آیات محبوب کتاب مقدس از Zhuwawu 1

به اشتراک گذاشتن

Mbwenye aatene yamwaakele, eroromelaga ndina naaye, oliye ahaavaha oneeti wi yiiriwege ahima a Mulugu.

Vowambeela wa dhaatedhene yaali Madhu, Madhu yaali vamohi ni Mulugu, vano Madhu yaali Mulugu.

Waara woomoneya muyiihini teto yiihi kayaandile ogonjiha waara.

Madhu yahisadduwa okalana mwiili wa emuthu, odha okalaga vaari va athu. Madhu ayo yahidhaaliwa mahala ni ebaribari, vano nihoona nthithimiho naaye wona nthithimiho na Mwaana mmohive a Babe.

Mulugu ahipaddusa dhaatedhene mwa Madhu ala teto kavili yego eyene yapaddusiwe Madhu ala ehilivo. Mwa oliye mwaali egumi, egumiya yaali waara waamoneyela athu.

Omenseloni wiwa Zhuwawu ahimoonaga Yesu adhaaga wa oliye, vevale ahiiraga: <<Mmoone, ndde thi Nibila na Mulugu, nnavenyihavo dhoothega dha athu a mwiilaboni ya vati.

Ole oli Madhu aali mwiilaboni ya vati teto Mulugu ahipaddusa elabo ya vati mwa oliye, mbwenye athu a elabo ya vati kayamudidele. Oliye ahidha elabo yaaye ya vati, vano athuya kayamwaakele.

Waara wa ebaribari, waamoneyela athu aatene, wahidha elabo ya vati.

Malamulo yavahiwe odheela mwa Mozezi, mbwenye mahala ni ebaribari dhidheele mwa Yesu Kirixtu ole aroromelihiwe.