آیات محبوب کتاب مقدس از Mat 19

به اشتراک گذاشتن

U ŋeé beébe bísíémúkúnyí, mbá ɔsɛ náábɔ́ : « A aháŋá na baacɔ, bú tɛ á bá bú ɔbɛ́kɛ́láka buúse bukime, mbá Bandɔ́mɛsɛ́ áŋa wu ɔkɛla bɔkɔ bukime. »

Aáná bá tɛ abɔ́ bá tɔ́na baacɔ béfendí, mbá bá bɔ́áŋa hú ɔɔcɔ ɔmɔtɛ́. Ɛ́ɛhɛ́ ɔɔcɔ tɛ ɔ́mɔɔ́ nyɛmána aná wu oweélúnyi nyɛtɔ́nɔ́ nyɛ́ baacɔ abá Bandɔ́mɛsɛ́ á láta. »

Mbá ɔsɛ : « Banɔ́ ta ɔfana Ciɔɔ́ŋɛ́ cɛ́ Bandɔ́mɛsɛ́ e ? Yááŋa yɔɔ́ŋɔ́kɔ́nɔ́ hɔ́á anyía, e nyitúme Muketi bɛnyɛ́ma bikime ŋe kétíki na ɔnɔ́mɔcɔ́ ne oónjú ; yɔ́ kɔ́ɔna ɔsɛ : “Yaátɛ́ asana ɔnɔ́mɔcɔ́ káá hátɔna a maabána me ne iinyí ne síkíne, yɔ́ kɔ látana ne oónyí. Bífendí eébí bɛ́ɔ́ kɔ bámɔ́kɔ́na ɔɔcɔ ɔmɔtɛ́.”

Mbá Yésus ɔsɛ : « Nuti beébe lekéke. Ánɔ nyɛanáka banásɛ́ á faakɔ́na náámɛ, anyía Bandɔ́mɛsɛ́ ŋe téŋínyi baacɔ a bá bɔ́ŋa a ciabɔ́ ihúényínyí. »

Ɛ́ɛhɛ́ yááŋa anyía baacɔ beéŋí a bá bɔ́ŋa aámbáya eé buúse ká bɔ́ hálɔ́mɔ́kɔ́na e elime ; beéŋí a bá bɔ́ŋa e elime ká bɔ́ hɔ́laka eé buúse. »

Aáná ɔɔcɔ okime awɔ́ u ká bɛ́yúáta bɔkɔ a búmɔtɛ́ aámɛ a asana, te cííyí iiki, te benyíinyí a banɔ́mɔcɔ́, te e beénjú, te iinyí te síkíne, ta baáná mbá ta ciayɛ́ iisí, é menyí anyía u kɔ́ɔ́ bɔ́ŋɔ ne etíne atáánɔ cá bɔkɔ bukime ebú u ŋeé síké na yɔɔ́sɔɔ́sɔ yí olíhe yí ekúlú ekime.

Mbá ɔsɛ ná ɔɔcɔ : « Mbɔ́kɔ ɔ ŋɔɔ́ waamba ɔbámɛ́na taaká cɛ ambányɛ yɛ́ ɔɔcɔ ɔ ɔhɔla, cɔbá ké ke túéke buɔ́wɔ bɔnɔ́mɛ bukime, mbá a aafakɛna mɔɔnyɛ́ ná basɔ́kásɔ́ka ; aáná ɔ kɔ́ɔ́ bá na bɔnɔ́mɛ a Bunɔŋɔ bɔ́ Ɔmuaná. Mbá a faaya, e búle mɛ látɛ́na. »

Yésus ŋé wuúci bɛ́káma ɔsɛ : « Anyíatɛ́ ɔ ŋɔ mɛ bata asana a yambányɛ yɛ́ ɔkɛlaka e ? Ambányɛ yɛ́ ɔɔcɔ áŋa hú ɔmɔtɛ́. Mbɔ́kɔ ɔ ŋɔɔ́ waamba ɔbɔ́ŋɔ olíhe, látákɛ́na *bikotí. »

I ŋe túné ámɛ banɔ́ láana, isíʼo : Yááŋa fiaŋɔ anyía samó á hɔlɛ́na o onue ú ɛndɔndɔkɔ na anyía ɛnɔ́mɛ cɛ ɔɔcɔ ó yóófíne e Butéŋí bɔ́ Bandɔ́mɛsɛ́. »

Ɛ́ɛhɛ́ ɛ ŋa mɛ́ banɔ́ láana isíʼo : Ɔnɔ́mɛ okime ewú é kíné oónyí, mbá u bátɛ́na oónjú u etémbí, ɛ tɛ ŋáa bá hú anyía oónyí u buúse áŋa ɔkandákánɔ́ hɛsɔmɔ, ɔɔcɔ oócí ma kándaka hɛsɔmɔ. »

Mbá Yésus ɔsɛ ná bááyɛ́ *baákɔ́nɛ́na : « Hmm ! Ɛ ŋa mɛ́ banɔ́ láana aá taaká, isíʼo : Yááŋa anatákánɔ́ yɛ́ asana anyía ɛnɔ́mɛ cɛ ɔɔcɔ o yóofine e *Butéŋí bɔ́ Ɔmuaná.