آیات محبوب کتاب مقدس از یوحنّا 19

به اشتراک گذاشتن

عئسا سئرکه‌نی داددی و سونرا ددی: «هر شی یرئنه یتئشدی.» و باشینی اَیئب جان وردی.

بوندان سونرا، عئسا بوتون ائشلرئن تامام اولدوغونو بئلدی و موقدّس کئتابدا دیئلن سؤزون یرئنه یتئشمه‌سی اوچون «سوسوزام» ددی.

عئسا آناسی و اونون یانیندا سودئیی شاگئردئن دوردوغونو گؤرنده آناسینا ددی: «آنا، بودور، سنئن اوغلون!» سونرا دا او شاگئرده ددی: «بودور، سنئن آنان.» و او زاماندان او شاگئرد عئسانین آناسینی اؤز اِوئنه آپاردی.

آمّا عئسانین یانینا گلنده اونون اؤلموش اولدوغونو گؤروب قیچلارینی سیندیرمادیلار. لاکئن، عسگرلردن بئری اونون بؤیرونه نئزه ووردو و او آندا اورادان قان و سو آخدی.

بو شیلرئن هامیسی باش وردی کی، موقدّس کئتابین یازدیغی بو سؤز یرئنه یتئشسئن: «اونون سوموکلرئندن هچ بئری سینمایاجاق.» و گئنه باشقا بئر یازی دیئر: «نئزه ووردوقلاری آداما باخاجاقلار.»

عئسا چارمیخینی داشییاراق کلّه دیئلن بئر یره گتئرئلدی. بو یره عئبرانی دئلئنده جولجوتا دیئردئلر.

عسگرلر ده تئکانلاردان بئر تاج هؤروب اونون باشینا قویدولار و اونا قیرمیزی رنگئنده بئر شئنل گیدئردئلر.