آیات محبوب کتاب مقدس از JO:N 2

به اشتراک گذاشتن

Sidc, kanggodkvdv:dok lcngkananarpo:namdcm Jisubv Galildok Kanna:do lcngkanto, odokkc Bvk Ru:tumkvsa ilang-gvlangcm lcngkanto; odokkc Bvk agom tadjvgla gvmvnnc kvdv:dc mc:jvgkang.

Odo Jisubv bvm luto, “C:i Anna, ngom no o:ko gertoka cmna mc:dang? Ngok ayirc pvngangcima:da.”

Jisubv bulum luto, “Motki:kvdv:dcm asiko pvlvgtok.” Odo bulu lv:po:do:pc ri:pokla bi:dopc cdcmbulum pvlvgto. Bv bulum luto, “Su:pak asudo:ko suglentoka, odokkc donam tv:nam inamsok igurgvgurncdcm cdcm bombikang.” Cdcmpila bulu cdcm bombikang.

Jisubv bulum lubito, “Sc kumko okumscm mopen-moyentoka, odokkc lowumlo, ngo cdcm mopvnycku.”

Odokkc rvbvkokki dcmnancko moge:la, Bv bulu appv:dcm mcnnenamlvgto, kumko okumdokkc moro:pc, me:r sobenclang vbo go:ru kvdv:dcm mcntc:danna; odo Bv murkong bikup bilap-mvsunc kvdv:dok anvr murkong-kvdv:dcm yarrenambito odokkc buluk tcbulkvdv:dcm kurradambito. Odokkc Bv cdc parong konc kvdv:dcm lubito, “Sc attarkvdv:scm bomapkangkuk; nolu ngok Ba:bukc okumdcm attar koko-rcko okumpc iyok.”