آیات محبوب کتاب مقدس از Jɛnesis 9

به اشتراک گذاشتن

Kumo be kaman nɛ Ebɔrɛ kaŋɛ bumo le: “Kɔnɔ nɛ mee nase nɛ k baa wɔtɔ mbaanaayɔ n sa menyi nɛ asɔ futeso kama nɛ menyi nɛ amo wɔtɔ ere be tɔɔnɛ nde: Mee ta ma kabɔrɛnyaŋgelambi nna a wɔtɔ awɔlpa to nɛ k baa la ma nɛ durnya kikɛ be kɔnɔkoŋwule be ŋkre na be kanyiŋi.

Saŋkama nɛ kabɔrɛnyaŋgelambi na lar awɔlpa to, meeŋ wu kumo nseŋ nyiŋi ma nɛ menyi nɛ asɔ futeso kikɛ be kɔnɔkoŋwule be ŋkre na.”

Esa kama nɛ e mɔ dimɛdi, baaŋ mɔ amodoŋwura gba n tal to, ŋkpal manɛ so, Ebɔrɛ pɔr dimɛdi nna fanɛ mbe kaduli.

Ndoŋ nna nɛ Ebɔrɛ nɛfa Nowa nɛ mbe mbia na nseŋ kaŋɛ bumo le: “Men kurge n wora keshi n sɔ kasawule so kikɛ.

Kusɔ kama nɛ k kɔ ŋkpa beeŋ baa la kusɔ jiso a sa menyi. Kananɛ n daŋ ta asɔ duuso kikɛ n sa menyi na, loŋ koŋwule na nɛ naniere mee ta kusɔ kama nyam nɛ k kɔ ŋkpa a sa menyi.

Asɔbɔyaana kikɛ nɛ mbuibiana kikɛ nɛ asɔ gbeyesoana kikɛ nɛ ekɔrɔtɔana kikɛ beeŋ baa ŋana menyi nsaa ta kufu a shile menyi kutɔ. Ma alɛ ta amo kikɛ m bɔɔ menyi enɔ.

Menyi ere e baa kurge n wora keshi n ti so n salga to n sɔ kasawule ere so kikɛ.”