Uripiv-Wala-Rano-Atchin: Uripiv New Testament New Testament only

Naul On Nga Mimerr Uripiv

<div class="version vid525 iso6393upv" data-vid="525" data-iso6393="upv">
 <div class="book bkMAT">
 <div class="chapter ch9" data-usfm="MAT.9">
 <div class="label">9</div><div class="s">Iesu ololi jinibb san nga devje niben mimij erres luwi kele</div><div class="p"> 1Ko mian ko Iesu esa luwi kele renge drrav nen, olwi kele vini renge ngaim sen e. 2Ko jinibb sopor arwosi jinibb san re maling sen nga mimsie mesien nga niber mok-mij e vini jin. Ko Iesu elesi nosurien ser elep, ko owrai tevi m&#771;er nga mimsi, &#8220;Natuk, nolom p&#771;irres, b&#771;etlasi tweni nololien som le pa.&#8221;</div><div class="p"> 3Ko jinibb nevisvisenien ne nale nesesreien sopor arwerwera lululwenir e, &#8220;Aro, m&#771;erel erij melmelas ko osopsop&#771;e pa Atua!&#8221; 4Ko Iesu orongwose norrorrmien ser, ko owra &#8220;Suri sev norrorrmien nga m&#771;isij muto re nolo kami ngok? 5-6Evi nanu nga m&#771;isisarow bbong nga bowrai tevi m&#771;erel, &#8216;Nololien som nutlasi tweni pa,&#8217; suri si p&#771;ilesi poro nuwretun rrek nukrekris kobbong? Ko evi nanu nga m&#771;iterter kele wor asi ngok nga poro bowra &#8216;Kuptur imare kupla milngom ko kupiel van renge naim som e,&#8217; suri jinibb jijle parlesi lelingen poro piplari pirpe nga mowrai ngok. Ko bololi vajin nanu nga m&#771;iterter nen, puloli kaprongwose kele nga inu Jinibb Mawos derteren suk otoe renge iel ngatan nga b&#771;etlasi tweni nololien.&#8221; Ko ni owrai tevi m&#771;er nga devje niben mimij, owra &#8220;Nuwrai tevi nik, Kuptur imare kuplai maling som kupwosi, ko kupiel van renge naim som e.&#8221; 7Ko ni erres luwi, ko otur imare ko evan renge naim sen e. 8Ko delung nir arlesi nanu nga muloli, ko armetutue, ko arsur&#246;vi Atua renge nga m&#771;ilai derteren nga mirpok tevi jinibb.</div><div class="s">Iesu everus Matiu nga pivi jinibb sen</div><div class="p"> 9Ko Iesu evel lingi lat ngok, orujruj sopon. Ko elesi jinibb san nisen Matiu esakel renge lat nga mok-lai nev&#246;t netakis e. Ko owrai tevi, &#8220;Kupvijuri inu.&#8221; Ko ni otur imare, evijuri ni.</div><div class="p"> 10Ko vitunen Iesu ean loloim se Matiu ko esakel re tep nga p&#771;iaan. Ko nir elep nga marok-lai nev&#246;t ne takis arini kele, ko nir nga jinibb marok-ungasir arini arsakel tevi Iesu ko jinibb sen nir. 11Ko Parasi nir marlesi ko arwerai tevi jinibb sen nir, &#8220;Erpese numal se kami m&#771;iaan tevi lartul ngok nga marok-loli nanu nga m&#771;isij?&#8221;</div><div class="p"> 12Ko Iesu ornge nale ser ko owrai tevir: &#8220;Nir nga marres sete armerreni dokta; nir nga bbong marmesi ko. 13Kapan kapmeteni suri re mining ne nale se Atua ngel: &#8216;Nanu nga memrreni milep evi murrun nga partelasi jinibb. Murrun nga parsulsul tevi Atua evi nanu nga welili jer kobbong.&#8217; Sete nuvini tweni nga beveruse jinibb nga marvilvil ore marsij marwera marres, ko nuvini tweni nga beveruse nir nga sete markerkeris, ko marwer limjere nga marsij.&#8221;</div><div class="s">Murrun nga mimerr ko murrun nga m&#771;itra</div><div class="p"> 14Ko vitunen vajin jinibb se Jon Baptaes nir arini ji Iesu, ko arsusi tevi ni: &#8220;Erpese kem ko Parasi nir namlingi tweni nanen nga nablot van ji Atua, ko jinibb som nir sete arloli erpok?&#8221; 15Ko Iesu owra lweni tevir, &#8220;Daron nga nesevin muwra p&#771;ilik ji diwen sen, ko elik malum tevi selen nir renge nanen, sete arongwos partengsi wor. Ko daron nen pia-vini ko nga pia-ivel lingir vajin, ko arongwos parunge p&#771;isij vajin ko parlingi tweni nanen ser suri.</div><div class="p"> 16&#8220;Ko sete jinibb san orongwose p&#771;ilai bebje kalik nga mimerr puwol ore lat nga mimarrerr renge sunsun nga m&#771;itra e. Poro pirpok, ko kalik nga m&#771;imerr nen tia-sakuk ko tia-teri kele sunsun nga m&#771;itra, ko tia-loli lat nga m&#771;imarrerr tia-lep temijpal. 