آیات محبوب کتاب مقدس از San Marcos 14

به اشتراک گذاشتن

Ijkí̱n kite̱ne̱wij Dios: —NoTaj, noPa̱paj tej nochi wel tikchi̱wa; xine̱ma̱nawi kua̱ꞌ yawij ne‑ikno̱chi̱watij, eꞌ amo mamochi̱wa ken nej nikneki, mamochi̱wa ken tej tikneki.

Xisatóka̱nya, iwá̱n xi‑ora̱do̱ka̱n iga amo mamitzta̱nili̱ka̱n Tzitzimiꞌ. Nikmati iga amoa̱lmaj kineki xikchi̱waka̱n ken nej nikneki, eꞌ amogá̱najsan awel ankichi̱waj.

Nimitzijliáj iga ka̱nsan ipan inewi iní̱n ta̱jli mopowas kén iga Dios tama̱nawiá, yawi no̱ mopowati yej kichij iní̱n siwa̱ꞌ, iwá̱n ijkó̱n moejla̱mikis yej kichij.

Iwá̱n kijtoj: —Poxsan nimokno̱mati este ken nimikisnékiya. Nijoꞌ xika̱wika̱n wa̱n xisatoka̱n.

Mie̱j nemi takuaj, Jesús kikuiꞌ se̱ pa̱n, kimáꞌ gracias Dios iwá̱n kita̱tajkoloj iga kimajmáꞌ idisci̱polojmej. Kijtoj: —Xikuika̱n iní̱n pa̱n iwá̱n xikua̱ka̱n, ini̱nwaꞌ nocue̱rpoj.

Iwá̱n Jesús kikuiꞌ vaso yej kipiá vino, kimáꞌ gracias Dios, iwá̱n kimajmáꞌ idisci̱polojmej, iwá̱n inochi̱n konijkej. Jesús kijtoj: —Iní̱n kijto̱jneki noesyo iga nikchi̱wa seꞌya pacto, iwá̱n toya̱wis iga miaꞌ maye̱ꞌono iyi̱xtaj Dios.

Iwá̱n Jesús kijtoj: —Amejwa̱n amonochi̱n ankikajte̱waskej iga anmoconfia̱rowaj ipan nej iní̱n yówal iga ijkí̱n ijkuilijtoꞌ: “Nikmikti̱j ite̱ko borre̱gojmej, iwá̱n borre̱gojmej pa̱payi̱niskej.”

Ximoketzaka̱n, matiá̱ka̱nya; wi̱ꞌya yej ne̱ne̱xtiá.

Eꞌ Jesús kijtoj: —Nimitznojma‑ijliá iga iní̱n yówal, kua̱ꞌ aya tzajtzi ka̱yo o̱me ve̱j, tej e̱yi ve̱jya tikijto̱j iga ayá̱ꞌ tine‑i̱xmati.