آیات محبوب کتاب مقدس از Yokhana 6

به اشتراک گذاشتن

Tu̱ Yesu tlogha ye wor za, “Nga ke ɗye zu̱mndi nu̱ka vu̱rki nyifi, njif nu̱ ɗa ɓa ki sha ɓu̱ tu̱k meeri gana fan ɓa, yang tu̱k njif nu̱ maitaki nga sar da ɓu̱ tu̱k khuzhum ɓa.

Jiimba ke nu̱ vu̱rti nyifi, zalale aa nu̱m kha manva ɓa. Ɓalarku nang zu̱ki ye nwang ɗya jiimba, ndu̱ nyifi.

Ki nu bonye ku̱me kaalar ɗye zu̱mndi nu̱ke ka su̱bu̱rki ɓa, laɓ ma ɗye zu̱mndi nu̱ke ɓu̱ shi su̱bu̱r ɓa, yang ka vu̱r nyifi ye nu nu̱ke ɓu̱ shi woɗa ɓa. Nang ke pooni ɗye zu̱mndi nu̱ke Yi ɓu̱ Nduk ka vu̱rki ye nu. Ku̱me Magham wa ghwaɗ saidu maito nu̱ ve Masiya Yesu.”

Ku̱me nang ke shimndi ɓu̱ Zhinkir ɓanga, kap njif nu̱ke a nggu̱t Woyang, tu̱ ki maita nda wa gwa nyifi nu̱ke ɓu̱ shi woɗa ɓa, yang nga ka da nda nu̱ viɗi fu̱ɗar wuri.”

Tu̱ Yesu tlogha ye wor za, “Wonji ma ɗyi nu̱ke Magham a shimndanang, maita ma njif nu̱ ɗa ru̱kkyang.”

Kap nduki nu̱ Zhinkirang vu̱rki ya, kaɗa ɓa sha ku, yang njif nu̱ ɗa ɓa ki sha ngam ɓu̱ komba nda ɓa.

Tu̱ Siman Biturus tlogha yenda za, “Zhinerem gwaanji, chem ka ɗu̱kya she kiya? To ke nu̱ ɓalar nu̱ka vu̱rki nyifiri nu̱ke ɓu̱ shi woɗa ɓa.

Nga ke ɗye zu̱mndi nu̱ vu̱rti nyifiri nu̱ ɗa shurki viɗi. Kap njif nu̱ zu̱mki ɗye zu̱mndi nang ka gwa nyifiri koɗokhsi ɓa. Yang ɗye zu̱mndi nang ɗya man vara, nu̱ke nga ma vu̱rtan ma ku̱ larji gwa nyifiri.”

Nduk a nje nu̱ke ka ɗu̱maki ɓar sha ɓa, buka mbu̱ Zhinkir nu̱ ɗa ru̱kki ngang a dutki nda. Yang ngga da nda nu̱ viɗi fu̱ɗar wuri.”

Ɗye zu̱mndi ɓu̱ Maghamang ɗya nu̱ shurti viɗi, a vu̱r nyifi ye larji.”

Nga ke ɗye zu̱mndi nu̱ vu̱rti nyifiri.

Nu̱ Yesu daki ɓurti tolirang tu̱ kuna Magham, tu̱ shakh ye nduki nu̱ khaki ghang, tu̱ gama wora. Tu̱ shi wanang tu̱k ndu̱ yurvyang. Nu̱ zu̱mki ku tu̱ mbu̱ wor zhi, tu̱ ze nu̱ mburi nda kwang za, “Taba ma nggusurnggusuran nu̱ khakyang ma ku̱ aa nu̱m su̱bu̱r ɓa.”

Qu̱rse wa shi yir ku ɗyin ɗyimang wa kilomite qurmun ma yir njong, tu̱ na Yesu ku a khatl yir ɗyine ɗyimang, a ɓar bing ndu̱ du̱mbu̱lang, tu̱ mbu̱ wor nja ɗyim. Yang tu̱ Yesu ze wor za, “Tu̱k nu̱ sawa ɓa, ɗya nga.”