17Ko erpok kele, sete jinibb san orongwos pujongjongi norro nga mimerr van renge botel nga m&#771;itra nga marloli nevlu nanikot e. Poro pirpok ko norro nga mimerr tut, tuloli nevlu nanikot nga m&#771;itra tirrerren ko tiap rrerrsi, suri etra p&#771;elak. Ko norro timejivjiv tisij, ko nevlu nanikot kele tisij. Pirpel ko, norro nga mimerr parlingi ko wor renge nevlu nanikot nga mimerr mimalum m&#771;irres.&#8221;</div><div class="s">Iesu ololi nesevin san erres luwi kele, ko nesenwarreng san nga mimij pa emaur luwi kele</div><div class="p"> 18Ko daron nga m&#771;irij mirpok tevi nir, ko numal san se m&#771;eri Isrel evini ji Iesu. Ko ejiol ko owra &#8220;Natuk nesenwarreng eamij bbong lelingen wolok. Ko poro nga nik kupini, kupa-jipari kobbong ni tevi nevrem, ko ni pia-maur luwi kele.&#8221; 19Ko Iesu otur imare ko evijuri ni, ko jinibb se Iesu nir kele arvijuri.</div><div class="p"> 20Ko nesevin san nga mok-mesi mesien se nesevin nir tetajer, sete orongwos pumosi ejpari sia esngav&#246;l drromon eru (12), evini evitu suri Iesu re duren, ko ejpari bongsi sunsun sen. 21Nesevin norrorrmien sen erpel: &#8220;Poro bbong bejpari bongsi sunsun sen, ko inu bea-rres ko.&#8221; 22Ko Iesu erieni lweni ko elesi vinnen ko owrai tevi: &#8220;Natuk, nolom p&#771;irres, nosurien som ololim kumrres.&#8221; Ko vinnen erres jer ko pa evesane.</div><div class="p"> 23Ko daron nga Iesu mivini vajin re naim se numal nen, ko elesi nir nga marok-uwi dav&#246; ne mijen, ko nir nga marting vijajeng. 24Ko ni owrai tevir, &#8220;Kapiel, suri nesenwarreng ngel setete emij, ko ematur kobbong.&#8221; Ko daron nga marunge nale sen, ko armen kerajie. 25Ko daron nga delung nir maran vajin vare e, ko ni evan re loloim nga nesenwarreng mimatur ren, ko erveinevre nesenwarreng nen imare, ko nesenwarreng emra. 26Ko nosp&#771;en nen arsup&#771;e re lat nen jile nir.</div><div class="s">Iesu ololi metrrorr eru orkulu luwi</div><div class="p"> 27Daron nga Iesu mivel rujruj lingi ie, ko metrrorr eru orvijuri ni. Ko orkail, orwera &#8220;Wurru, kuprrorrmi komru, nik metka se Devet!&#8221; 28Ko daron nga Iesu mian loloim e, ko metrrorr nuru oran jin. Ko ni owra tevi nuru, &#8220;Komor-osuri nga inu nurongwos bololi nanu ngel?&#8221; Ko nuru orwera lweni, &#8220;O-o, numal.&#8221; 29Ko ejpari mete nuru, ko owra &#8220;Piplari pusorsan tevi nosurien se kamru.&#8221; 30Ko mete nuru orres. Ko Iesu ewer ore eterter owrai tevi nuru, &#8220;Kopor-lesi sete jinibb san purongwose.&#8221; 31Ko nuru daron nga morivel, ortur imare ko ortewijreni nosp&#771;en ne Iesu renge vanu nen jile nir.</div><div class="s">Iesu ololi nabbut san erij luwi</div><div class="p"> 32Ko daron nga nuru morivare re naim e, ko jinibb sopor arpitevi nabbut san nga demij m&#771;isisilvi vini ji Iesu. 33Ko Iesu oji tweni demij, ko nabbut erij luwi vajin. Ko delung nir artaole, ko arwera &#8220;Sete pa nabong san rramlesi nanu nga mirpok eplari renge Isrel.&#8221; 34Ko Parasi nir arwera &#8220;Wi, ok-ojoji tweni demij suri ni elai derteren sen ji numal se demij nir.&#8221;</div><div class="s">Iesu orrorrmi delung nir</div><div class="p"> 35Ko Iesu evel rrerrale ngaim nga marlelep nir ko nga wowarreng nir, ko ok-visviseni renge naim gortien ser. Ko ok-werwer suri nale nga m&#771;irres suri batun vanu ne melrin, ko ok-loli nir nga marmesi mesien lele, mesien ser osuw, arres vajin.</div><div class="p"> 36Ko daron nga m&#771;ilesi delung nir, ko orrorrmi elep suri nir. Suri arirpe sipsip nga sete san mok-metmeter, armaob nawon, setemun arongwose parwolu. 37Ko owrai tevi jinibb sen nir, &#8220;Num&#246;s elep p&#771;elak, ko nir evis bbong nga partawer ko parilir. 38Ngok, kapungoni tevi Atua, nga mivi numal ne num&#246;s, nga pukoni kele jinibb nga marok-tawe ko marok-ili sopon van re orsel sen.&#8221;</div>
 </div>
 </div>
</div>

