آیات محبوب کتاب مقدس از Hanana Enjil 10

به اشتراک گذاشتن

Magas atan, magiry an, wide gojiry an, wide beri an. Ama ai tasim, ayarki tidirri an, wide ayarkon tidder zider an.“

„Ai anna kidir aïwil sere ter erin. Won aïwil sere tennewertigi aewrosin egedina joro.

Wide aigi atebaeran. Aigon tirgi aïyirrin.

Wide aigon tirgi ayar dimendigi atidirrin. Wala tiri bidabminan. Wala zol wer ann irton bikabkirmunum.

Ai zerubana agil ter erin. Aiged tolna zol bihalistakkin. Wide biton. Wide bibelin. Wide iwarkon belin.

Ama ai aïwil sere ter erin. Wide anna kidichigi aïyirirrin.

Abo tirgi aigi denel malen dogor dulum. Wala zol wer eskergi abon irton bidukirmunum. Aigon abogon wer erun.“

Won ann egedigon aigi aïyirran, abo aigi aïyirin nawite, aigon ikke abogi aïyirrin. Aigon ann ayarki aüskurrin egedina joro.

Wekkon eske annaiton ayarki barmunum. Ai annewertirton aüskurrin. Wide gudragi korin uskrarked widegon ararked. In wesadti abonaiton arsim.“

Yesu owittiged wetidirsum: „Aleged, aleged irgi wetidirri, ai anna kidir egedina zerubana agil ter erin.

Ama zol keraï, aïwilmenil, wala egedi tendichimenil, jeleg tekk abidi talebungi nalkin, egedigi mugos adososin. Wide jeleg egedigi kabkika agulirin.

„Aleged, aleged irgi wetidirrin, zol on egedina zerubana agilged tomenil, ama agar echel wekked dari tol, man zol amagilum, wide magasum.