آیات محبوب کتاب مقدس از Éxodo 3

به اشتراک گذاشتن

Jayawe Tumpa jei Moisés pe: “Che cheree ko CHE KO CHE,” jei chupe. “Nde ndereta chupe reta, ‘CHE KO CHE jee wae chembou pekotɨ.’

Jayawe Tumpa jei chupe: “Añetete che aïta nde ndiwe,” jei. “Nenoeta reta ɨwɨ Egipto wi. Jare pe reta peyu yeta kua pe cheree pembutuicha waerä kua ɨwɨtu wasu re. Jare jokua uikuaakata che ko jae nomondo wae,” jei Tumpa chupe.

Jare Tumpa jei chupe: “Epɨta joko pe. Awɨye eya katu cheré,” jei chupe. “Eki ndepɨpasa, echa’ä kua ɨwɨ ndiyemboɨ neï jese wae añono tee chemaerä,” jei chupe.

Jare Tumpa jei chupe: “Che aecha aï kërái uiporara ñonoï aiparawo wae reta ɨwɨ Egipto pe,” jei. “Ayandu ma ipüe ñonoï täta upurumɨmbarawɨkɨ wae reta jeko pewa. Jare aikuaa wi jae reta ikuasɨete ñonoï reta,” jei. “Jáeramo che ayu aepɨ reta waerä ɨwɨ Egipto pewa reta wi,” jei. “Che anoeta reta jokua ɨwɨ Egipto wi araa waerä pëti ɨwɨ ikawiete wae pe kiape uyekouta ñonoï wae,” jei. “Jokua ɨwɨ pe ñonoï cananeo jee wae reta, jare heteo jee wae reta, jare amorreo jee wae reta, jare ferezeo jee wae reta, jare heveo jee wae reta, jare jebuseo jee wae reta,” jei Tumpa Moisés pe.

Joko pe araɨwa Tumpa etei wae uyekuaa Moisés pe pëti yái jendɨ oï wae pe kuärái: Moisés uecha yái tuicha jendɨ oï, erëi okai’ä oï.

“Jáeramo ekua nde. Che nomondota ɨwɨ Egipto pe mburuwicha wasu jowai nenoe waerä jokua ɨwɨ Egipto wi Israel iñemoñaa reta – jae reta ko che aiparawo wae,” jei Tumpa Moisés pe.