Ko mian ko Iesu esa luwi kele renge drrav nen, olwi kele vini renge ngaim sen e. Ko jinibb sopor arwosi jinibb san re maling sen nga mimsie mesien nga niber mok-mij e vini jin. Ko Iesu elesi nosurien ser elep, ko owrai tevi m̃er nga mimsi, “Natuk, nolom p̃irres, b̃etlasi tweni nololien som le pa.”
Ko jinibb nevisvisenien ne nale nesesreien sopor arwerwera lululwenir e, “Aro, m̃erel erij melmelas ko osopsop̃e pa Atua!” Ko Iesu orongwose norrorrmien ser, ko owra “Suri sev norrorrmien nga m̃isij muto re nolo kami ngok? Evi nanu nga m̃isisarow bbong nga bowrai tevi m̃erel, ‘Nololien som nutlasi tweni pa,’ suri si p̃ilesi poro nuwretun rrek nukrekris kobbong? Ko evi nanu nga m̃iterter kele wor asi ngok nga poro bowra ‘Kuptur imare kupla milngom ko kupiel van renge naim som e,’ suri jinibb jijle parlesi lelingen poro piplari pirpe nga mowrai ngok. Ko bololi vajin nanu nga m̃iterter nen, puloli kaprongwose kele nga inu Jinibb Mawos derteren suk otoe renge iel ngatan nga b̃etlasi tweni nololien.” Ko ni owrai tevi m̃er nga devje niben mimij, owra “Nuwrai tevi nik, Kuptur imare kuplai maling som kupwosi, ko kupiel van renge naim som e.” Ko ni erres luwi, ko otur imare ko evan renge naim sen e. Ko delung nir arlesi nanu nga muloli, ko armetutue, ko arsurövi Atua renge nga m̃ilai derteren nga mirpok tevi jinibb.

Ko Iesu evel lingi lat ngok, orujruj sopon. Ko elesi jinibb san nisen Matiu esakel renge lat nga mok-lai nevöt netakis e. Ko owrai tevi, “Kupvijuri inu.” Ko ni otur imare, evijuri ni.
Ko vitunen Iesu ean loloim se Matiu ko esakel re tep nga p̃iaan. Ko nir elep nga marok-lai nevöt ne takis arini kele, ko nir nga jinibb marok-ungasir arini arsakel tevi Iesu ko jinibb sen nir. Ko Parasi nir marlesi ko arwerai tevi jinibb sen nir, “Erpese numal se kami m̃iaan tevi lartul ngok nga marok-loli nanu nga m̃isij?”
Ko Iesu ornge nale ser ko owrai tevir: “Nir nga marres sete armerreni dokta; nir nga bbong marmesi ko. Kapan kapmeteni suri re mining ne nale se Atua ngel: ‘Nanu nga memrreni milep evi murrun nga partelasi jinibb. Murrun nga parsulsul tevi Atua evi nanu nga welili jer kobbong.’ Sete nuvini tweni nga beveruse jinibb nga marvilvil ore marsij marwera marres, ko nuvini tweni nga beveruse nir nga sete markerkeris, ko marwer limjere nga marsij.”

