If you have would like a copy of this version please contact info@davaraudiobibles.org

Inner Seraji New Testament, CC-BY-SA-4.0, The Love Fellowship (Text). Inner Seraji New Testament Audio Bible, CC-BY-SA-4.0, Davar Partners International, The Love Fellowship, 2022 (Audio).

Inner Seraji New Testament

Inner Seraji 2017 BI (NT) NonDrama

Inner Seraji 2017 BI (NT) Drama

Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.

फरीसी में निकुदेमुस ना रअ एक मणश, जोह यहूदी रअ सरदार थी। तेऊए राची यीशु सेटा इछी करे तेऊबै बोलू, हे गुरु, हामे जाणा कि तूह परमेश्वरा री तरफा का गुरु होई करे आउअद, किबेकि कोहे भी याह चिन्हा जोह तूह रिहाई सका। यीशु तेऊबै उतर दिना, हाऊं ताहब सच-सच बोला, अगर कोई नऊंऐं सिरे का नांई जन्मे तेबा परमेश्वरा रे राज्य नांई हेरी सकतअ। निकुदेमुस तेऊबै बोलू, मणश जेबा बूढलअ होऊ, तेबा केहड़े जन्म लई सका? कैह सह आपणी आमा बे गर्भा में दूज़ी बारी नाहीं करे जन्म लई सका? यीशु उतर दिना, हाऊं ताहबे सच-सच बोला, जेबरे तणी कोई भी मणश पाणी होर आत्मा का नांई जन्मे तेबा परमेश्वरा रे राज्य में नाहीं नांई सकतअ। किबेकि जोह शरीरा का जमुदअ, सह शरीर साहा; जोह आत्मा का जमुदअ, सह आत्मा साहा। हेरान नांई होए कि मांई ताहब बोलू, ताहा नउंऐ सिरे का जन्म लउंणा जरूरी साहा दा। बागुर ज़ेसी चाहंदा तेसी ही चला होर तूह तेसकी छेहढ शूणा, पर यह नांई ज़ाणदअ कि यह कंदा का ईहदा होर कंधा बे नाहंदा? जोह कोई आत्मा का जमुदअ साहा ऐडा ही साहा दा। निकुदेमुस तेऊबै उतर दिंना, या गला कैहडे होई सका? यह शूणी करे यीशु तेऊबै बोलू, तूह इस्राएली रअ गुरु हुणे का बाद भी तूह याह गला नांई समझदअ? हाऊं ताहब सच-सच बोला कि हामे जोह जाणा तेता बोला, होर जोह हामे हेरू तेतकी गुआही दींदा, होर तमें महारी गुआही ग्रहण नांई करदे। जेबा मांई तांई संघे धरती री गला करी होर तमें बुशाह नांई करदे, अगर हाऊं तांई संघे स्वर्गा री गला खोज़े बुशाह तेबा केहडा बुशाह करणा? कोहे सरगा पेंदे नांई चढु, सीधी सह जोह स्वर्गा का उतरु, मतलब मणशा रे शोहरू जोह स्वर्गे साहा। होर जासू रीति संघे मूसा बूणे सर्प उछटे में चडाऊ, तेसी रीति संघे जरूरी साहा कि मणशा रअ शोहरू भी उछटे में चडाऊ लोडी; कि जोह कोहे भी तेऊ पैंदे बुशाह करे तेऊ अनन्त जीबन पाऊंणा।
किबेकि परमेश्वरे संसारा में ऐडा प्रेम डाहू कि तेऊ आपण एके शोहरू भी दींनअ, कि जोह कोई भी तेऊ पेंदे बुशाह करे सह नष्ट नांई होए पर अनन्त जीबन पाए। परमेश्वरे आपणे शोहरू संसारा में एतकि तणी नांई भेजु कि ज़गता पेंदे न्याया री आज्ञा दे, पर एतकि तणी कि जगत तेऊरे साबे उद्धार पाए। जोह तेऊ पेंदे बुशाह करा, तेऊ पेंदे दण्डा री आज्ञा नांई हुँदी पर जोह तेऊ पेंदे बुशाह नांई करदअ, सह दोषी ठहेरू; एतकि तणी कि तेऊ परमेश्वरा रे शोहरू रे ना पेंदे बुशाह नांई करू। होर दण्डा री आज्ञा रा कारण यह साहा कि ज्योति संसारा में आई, होर मणशे निहारा ज्योति का बहू प्यारा समझु किबे त्यारे काम बुरे थी। किबेकि जोह कोई बुराई करा, सह ज्योति संघे बैर डाहंदा होर ज्योति नेड नांई ईनदी , ऐडा नांई होए कि तेऊरे कामा में दोष लाए। पर जोह सत्य पेंदे चला, सह ज्योति नेड ईधाआ, कि तेऊरे काम प्रकट हो कि त्याहे परमेश्वरा री तरफा का करी दे हो।

ऐता बाद यीशु होर तेऊरे चेले यहूदी देशा में आउए; होर सह तखे त्याह संघे रही करे बपतिस्मा दींदअ लागअ। यूहन्ना भी सलीमा रे नेड ऐनोना में बपतिस्मा दींदा थी, किबेकि तखे बहू पाणी, होर लोका तखे इच्छी करे बपतिस्मा लऊंदा थी, यूहन्ना तेऊ वक्ते तणी जेलखाने में नांई पाऊ। तखे यूहन्ना रे चेले रा कासु यहूदी संघे शुद्ध हूणे रे बारे में बाद-बिबाद होउ। होर त्याहे यूहन्ना सेटा इच्छी करे तेऊबै बोलू, हे गुरु, जोह मणश यरदना नइ रे पाहर तांई संघे थी, होर जासू की तांई गुआही दिंनी; हेरू, सह बपतिस्मा दींदा, होर सबे तेऊ सेटा इंधा। यूहन्ना उतर दिना, जेबरे तणी मणशा बे स्वर्गा का नांई दिना, तेबरे तणी सह किछे नांई पाई सकतअ। तमें तअ मेरे ही गुआही साहादे कि मांई बोलू, हाऊं मसीह नांई, पर तेऊ ज़ैहं भेजुदअ। जासकी लाड़ी साहा, सह लाडअ साहा; पर लाडे रअ मित्र जोह खड़अ होऊ तेऊरी शूणा, लाडे रे शब्दा का बहू खुश हुँदा, ऐबा मेरी यह खुशी पूरी होई। जरूरी साहा कि सह बढ़े होर हाऊं घटे।
जोह उज्हे का ईन्धा सह सर्बोतम साहा; जोह धरती का ईंहंधा सह धरती रे साहा, होर सह धरती री ही गला बोला, जोह स्वर्गा का ईहंदा, सह सभी का उज्हे साहा। जोह कुछ तेऊ हेरू होर शुणु, तेरी गुआही दींदा; होर तेऊरी गुआही ग्रहण नांई करदअ। जूणी तेऊरी गुआही ग्रहण करी तेऊ ऐसा गला री मोहर लाई कि परमेश्वर सचअ साहा। किबेकि जोह परमेश्वरे भेजुदअ, साहा परमेश्वर री गला करा; किबेकि सह आत्मा नापी-नापी करे नांई दींदा। बापू शोहरू संघे प्यार डाहंदा, होर तेऊए सारी चीज़ा तेऊरे हाथे दींनी दी। जोह शोहरू पेंदे बुशाह करा, अनन्त जीबन तेऊरा साहा; पर जोह शोहरू री नांई मनदअ तेऊ जीबन नांई हेरणा, पर परमेश्वर रा रोश तेऊ पेंदे रहंदा।

بشنويد यूहन्ना 3