آیات محبوب کتاب مقدس از Amatiyu 19

به اشتراک گذاشتن

Eyesu a ka mo tki nga a tno mo ma a lu mi le, Ohi lo o kpo o gbu okro moarehwĩ mbo, ambo ekployaŋ a mbo e kpo e gbu okro Ahogbrẽ.

Okyku eka he, moa a wo aha nga mbo, ambo moa a wo okyekyeŋ angyiŋ a mo. Okyku eka he, arekyeŋ a gʼba ekplo ba Ahogbrẽ a sheŋ a kŋe a bga mbo.

Eyesu a tno mo ma a lu mi le, Agimi e tsi Akpa Ahogbrẽ la a lu mi le, Okũ oriori Ahogbrẽ la a kpo ayakplo pyeŋ, a kpo arealom, ta la ashe, e ka mbo? Eyesu a sa a lu mi le, Okyku ekplo he, arealom á dzu adaŋ, ta la anaŋ á zga, nga á pu ta la ashe baŋ. Moa aha lo nga á dzu okyekyeŋ.

Ambo Eyesu a nyuŋ moanwyeotum baŋ a lu mi le, Agimi e da moailwye afifi a ba okro me, e kyku mo mbo, okyku eshi, Oreŋ Ongyeŋ o wo okyku edgu moahi lo angyiŋ.

Moare nzenze ba ori á dzu moa ba ambla, moa nzenze ba ambla nga á dzu moa ba ori.

Nga areyaŋ a mbo la a dzu adne a zga, pa la moanáŋ-alalom, o mbo le moanáŋ-alashle, o mbo le adaŋ, o mbo le anaŋ, o mbo le moanwye, o mbo le agbi a zga okyku me le, aŋa á hwiŋ ayakplo he lo eka engyi endgaekyeŋ omba la ó ba mi, nga aŋa á hwiŋ esõ ba gbagbu-amo.

Eyesu a tno ŋa ma a lu mi le, O wo boŋ o klo o bli angyiŋ le, aŋo o yi o shri angyiŋ boŋ o shri o gbmo nga, o shri amgbaŋ lo o shri o gʼba moaekŋe, okyku eshi aŋo ó hwiŋ angyiŋ Ongyeŋ. Aŋo o kpo eka he o khwo bgu le, o ba o lu me ma.

Eyesu a tno ŋa ma a lu mi le, Okyku eshi aŋo o zhĩ me odlo eshri ekplo la e wo shasha? Are akyekyeŋ sha a wo shasha. Aŋo o kpaŋ odaŋ o wo boŋ o klo o hwiŋ esõ ba gbagbu le.

Ame e lu ekplokyeŋ é da gimi nganga. O wo ohli o gre ba arakumi a gre ewyle adne o gre, ba are angyiŋ á ba a yi Oreŋ Ongyeŋ.

Okyku eka he ame e lu e da gimi, areyaŋ a mbo la a kyu ashe baŋ abgo, o wo baŋ a ka a kpo abibli angyiŋ mbo le, o wo baŋ a kyu ashe ahe le, a ta ekpa angyiŋ.

Eyesu a nyuŋ moanwyeotum baŋ a lu mi le, Alo ó wo ewu nzenze ba are angyiŋ á ba a yi Oreŋ Ongyeŋ.