Ko vitunen vajin jinibb se Jon Baptaes nir arini ji Iesu, ko arsusi tevi ni: “Erpese kem ko Parasi nir namlingi tweni nanen nga nablot van ji Atua, ko jinibb som nir sete arloli erpok?” Ko Iesu owra lweni tevir, “Daron nga nesevin muwra p̃ilik ji diwen sen, ko elik malum tevi selen nir renge nanen, sete arongwos partengsi wor. Ko daron nen pia-vini ko nga pia-ivel lingir vajin, ko arongwos parunge p̃isij vajin ko parlingi tweni nanen ser suri.
“Ko sete jinibb san orongwose p̃ilai bebje kalik nga mimerr puwol ore lat nga mimarrerr renge sunsun nga m̃itra e. Poro pirpok, ko kalik nga m̃imerr nen tia-sakuk ko tia-teri kele sunsun nga m̃itra, ko tia-loli lat nga m̃imarrerr tia-lep temijpal. Ko erpok kele, sete jinibb san orongwos pujongjongi norro nga mimerr van renge botel nga m̃itra nga marloli nevlu nanikot e. Poro pirpok ko norro nga mimerr tut, tuloli nevlu nanikot nga m̃itra tirrerren ko tiap rrerrsi, suri etra p̃elak. Ko norro timejivjiv tisij, ko nevlu nanikot kele tisij. Pirpel ko, norro nga mimerr parlingi ko wor renge nevlu nanikot nga mimerr mimalum m̃irres.”

Ko daron nga m̃irij mirpok tevi nir, ko numal san se m̃eri Isrel evini ji Iesu. Ko ejiol ko owra “Natuk nesenwarreng eamij bbong lelingen wolok. Ko poro nga nik kupini, kupa-jipari kobbong ni tevi nevrem, ko ni pia-maur luwi kele.” Ko Iesu otur imare ko evijuri ni, ko jinibb se Iesu nir kele arvijuri.
Ko nesevin san nga mok-mesi mesien se nesevin nir tetajer, sete orongwos pumosi ejpari sia esngavöl drromon eru (12), evini evitu suri Iesu re duren, ko ejpari bongsi sunsun sen. Nesevin norrorrmien sen erpel: “Poro bbong bejpari bongsi sunsun sen, ko inu bea-rres ko.” Ko Iesu erieni lweni ko elesi vinnen ko owrai tevi: “Natuk, nolom p̃irres, nosurien som ololim kumrres.” Ko vinnen erres jer ko pa evesane.
Ko daron nga Iesu mivini vajin re naim se numal nen, ko elesi nir nga marok-uwi davö ne mijen, ko nir nga marting vijajeng. Ko ni owrai tevir, “Kapiel, suri nesenwarreng ngel setete emij, ko ematur kobbong.” Ko daron nga marunge nale sen, ko armen kerajie. Ko daron nga delung nir maran vajin vare e, ko ni evan re loloim nga nesenwarreng mimatur ren, ko erveinevre nesenwarreng nen imare, ko nesenwarreng emra. Ko nosp̃en nen arsup̃e re lat nen jile nir.

Daron nga Iesu mivel rujruj lingi ie, ko metrrorr eru orvijuri ni. Ko orkail, orwera “Wurru, kuprrorrmi komru, nik metka se Devet!” Ko daron nga Iesu mian loloim e, ko metrrorr nuru oran jin. Ko ni owra tevi nuru, “Komor-osuri nga inu nurongwos bololi nanu ngel?” Ko nuru orwera lweni, “O-o, numal.” Ko ejpari mete nuru, ko owra “Piplari pusorsan tevi nosurien se kamru.” Ko mete nuru orres. Ko Iesu ewer ore eterter owrai tevi nuru, “Kopor-lesi sete jinibb san purongwose.” Ko nuru daron nga morivel, ortur imare ko ortewijreni nosp̃en ne Iesu renge vanu nen jile nir.

Ko daron nga nuru morivare re naim e, ko jinibb sopor arpitevi nabbut san nga demij m̃isisilvi vini ji Iesu. Ko Iesu oji tweni demij, ko nabbut erij luwi vajin. Ko delung nir artaole, ko arwera “Sete pa nabong san rramlesi nanu nga mirpok eplari renge Isrel.” Ko Parasi nir arwera “Wi, ok-ojoji tweni demij suri ni elai derteren sen ji numal se demij nir.”

Ko Iesu evel rrerrale ngaim nga marlelep nir ko nga wowarreng nir, ko ok-visviseni renge naim gortien ser. Ko ok-werwer suri nale nga m̃irres suri batun vanu ne melrin, ko ok-loli nir nga marmesi mesien lele, mesien ser osuw, arres vajin.
Ko daron nga m̃ilesi delung nir, ko orrorrmi elep suri nir. Suri arirpe sipsip nga sete san mok-metmeter, armaob nawon, setemun arongwose parwolu. Ko owrai tevi jinibb sen nir, “Numös elep p̃elak, ko nir evis bbong nga partawer ko parilir. Ngok, kapungoni tevi Atua, nga mivi numal ne numös, nga pukoni kele jinibb nga marok-tawe ko marok-ili sopon van re orsel sen.”

بشنويد Matiu 9