آیات محبوب کتاب مقدس از Dzɔ̌n 15

به اشتراک گذاشتن

Ǹ lo fəkâʼ, ghɛ̀ yia lo kwêe tò. Ghùw wəla ù lo ghàʼ à wə̄n alo kəfəgha kə mɔ̀ʼ, yìa Ǹ lô sugho ghàʼ à wə̄n, a lǒ wə̄n ù lò aleŋgeē mʉ utwam. Nu buw â mugho ù yo aleghə̂əŋ ghə̀a è li zo.

Ghɛ̀ məghaa doʼo wo a zəŋò mùghò, Ǹ lo doʼò wô alo kəfəgha kə mɔ̀ʼ sɛ̀. Kwèe kə fəkàʼ kə̀ yo alemʉ utwam mo kə kâ nyùŋ dòʼò alo fəkàʼ, à lò sugho eghala ghɛ̀ yo aleghə̂əŋ ghə̀a è li zo abugho ghɛ̀ doʼŋkè məghàa doʼò wô a zəŋò mùghò enyəa sɛ̀ e dzeŋe lo alo kəfəgha kə mɔ̀ʼ.

Abugho sɛ̀ ti alo kəfəgha kə mɔ̀ʼ, ghɛ yia ki sughò shwaʼ waŋa wo am fə̀ŋ tɛʼɛ, mò ghɛ̀ bvʉ ko kə̀ kwò ghɛ̀ ləghaa alekele, ghɛ̀ sô kèle nù.

À kà nùghù ghɛ shîaa wò mùghò, à kǔuwn laam lò mugho n shîaa kɔʼ ghɛ, fughu tsughu ghɛ̀ a daʼa ko enyəa ghɛ̀ nduw fwaʼ nduw fwaʼ kə̀ dzûŋ kò, àsùghò enyəa fwàʼ kɛʼɛ kə lo doʼò tən, to zə e lo enyəa mò ghùw wɛʼɛ bvʉ ko kə̀ kwò aŋ â Tsele u te an zən zaŋā, Tsele ù te mò è fughu.

Ləgha è səŋò è li e yo e kôom tsəghàsə zəla ghùw lò alekele enyəa: Ghùw ù te boo tsughu alekpuw an tuw u fən a wə̄n enyəa to ghe mô kele èmùghù.’

A m bùghò kwèe kə̀ li ko aŋ kàʼ fə te fo kə mʉā yô twam wo, mughu ù usum ù te ŋ kə̀aan màʼà è tsughu, à m bùghò wəla u mʉā twam wo, ù m fəghaan naŋa è kɔʼ enyəa u lo ŋgeē mʉā tsughu.

Lâŋ kaŋa kə lo enyəa, ‘Ləgha nlò ghue zɛ̄ʼā zo tò aŋghəa Ǹ ləghaa ghɛ a te.

Abugho ghɛ̀ lo kûm dê tsughu an twam wəla ghɛ̀ mʉā enyəa ghɛ̀ lo tsə̀təndə̄ghā taŋā, Bəghà lo daŋso kele ŋkɔʼso.

Yɛso n dzɛ̀ kpèʼe ndùw â tsə̀təndə̄ghā tə wə̄n to enyəa, “Ǹ lo tò fəkâʼ fə nomlo an usum, Tsele waŋā vʉ̀a ù lò mughu ù usum ù te.

Ghùw wəla ù yǒ ghàʼ à wə̄n alo kəfəgha kə mɔ̀ʼ, a ŋ kə̀a màʼà sə̀ nduw wə̄n tǒ kwèe kə̀ biigh koʼ, kə mò è zum, a ŋ kuum kpàa ndùw an wə̀s, kə m pfʉ̀gə̀m ndùw fughu.

Ŋ̀ ghəa ghən fɛ dzɛ̀ wo â ghɛ̀ aleghəŋlo enyəa duʼn zaŋā zə e lo a zəŋò ghɛ̀ àsùghò enyəa ghɛ̀ e kûm ŋgee duʼnlo.

Abugho ghɛ̀ naāŋ lâŋ kaŋa ko, ghɛ̀ è ke lo ko an ləgha zaŋa, tò aŋghəa Ǹ naāŋ sughò lâŋ kə Bəghà kò yìa Ǹ lô an ləghaa e wə̄n.

Lâŋ kaŋa kə lo ko enyəa, ghɛ̀ è ləghaa ghue zɛ̀ʼɛ zo.”

Abugho ghɛ̀ mò lo ghî a mbī gho, to mbī mô lə̀ghaa ghɛ̀. À sò fɛ lo enyəa mugho mo ghɛ fɛ am mbī shîaa nughu sə wo enyəa ghɛ̀ ka kôom doʼò sùghò tò ghî a mbī gho. Zə lo e ghe ghî a mbī bâa ghɛ.