آیات محبوب کتاب مقدس از GENESIS 3

به اشتراک گذاشتن

Tukeiccuze tuh-e thingku a thae tuh ae lan ahoy, duaa lan a um, te hawnaw mue nawlan ry lan umpaw thingku athuapaw kha nopinung nynh he a muih tuh, athae kha lokuh zah a ae, thingthae abang kha a vawpaw kalan pyabua zah a vawpaw nynh mah a ae.

BAWIPAW Pachia nynh a raepaw ccangpaw sarangpaw hae laeze hupaw tuh a thyaruh huapaw nynh thua. Hupaw nynh nopinung kha, “Pachia nynh, ‘Khokhu kya umpaw pawpaw thingthae mah na ae lan khyh oh,’ a ci ccaccing tou?” cite a ci.

Nang te nopinung laku thuasah, na ciihan te a ciihan laku thuasah rawsekunaw ka nung cih; aning nynh na lu kha ae tude cih zah nang nynh a ccukhung kha na tuh cih,” a ci.

Nopinung kha, “Na teing lanpaw ccaawpoinaw kya-e teingnaw kha myarya ka lesah cih; ccinaw teingte ccaaw na saah cih, thuasalama na vawpaw kha na ry ngaethae cih zah aning nynh nang kha ae uk cih,” a cipya.

Laephi kalan na kithui makhia na mae kyate na vaesaw a pou lante looh kha na ae cih, pawccecize laephi kyate rae na thua; nang tuh laenoi na thua zah laenoi kalan na kithui cih,” a ci.

Te pisepaw kha, “Na zu bya kha na ngae zah ‘Khah-e thingthae kha na ae lan khyh,’ cite kaw kae pyapaw kha na ae keiccuze laephi hynh nang keiccuze thyalaw athua; na hiin lungkhu balyn laephi kya-e kha thawbangte ryalawkute na ae cih

Pachia nynh, “Na ccakaete na um cipaw hummou ae hopah? Na ae lan khyh cite kaw kae pyapaw thingthae kha phe na ae vae tou?” cite a khia.

Pachia nynh pisepaw kha dee zah hiinnaw thingku kalan cceihpaw laanpi kha khynsah khylan Eden khokhu nithua langkhe teitei lang balyn amiakuh khopaw maee thaloi te cherubim hae kha a nung hae.

Pisepaw nynh a zu kha Evi cite min a phu, pawccecize aning tuh ccungccaw balyn hae nung nynh thua.