آیات محبوب کتاب مقدس از IOANE 14

به اشتراک گذاشتن

“Maino umui dekenai lau rakatania, lauegu maino lau henia umui dekenai. Tanobada ese ia henia maino bamona lasi, be lau ese lau henia umui dekenai. Umui laloa hekwarahi lasi, bona umui gari lasi.

Iesu ia haere, ia gwau, “Dala be lau, hereva momokani be lau, mauri danu lau. Tamana dekenai do idia lao taudia ibounai edia dala ta be lasi, lau sibona.

“Umui laloa hekwarahi lasi, to Dirava dekenai umui abi-dadama henia, lau dekenai danu umui abidadama henia.

to Durua Tauna, Lauma Helaga be unai, Tamana ese lauegu gabuna abia totona do ia siaia. Ia ese gau ibounai do ia hadibaia umui dekenai. Hereva ibounai lau henia vadaeni umui dekenai, be ia ese umui emui lalona dekenai do ia hedinaraia lou.

“Lauegu taravatu ia abia dae bona ia badinaia tauna, inai tau ese lau ia lalokau henia. Lau ia lalokau henia tauna, be lauegu Tamana ese ia do ia lalokau henia, lau danu do lau lalokau henia, bona ia dekenai do lau hedinarai.”

Vadaeni lau ese Tamana do lau noia, ia ese Durua Tauna ta do ia henia umui dekenai, umui dekenai do ia noho hanaihanai, hereva momokani Laumana unai. Tanobada taudia be ia idia abia dae diba lasi, badina be ia idia itaia lasi, bona ia idia diba lasi. To umui be umui diba, badina ia be umui dekenai ia noho, bona emui lalona dekenai do ia noho.

Egu ladana dekenai do umui noia gaudia ibounai do lau karaia, vadaeni egu Tamana ese hairai do ia abia, iena Natuna dainai. Bema gau ta lauegu ladana dekenai umui noia, lau be do lau karaia.

“Bema lau dekenai umui lalokau henia, be lauegu taravatu do umui badinaia.

Egu Tamana ena ruma dekenai noho gabudia be momo herea, bema inai be lasi, be do lau hamaoroa umui dekenai. Badina lau be do lau lao, gabu ta do lau karaia hegaegae umui emui.

Bona lau lao, emui gabu ta do lau karaia hegaegae murinai, lau be do lau giroa mai, lau dekenai do lau abia dae umui, vadaeni lau noho gabuna dekenai be umui danu unuseni do umui noho.

Toma ia gwau, “Lohiabada e, do oi lao gabuna be ai diba lasi, dala be edena bamona do ai diba?”