آیات محبوب کتاب مقدس از KANTHOUNA 1

به اشتراک گذاشتن

Heirou Dunpune shun, “Kane kaiyei shakrungya loubine, kaiyei runglhahak kmalni tlaipang thimi sheemthutdase, heitoubi yani yuirei klei chiwi rapya heirou nungthourei traicha ramwaa, heirou ui-waa, ramyaa heirou ukni tulcha chiwi rapbei doura heirou tlaipangpallei doura pu khoini paallakasu.” Heisitoubi Dunpune Aiyei runglhaya loubine tlaipang thimi sheemthutkur, heirou Aiyei runglhara Ane yaya, napawa heirou napuiya sheempikur.

Heitoubi Dunpune yaya phor pibine kyun, “Lungpunbi yu-cha pungduilaksu; heitoubi tlaipangpal karyouni paalbine, samadruei thanga'lim, nungthourei traicha ramwaa rapbei dourakhi, heirou thleidou karyouni ringbi klei chiwirap nammaei dourakhi pu khoini paallakasu.”

Tlaipang waiyoutirnung Dunpune lamkrini Thangmun heirou Shimlei sheemthutkhou.

Kheen heinungri tlaipangpalri koukhi shakrungkhi naimakni louklei, heitoubi kmehni yui'nlaak doura mkhubphopbine louklei. Heirou Dunpuei Lhawaini yui'nlaak doura kanchekchakhou.

Heirouri Dunpune shun, “Kwaar allaksu,” heirouri kwaar yuk'alkur.

Heisitoubi Dunpune sheemthutpikur Aiyei hutsarap namyerwa heiri Ane thinarouri beimakni lhangaiyura touri muwurla. Heisitoubi rawai khatle ningshun khat heiri thrukni tlung tlaini hoikur.

Heirouri Dunpune kwaar heiri lhangaime touri muwurla; heitoubi Dunpune kwaar heiri kmeh'rouwei khaithutpikur.

Heirouri Dunpune shun, “Thilak, tlaipang thleidourei pukbi klei heengtrung-rotrungrap, heenghei-roheirap, anna-louna namma heiri nanungei silnawurla; heirou heirapya naiyei murchaknungei hoiyerwurla.

Heirou Dunpune kwaar heiya Tlaini, heirou kmehya Ane Masa toubi min thulkur. Heisitoubi rawai khatle ningshun khat heiwani lamkri tlainikhat hoikur.

Heirouri Dunpune shun, “Nungthou'le Samadru heiri lailaini hoilakasu; heitoubi yui nlaakle yui'nlaak heikhi lailaini khailakasu.”

Heitoubi tlaipangpalra ringbi klei ramyaa kantangnungei, ukni tulcha chiwi lim kantangnungei heirou nungthourei traichabi klei yoolim-waalim kantangnungkhi yaiyei shainung heengna-rona, heirou chanungei heenghei-rohei limlimkhi Keine piwurla,” heirou shunthutkur heinakrimni hoiyura.

Heirou Dunpune shun, “Thangwanrei wanshangra kwaar yuk'allaksu, heitoubi masa-nunghang khainei hutlha khoini, Kinni, tangla, heirou kum'chaankhi yuktamlakasu.

Heirouri Dunpune shun, “Thleidoura louhtrung-ramtrungkhi katpuklakasu, heitoubi limlimei heengpar-ramparkhi heirou heikhei heengtrung-rotrungkhi heirou trunwai trungkhi limlim katpuklakasu,” heirouri kyun heinakrimni hunghoikur.

Heisitoubi Dunpune nungthouya sheemkur, heirou nungthou daakrei klei yui nlaakle nungthourei yuile lailaini khaithutbi heisibil hoiyerkur.

Heisitoubi tlaipangpal heiri heengna-ronani mar'emyerkur, heengpar-rampar limlim, heenghei-rohei limlimei heengtrung-rotrungni bilthimkur; heirouri Dunpuei mit'thrilnara lhangaiyurame toubi muwurla.

Heirouri Dunpune kwaar tang khintam sheempikur, alduiyei kwaar Kinni heiri nunghangnang pu khoini warnungei, heirou wardupbei kwaar heini masanang warnungei, heile kalhonni Ane sorwa rapkhi sheemkur.

Heithangrou Dunpune shun, “Nungthou daakrei klei yui namma heiri bi khatra kallonglakasu, heirou thlei taarnakhi laini hoilakasu,” heirouri kyun heinakrimni hoikur. Heirouri Dunpune taarnabi heiya Thleidou toubi min thulkur; heirouri Dunpune heiya thinarouri lhangaiyurame toubi muwurla.

Heirou Dunpune yaya phor pibi kyun, “Lungpun hoiniyasu, heitoubi mshingkhi chungduilakasu; heirou samadru thimni karyoulakasu, heirou yoo-waa rapne thleidou thimlakasu.”

Heirouri Dunpune shun, “Tlaipangdou arou yaalim-yoolim namma tlungni leilakasu,” heirou ui-waa limlim, frul limlim heirou ramyaa limkhi tlungni leilakasu; heisitoubi shunkur hilthungni namma hungthukkur.

Heirouri Dunpune shun, “Yuirillani heiyei lhawaipal chiwi rapne thimlakasu, heirou nungthourani yoo-waa rapne traichabi thimlakasu.”

Heisitoubi Dunpune ramyaa limlim sheempikur, heirou cheemrei kyuk ui-waakhi limlim sheempikur, heirou ukni tulcha frul limlimkhi sheempikur; heirou sheemthutkur namma heiri Dunpuei mit'thrilnara lhangaiyurame toubi muwurla.