آیات محبوب کتاب مقدس از LUKA 6

به اشتراک گذاشتن

Pe rawh u; tichuan, pêk in ni ang; ṭhahnemngai taka teh chhuaka, beng mukin, sâwi liam zawih zawih khawpin in ângchhûngah pêk in ni ang. Tehna in hman ngei khân tehsak in ni ang,” a ti a.

Mi ṭha chuan a thinlung robâwm ṭha ata thil ṭhate a phawrh chhuak ṭhîn, mi sual erawh chuan a thinlung robâwm ṭha lo ata thil ṭha lote a phawrh chhuak ṭhîn; thinlunga liam khawpa khat hi a ni kâin in sawi chhuah ṭhin.

In hmêlmate chu hmangaih zâwk rawh u, an chungah thil ṭha ti ula, hmuh kîr leh beisei kher lovin pûktîr rawh u; tichuan, lâwmman tam tak in hmu ang a, Chungnungbera fate in ni dâwn nia; Ani zawngin lâwm nachâng hre lote leh mi sualte pawh a khawngaih vek a ni.

In Pain mi a khawngaih ṭhîn ang bawkin nangni pawhin mi khawngaih ṭhîn rawh u.

“Mi sawisêl suh u; tichuan, sawisêl in ni lo vang; tu mah thiamlovah ruat mai hek suh u; tichuan, thiam loh in ni lo vang; ngaidam rawh u; tichuan, ngaihdam in ni ang.

“Ka thu ngaithlatute u, nangni zawng ka ti a che u, in hmêlmate chu hmangaih ula, a hawtu che u chungah chuan ṭhat chhuah ula, ânchhe lawhtu che u chu malsâwmna dîlsak ula, a tiduhdahtu che u chu ṭawngṭaisak rawh u.

In chungah miin ti se in tih ang ngeiin mi chungah pawh ti ve rawh u.

“I biang lehlam bêngtu hnênah a lehlam pawh dawh rawh. I puan lâksaktu che chuan i kawr a lâk pawh hnial suh. A dîltu apiang che chu pe la, i sum lâksaktu che chu dîl leh tawh suh.

“Thing ṭha a rah chhe ngai lo, thing chhia lah a rah ṭha ngai hek lo. Thing chu a rah aṭangin eng ang nge a nih a hriat a ni.

Tu man hlîng bukah theipui an lo ngai lo, hnimhlîngnei kûngah pawh grep rah an lo ngai bawk hek lo.