آیات محبوب کتاب مقدس از Mateusi 16

به اشتراک گذاشتن

E'i jẽ Jesu wemimo'ekwerà kõ pè: – Pepota awyje erupi peiko remẽ, eayvu rupi tapeiko ipi. “Jesu remimota ywesõ ikasi eremimota wyi”, tapejẽ. Ãmõ, ava mõ sõ, “Nereityi Jesu remẽ, orojukatà”, e'i sõ pejẽ remẽ, kee tapejẽ ãmẽ ijupe: “Nimanyvoi ejuka pekupa remẽ”, tapejẽ kõrijõ ijupe ãmẽ. “Ajamã'ẽ naity'ãi Jesu ejuka pekupa remẽ”, tapejẽ, e'i Jesu ijupe kõ.

Ajare kee a'e ene. Peturu a'e neupe. “Takuru” jaa tè aepo a'e ene. Ene ypy ekuwa Janejare'e Ra'yry rõmõ. Ajawyi aepo ere mã'ẽ a'evo ve tetã ãparõga vo. Ãwĩvo ve ekoty rewarà kõ amoatytà ojirõromõarà rõmõ toiko kupa. Pe'ĩypyte mã'ẽ rõmõ ainõ kõtà. Ikasiaytà ekoty rewarà kõ atyry. Ava nikasi'ãi imomaa rè. Mãnõa tẽ tesõ nikasi'ãi imomaa rè. Mãerã tè ekoità, e'i Jesu Peturu pè.

E'i jẽ Jesu: – Nekuwa manyvo oroereko Janejare'e remĩgwai rõmõ. Ajawyi oroayvumokasità Janejare'e omoẽoka o'arà kyty mãe kõ atyry kõ rè, ivo katu mã'ẽ kuwaparà rõmõ, e'i. Neayvukasità Janejare'e yvapewarà ayvu rupi tè, e'i. “Nivoi” ere sõ ava mõ pè remẽ, “nivoi” e'i tary ve Janejare'e ijupe. “Ivo” ere sõ ava mõ pè remẽ, “ivo” e'i tary ve Papa ijupe, e'i Jesu Peturu pè.

– Ãmẽ ava mõ nereityi 'ete mã'ẽ omãnõ remẽ, i'ãg nomãnõ'ãi. Janejare'e omoigo puku karuarutà opyri. Ajamã'ẽ ava mõ ojireko katu ipe mãnõa wyi remẽ, kãramõ omãnõ jẽtà ajamã'ẽ, e'i.

Nooi Janejare'e pyri oiko karuaru remẽ, manyvoa rã rõmõ rõwã kuwa oma'e kõ omoaty ywete. Agyvotè ootà jimomorijaua rena kyty. Awyje a'e pè ekoità. Manyvo ne'i'ãi omoẽa moepy, e'i Jesu.

E'i jẽ Jesu: – Pejẽ pa'e? Ava pejẽ põkõ ãmẽ ije? e'i. Ãmẽ Simão Peturu e'i: – Ije ãmẽ, “Janejare'e Remimuurerà tè ene, orerõvijã ywete rõmõ”, a'e ene. “Janejare'e oiko teãmã mã'ẽ Ra'yry tè”, a'e neupe, e'i Peturu ãmẽ ijupe.

Ãmẽ Jesu oryvay aepo renu. – Õ'õ aje ywete ere, Simão Pajona. Jane kõ rõwã nemotekokuwa aepo jaa rè. Papa yvapewarà teãmã nemotekokuwa aepo tere ije, e'i. Tanerory ajawyi.