آیات محبوب کتاب مقدس از Лука 8

به اشتراک گذاشتن

Хъа авадан ругдиина ахьдар – мурар, Аллагьдин гаф гъеебхьиган, му чпин марцци кӀваъ уьбхрудар ва сабур апӀбиинди бегьер туврудар ву.

Хъа зазаригъ гъяхьдар – мурар Аллагьдин гафнахъ хъпехърудар, амма гъайгъушнари, девлетну ва гешт хъапӀбу йисир дапӀну, Аллагьдин гафнахьан гьудучӀврудар ва, гьаддиз, бегьер дархрудар ву.

Хъа гъванариина ахьдар – мурар, Аллагьдин гаф гъеебхьиган, думу шадди кьабул апӀрудар, хъа чпихъ мюгькам ччивар хътарди хьпаз лигну, бязи вахтари хъугърудар, хъа читин гъабшиган, хътругърудар ву.

Гьадмуган Исайи дурариз гъапну: – Хъугъʼвал набшдичв? Дурари, гучӀ кабхъну ва мюгьтал духьну, чиб-чпиз кӀури гъахьну: – Му фуж вуйкӀан, микӀаризра, штузра амур апӀрур, ва дурар Мугъаз мютӀюгъра шула?

Рякъʼина тадахьдар – мурар, чпиз Аллагьдин гаф ебхьурайи, амма чпихьна хъасин иблис дуфну, дурар ебхьурайи гафнахъ хътругъри ва гьаци уьрхювал гъазанмиш дарибшри пну, дурарин кӀваан иблисди гьадму гаф гъабхурайи касар ву.

Фицики ашкар даршлу жиниб фукӀара адар ва, мялум даршиди, арайиз ададабхъру гьич саб сир адар.

Дишагьлийиз чахьан гьитӀикӀуз даршлуб дябкъну, гукӀунди багахь духьну, Исайин ликарикк ккархьну, чав Дугъак гьаз куркӀнуш ва фици учв дишла сагъ гъахьнуш, вари халкьдин улихь мялум гъапӀу. Исайи дишагьлийиз гъапи: – Йиз риш! Яв хъугъували уву сагъ гъапӀунву; архаин духьну, гъарах.

Дурар, Исайихьна дуфну, Думу нивкӀʼан хъиргну кӀуру: – Мялим! Мялим! Батмиш шулахьу! Хъа Дугъу, гъудужвну микӀлаз ва штун лепйириз гъадагъа апӀуру, ва дурар лал шулу, архаинвал абхъру.