آیات محبوب کتاب مقدس از Dw 16

به اشتراک گذاشتن

Meha ɛhye mehile bɛ amaa saa bɛmeta me nwo a bɛanyia anzonudwolɛ. Ɛtane ewiade ɛhye bamaa bɛali nyane, noko bɛgyinla kpundii. Meli ɛtane ewiade ɛhye anwo zo konim!”

Na saa Sunsum ne mɔɔ baye nɔhalɛ ne mɔɔ fane Nyamenle anwo la ba a, ɔbamaa bɛanwu nɔhalɛ ne amuala. Ɔnrɛva ɔdaye ye tumi ɔnrɛdendɛ, na ɔbaha mɔɔ ɔkɛde, na yeaha ninyɛne mɔɔ bara la anwo edwɛkɛ yeahile bɛ.

Toonwo mɔɔ yeradwu bekezɛ la, bɛtɛbizale debie biala wɔ me duma nu; bɛbiza na bɛ sa kɛha ye, amaa bɛ fɛlɛkolilɛ ne ali munli.

Na meka nɔhalɛ ne meahile bɛ: Ɔle kpalɛ ɔmaa bɛ kɛ melɛkɔ a, ɔboalekɛ saa meangɔ a Boavolɛ ne ɛnrɛra bɛ nwo. Na saa mekɔ a, mebazoa ye wɔ bɛ nwo. Na ɔba a, ɔbahile yeamaa ewiade amra anwu kɛ bɛvo kpole wɔ bɛ adwenle mɔɔ bɛlɛ ye wɔ ɛtane nwo nee mɔɔ bɛlɛ ye wɔ kpalɛ nwo, nee Nyamenle ndɛnebualɛ ne anwo la anwo.

Zɔhane ala yɛɛ ɔle ɔmaa bɛ a; kɛkala alɔbɔlɛ ɛha bɛ, na mebaranwu bɛ bieko na fɛlɛkolilɛ bayi bɛ ahonle nu tɛkɛɛ, fɛlɛkolilɛ mɔɔ awie biala ɛnrɛhola bɛ sa die ɛlɛ a. “Saa mekɛ zɔhane dwu a, bɛnrɛbiza me bɛnrɛlie debie biala. Meka nɔhalɛ ne meahile bɛ: Debie biala mɔɔ bɛkɛbiza Selɛ ne wɔ me duma nu la, ɔkɛva ɔkɛmaa bɛ.

Meka nɔhalɛ ne meahile bɛ: Bɛbazu bɛayi, na ɛtane ewiade ye bali fɛlɛko; bɛbali nyane, na bɛ nyanelilɛ ne bahakyi fɛlɛkolilɛ.