آیات محبوب کتاب مقدس از ɛMacu 5

به اشتراک گذاشتن

Sɔng ɛnyi gha i yɛk ne ɛpitila wo ɛ kyii bo ɛkpɛɛt ɛ cwaal lɛ nang, ɛ yang tek ɛpitila wo daa shak te ɛbhɛ tol ninyi na gbik ndɔ ne ijwee wo. Ɛlɛy ne mang, te iwɛwɛy mon de ne tol ɛnu ɛyisɛ ninyi na tɛ nibhɛ ne yaang nikɔn ne yɛnɛng mon na ne ɛ mɔn ɛn no, tɛ nibhɛ dɛp ɛKyɛɛ mon na ne ɛ so dak ne irywa wo.

“Ɛ so ɛn nyini iwɛwɛy ɛzay de. ɛGarang nga ne ɛ so daa ne igol de, sɔng ɛ ta rɛɛ ye nang.

Ninaa ɛwɛng ngaa nggyɛy nɛ nibhɛ bok irway iwɛwɛy da, daa ɛli nɛ nibhɛ sɛ ne yaang ɛTaanggbey ye.

Ninaa ɛwɛng ngaa nggyɛy nɛ nibhɛ bok ikpyak ne ihywel cik ga, nibhɛ ta i has irway ne ihywel cik ga, daa ɛli nɛ nibhɛ sɛ́ ne sighi daa nikɔn nɛ nibhɛ tɔk.

Mee wo nzi ne bok nyini, sim ɛn ninaa ne iphup mon na, te ɛ bol ɛn ne ɛTaanggbey daa ninaa nɛ nibhɛ baasek nyini nggbang ngga.

“Ninaa ɛwɛng ngaa nggyɛy nɛ nibhɛ kɛ seng itaasek ne ikabyik nibhɛ da, daa ɛli ne igbɔm ɛdaa ne irywa da so ivaa nibhɛ.

Ninaa ɛwɛng ngaa nggyɛy nɛ nibhɛ te i shɛɛ ncaang ngo, daa ɛli ne sɛ yaak nibhɛ ninɔn ɛTaanggbey.

Ninaa ɛwɛng ngaa nggyɛy nɛ nibhɛ bok irway ishwii da, daa ɛli nɛ nibhɛ sɛ ne yɛk irway ihwala.

Ninaa ɛwɛng ngaa nggyɛy ne i baasek nibhɛ nggbang daa ɛli nɛ nibhɛ hyel cik daa ɛli ne igbɔm ɛdaa ne irywa da soye ivaa nibhɛ.

Ninaa ɛwɛng ngaa nggyɛy nɛ nibhɛ bok irway ne san iyɔm ba, daa ɛli ne ɛTaanggbey sɛ ma san iyɔm nibhɛ.

“Ɛ so ɛn nyini ninaa ɛwɛng wu ninyi na i towos nyini, nibhɛ baasek nyini nggbang, nibhɛ robhos nyini ne ihyoo nikɔn nibebhe ihywee-ihywee ɛlɔ mee wo. Taasey ɛn ne irway ihwala, daa ɛli ne ɛ sɛ bhɛ pha ɛn gbom dak ne irywa wo. Ɛlɛy ne kaa ma baasek ninabawa na nggbang ngga nɛ nibhɛ ka so ɛyisɛ mon na.

Ninaa ɛwɛng ngaa nggyɛy nɛ nibhɛ roos nɛ lyaak, daa ɛli ne ɛzay ya sɛ teye isha nibhɛ.

“Ɛ so ɛn nyini ngkal ɛzay da, wu ngkal da kɛ ne te ntaghalak ko, yaa ne tang mɔn mpɛ ɛli mpɛ kyii ta teye ngkal daa? Sɔng tang ta mɔn mpɛ ne ɛkɔn nang, yaa lok mpɛ ninyi sɛng ne ita.

Ne ɛ ma te ɛn hyɔrɔ, ɛli ne ɛKyɛɛ ɛdaa ne irywa mon na ma so hyɔrɔ wo.

Wu ɛ kɛ ku yaak ibol de ‘Ɛɛy’ te phɛ ne shɛɛ ne ‘Ɛɛy,’ de wu ɛ kɛ ne ku yɔng ɛn ‘Kwa’ te phɛ ne shɛɛ ne ‘Kwa’ de. Wu ɛdɛ ɛkɔn na kɛ phee ɛlɛ wo, iphɛ ne le ɛlɔ ɛBebhe ɛNyi.

“Ɛ kɛ phok ɛn kaa yɔngɔ, ‘ɛHiha ɛnyi ne ɛ kɛ tul ɛnyi irisɛ, yaa ne ma tul ɛbhɛ nɛ, wu izinɛ yaa ne ma tul ɛbhɛ nɛ.’ Mee wo nzi ne bok nyini, sɔng ɛ tal ɛn ɛnyi gha ibebhe de ne ɛ kɛ mɔn nyini nɛ wo nang. Wu ɛnyi gha kɛ ma yung baal lɛ nggbaam ne iwɔ ne irwye, ne ɛ hyere ɛbhɛ ihoo ne iwɔ ne itsan dɔng.

iPhɛ ɛlɛy, wu irisɛ ne iwɔ ne irywe mo iphɛ phɛ yaa teyɛ ɛ mɔn ɛfɔt to, ne ˆɛ tul iphɛ ˆɛ hana, iphɛ phyin ˆɛ wɔs ɛdɛ ɛlɔ ne ibek mo gha, ne yaa bo ibek mo de gbik ko bhɛ cwaak ne ijwee ne igboo wo. Wu iwɔ ne irwye mo ifɛ aa teyɛ ɛ mɔn ɛfɔt to, hyɛ ifɛ ɛ hana, iphɛ phyin ɛ wɔs ɛdɛ ɛlɔ ne ibek mo gha ne yaa bo ibek mo de gbik ko bhɛ cwaak ne ijwee ne igboo wo.