آیات محبوب کتاب مقدس از يُوحَنَّا 1

به اشتراک گذاشتن

آمَا النَّاسْ الِّي قِبْلُوهْ الكُلْ، مَعْنِتْهَا الِّي أَمْنُوا بْإِسْمُو، عْطَاهُمْ الحَقْ بَاشْ يْوَلِّيوْ وْلَادْ اللَّهْ.

فِي الأُوِّلْ بِالكُلْ كَانْ الكِلْمَة، والكِلْمَة كَانْ عَنْدْ اللَّهْ، والكِلْمَة كَانْ هُوَّ اللَّهْ.

والنُّورْ يِضْوِي فِي الظْلَامْ، والظْلَامْ مَا غِلْبُوشْ.

والكِلْمَة وَلَّى بَشَرْ، وعَاشْ بِينَاتْنَا مِلْيَانْ بِالنِّعْمَة والحَقْ. وشُفْنَا مَجْدُو، المَجْدْ الِّي خْذَاهْ مِنْ عَنْدْ الآبْ، بِإِعْتِبَارُو إِبْنُو الوَحِيدْ.

واللَّهْ خْلَقْ كُلْ شَيْ بِيهْ، ومِنْ غِيرُو مَا تِخْلَقّْ حَتَّى شَيْ. فِيهْ كَانِتْ الحَيَاةْ، والحَيَاةْ هَاذِي كَانِتْ النُّورْ لِلنَّاسْ.

مِنْ غُدْوَة شَافْ يُوحَنَّا يَسُوعْ جَايُو، يَاخِي قَالْ: «هَاذَا هُوَّ خَرُوفْ اللَّهْ الِّي يْنَحِّي ذْنُوبْ العَالِمْ.

هُوَّ كَانْ فِي العَالِمْ، وبِيهْ تِخْلَقّْ العَالِمْ، آمَا العَالِمْ مَا عَرْفُوشْ. جَاء لْشَعْبُو، آمَا شَعْبُو مَا قِبْلُوشْ.

والكِلْمَة هُوَّ النُّورْ الحَقِيقِي الِّي جَاء لِلْعَالِمْ، بَاشْ يْنَوَّرْ كُلْ إِنْسَانْ.

عْلَى خَاطِرْ اللَّهْ عْطَانَا الشَّرِيعَة عْلَى طْرِيقْ مُوسَى، آمَا الحَقْ والنِّعْمَة جَاوْ عْلَى طْرِيقْ يَسُوعْ المَسِيحْ.