آیات محبوب کتاب مقدس از Luke 5

به اشتراک گذاشتن

A thu hilh a man khit ciangin Simon kiangah, "Tui thuk lamah hot phei inla na lente khiasuk g in," a ci hi.

Simon in, "Topa aw, zan thapai-in khuhkhuh napi bangmah ka man kei uh hi. Ahi zongin nang cih ahi manin len ka khiasuk ding hi," a ci hi. Amaute in tua banga a hih uh ciangin ngasa tam awk lua ahi manin a lente uh a kikek dektak hi.

Ahi hangin gamdaihna munte ah Jesu kihemkhia zelin thu a ngen hi.

Thumaante sam dinga hong pai hi loin, mawhneite kisiksak dinga hong pai ka hi hi," a ci hi.

Simon Peter in hih a muh ciangin Jesu mai takah bokin, "Topa aw, kei kiang pan paikhia in; mawhdim mi ka hi hi!" a ci hi.

Jesu in amaute kiangah, "Cinate siavuan kisam uh a, cidamte kisam lo uh hi.

Tua ciangin amaute in a gunkuangte uh tuigei-ah kaito uh a, na khempeuh nusia in amah a zui uh hi.

Khuapite khatah Jesu a om laitakin phak a natna in a pumtuam mi khat va pai hi. Tuapa in Jesu a muh ciangin leitualah khupbawh in, "Topa aw, ut peuh lecin nong siangsak thei hi," ci-in a thum hi. Jesu in a khut zanin tuapa lawng a, "Ka ut hi, siang ta in!" a ci hi. Tua khit phetin phak natna in amah a nusia pah hi.

Tua hi napi ama thu kizel semsem a, ama thugen ngai ding le a natnate uh a damsak ding deihin mihonpite a va pai uh hi.