo law bi. Nzak ndɔk kpuh mbɔhlɔ mun kpuh ya le, mah leh lehna ke tul mun ye ya. A woiri kara i mbɔhlɔ mi ya le, i mah ɓay hi̧ riŋ bah bi ɓá mgbe ya pi.

I ƴo ziŋ mi, mí ɓay bi ƴo ɓil law woiri le, ɓay fe a suŋ ké na law woiri mí i vbi mi ɓayu le, mi láɓ fe-u hi̧ wuri.

A woiri mí i lu mi ya. Wara le a bi mí-i lu wuri. Mi lu wuri ɓay í ti ke laɓ fe a suki ké hi̧ riŋ ɗina baah mgbe kandɔk lehna kpuh a suki kaŋ, ɓay hi̧ lehna-aw ɓá puŋ ya. Mi lu wuri ɓay hi̧ baah ɓá laɓ ɓay fe a a̧yri ké i vbi ni ke riŋ bi.

Law sana a a̧y ké mba law sana a ɓoruri gbam ɓa law sana ké hi̧ nzuk poŋ mun ye hi̧ hul ɓay tul ya̧h yeri.

Nzak ndɔk ké mgbahla mi gbam mí leh lehna ya le, baah ƴo te ku̧ kpah. Nzak ndɔk a a̧yri gbam ké leh lehna le, ke ƴo ser ɓay hi̧ nzak ndɔku ɓá leh ɓa ŋgi̧-u wɔsɔk wɔsɔk ɓáy.

Bolkusol bi ra mí na-ay : Í sa wuri haniri kandɔk ké mi sa wuri kaŋ.

Kandɔkaw mí riŋ ɗina bah bi mgbe ké tul fe ké hi̧ í leh lehna ɓa ŋgi̧-u wɔsɔk wɔsɔk, í mbi fe laɓna bi dih fal bi ɓa nzuk-dih fal biri.

Zezu ɓah hi̧ nzuk-dih fal yeri ra ɓáy ɓahri se : « A bi mí-i ɓa kpuh a ketina. Bah bi ɓa nzuk waka-u.

Nzukay ké mbɔhlɔ mi ya le, baah ƴo te kan kpah kandɔk nzak ndɔk kpuh kú-u te kaŋ. Nzak ndɔk kpuh-aw ho̧k dale, ku fa̧h ku̧, mí ɓay se hɔrɔ.

Mi ɓah ɓayawri hi̧ wuri ɓay hi̧ law rihna bi ɓá na ɓa law rihna woiri, law woiri kara ɓá rih wuri keɗ keɗ pi.

I ƴo tul bolkusol bi le, i kaɓ ɓil law sana bi kandɔk a bi ké mi ƴo tul bolkusol baah, mí-i kaɓ ɓil law sana ye kaŋ.

Kandɔkaw mí-i ɓah ɓayu hi̧ wuri ɓay í sa wuri hani.

Gelke i ɓa nzuk tukala le, nzuk tukalari yih nzuk tukala mbaŋ woyri. Mí ku fu̧y wuri ɓay fe le, i ɓa nzuk tukala ya. Wara le a bi mí-i lu wuri ku̧ ɓoɗ ke nzuk tukalari. Sa̧wu mí ku fu̧y wuri.