آیات محبوب کتاب مقدس از Yôhan 16

به اشتراک گذاشتن

Kâo hmâo laĭ laih hơdôm tơlơi anŭn kơ ƀing gih, kiăng kơ ƀing gih dưi hmâo tơlơi rơnŭk rơnua amăng Kâo. Ƀing gih či hmâo tơlơi tơnap tap amăng lŏn tơnah; samơ̆ dŏ kơjăp pran jua bĕ, Kâo hmâo dưi hĭ laih hăng lŏn tơnah.”

Samơ̆ tơ Yang Tơlơi Sĭt truh, Ñu či atăt ba ƀing gih amăng abih bang tơlơi sĭt. Yua kơ Ñu ƀu pơhiăp mă mơ̆ng Ñu pô ôh, samơ̆ Ñu pơhiăp abih tơlơi Ñu hmư̆, hăng pơrơđah brơi kơ ƀing gih kơ tơlơi či truh tơdơi.

Truh ră anai, ƀing gih aka rơkâo ôh sa tơlơi amăng anăn Kâo. Rơkâo bĕ laih anŭn ƀing gih či mă tŭ, kiăng kơ tơlơi hơ̆k mơak ƀing gih dưi klă tum.”

Wơ̆t dah tui anŭn, Kâo laǐ sĭt biă mă kơ ƀing gih: Kâo nao jing tơlơi tŭ yua brơi kơ ƀing gih. Yua kơ tơdah Kâo ƀu nao ôh, Pô Djru ƀu či rai pơ ƀing gih ôh. Samơ̆ tơdah Kâo nao, Kâo či pơkiaŏ Ñu rai pơ ƀing gih. Laih anŭn tơ Ñu truh, Ñu či kơčrâo kơ lŏn tơnah kơ tơlơi soh, kơ tơlơi tơpă, laih anŭn kơ tơlơi phat kơđi.

Ăt tui anŭn mơ̆n, ră anai ƀing gih hmâo tơlơi rơngot hơning, samơ̆ Kâo či ƀuh ƀing gih dơ̆ng, pran jua ƀing gih či hơ̆k mơak laih anŭn arăng ƀu dưi mă hĭ ôh tơlơi hơ̆k mơak anŭn mơ̆ng ƀing gih. Amăng hrơi anŭn ƀing gih ƀu či tơña kơ Kâo sa mơta tơlơi hơgĕt dơ̆ng ôh. Kâo laĭ kơ ƀing gih sĭt biă mă, hơgĕt tơlơi ƀing gih rơkâo mơ̆ng Ama amăng anăn Kâo, Ñu či pha brơi kơ ƀing gih.

Kâo laĭ sĭt biă mă kơ ƀing gih, ƀing gih či hia hăng rơngot hơning, samơ̆ lŏn tơnah či hơ̆k kơdơ̆k. Ƀing gih či rơngot hơning samơ̆ tơlơi rơngot hơning ƀing gih či pơplih jing hĭ tơlơi hơ̆k mơak.