 If you would like a copy of this version please contact info@davaraudiobibles.org

Mentawai Old Testament

<div class="version vid3436 iso6393mwv" data-vid="3436" data-iso6393="mwv">
 <div class="book bkGEN">
 <div class="chapter ch27" data-usfm="GEN.27">
 <div class="label">27</div><div class="s">Si Jakob masisukatake si Ishak sibailiu toga sikebbukat</div><div class="p"> 1Ka sara gogoi, kateteret amabajaan si Ishak samba matania amaramunnan, pat taioinangan ipaitco, sogainangan si Esau, togania sikebbukat, lepa kuanangan katubunia, &#8220;Togakku!&#8221;</div><div class="p">Aleginangan si Esau, &#8220;Oo, Ukkui.&#8221;</div><div class="p"> 2Kuanangan si Ishak, &#8220;Nuagaian, amabajaan aku samba purimanuaiatku ta'an manananta. 3Oto ala silogui samba rourounu, kenan masipana sangamuneng tarimeu ka leleu. 4Seunungannia simananam kele siobagat bagakku, lepa ambitnungannia katubukku. Lepat kukomnia, akekungan geti panukananku katubum, kepei matei aku.&#8221;</div><div class="p"> 5Patiboat Ishak pasamba si Esau aiaarepi si Ribka. Iageti kele aituitui si Esau murourou, 6kuanangan si Ribka kai Jakob, &#8220;Simaruei le akuarep aikua ukkui kai Esau kise, 7&#8216;Pana sangamuneng tarimeu samba seunungannia simananam addeat kaku. Lepat kukomnia, akekungan geti penukananku katubum ka matat Tuhan, kepei matei aku.&#8217; 8Kuanangan minca si Ribka, &#8220;Kineiget, ale togakku, arepmake samba galaiake apa sikuakku nene. 9Kenan ka kudduat tarimeuta, samba alanungan ruangamuneng togat kambing simamo'mo', bule kusunia ibailiu komen siobakat bagat ukkuinu. 10Lepa geti ambitnungannia katubunia bule ikomnia, samba lepa nenda akenangan geti panukanannia katubum kepei mateinia.&#8221;</div><div class="p"> 11Tapoi kuanangan si Jakob ka inania, &#8220;Ina, ta'pa mabulu tubut Esau, beri tubukku ta'a? 12Babara irarape tubukku ukkui samba againangan aikupajojonia, lepa taisukatnakenangan geti aku, tapoi ipateleiji le aku.&#8221;</div><div class="p"> 13Aleginangan inania, &#8220;Bui imakarat bagam, togakku. Eddangania aku masibairat sangamberi pateleijatnia. Galaiake le apa sikuakku, kenan masiala sangamberi kambing nenda.&#8221; 14Iageti ei si Jakob masiala kambing nenda samba ambitnangannia ka inania, lepa seunangan si Ribka komen siobat Ishak. 15Lepa geti alanangan si Ribka bibilet Esau simakope eru, sikoirinia ka lalep, iageti leppeiakenangania kai Jakob. 16Bolitnakenangan leuet kulit togat kambing ka para samba kalolokkat Jakob sitaanai bulu nenda. 17Lepa kaunangannia kai Jakob komen simananam nenda pasamba roti sigalainia.</div><div class="p"> 18Lepa nenda ei si Jakob ka ukkuinia samba kuanangan, &#8220;Ukkui!&#8221;</div><div class="p">Aleginangan si Ishak, &#8220;Oi&#8221;, kasei ekeu, &#8220;si Easau ele si Jakob?&#8221;</div><div class="p"> 19Aleginangan si Jakob, &#8220;Si Esau, togam sikebbukat, sitoneakenennu akugalaiakean. Kudduake ekeu samba komman akkula sipanangku siambitku nene, bule ioi nusukatnake aku.&#8221;</div><div class="p"> 20Kuanangan si Ishak, &#8220;Kopet ruei anusesenia, togakku.&#8221;</div><div class="p">Aleginangan si Jakob, &#8220;Kalulut Tuhan Taikamanua panindogietnu le amasiropmake aku.&#8221;</div><div class="p"> 21Lepa kuanangan si Ishak kai Jakob, &#8220;Konan legreake peile ekeu, bule ioi kurape ekeu. Bulatnia leu ekeu si Esau?&#8221; 22Legreakenangan tubunia si Jakob ka ukkuinia, samba rapenangannia ukkuinia, kuanangan, &#8220;Ngangam kele ngangan Jakob, tapoi param kele parat Esau.&#8221; 23Si Ishak ta'aiagai si Jakob kalulut parania mabulu kele parat Esau. Tapoi keteteret malegre isukatnake si Jakob, 24tapoi panounounangan minca, &#8220;Bulatnia leu ekeu nene si Esau?&#8221;</div><div class="p">Aleginangan si Jakob, &#8220;Bulatnia.&#8221;</div><div class="p"> 25Lepa kuanangan si Ishak, &#8220;Ake kaku akkula nenda. Lepat kupukom akekungan geti panukananku katubum.&#8221; Kaunangan si Jakob akkula nenda katubunia samba leuet goiso anggur ilonia. 26Lepa kuanangan ukkuinia katubunia, &#8220;Konan legreake peile ekeu katubukku samba sigguk aku, togakku.&#8221; 27Kele ailegreake tubunia si Jakob masisigguk ukkuinia, pingnangan si Ishak beu tubut leppei Esau, lepa sukatnakenangannia. Kuanangan si Ishak, &#8220;Beu tubut togakku kele singin bakkat loina sipanukanien Tuhan. 28Bule Taikamanua masiake katubum tinobut sibara ka manua, samba ibailiuake mone si magabru! Bule Nia masiake katubum gandum samba anggur simalilimai! 29Bule sangamberi bangsa ibailiu paguguletnu, samba sangamberi suku bangsa makala katubum. Bule ekeu masiikepmake sangamberi sarainan, samba sapunuteteu inam murekkuk kamatam. Bule tutelei le sangamberi sipateleiji ekeu samba tupanukani sangamberi sipanukani ekeu.&#8221;</div><div class="s">Si Esau masitiddou panukanan sibara kai Ishak</div><div class="p"> 30Kele ailepa aikau panukanan si Ishak kai Jakob, tuitui si Jakob, si Esau, kebbunia toilinia barania murourou. 31Seunangan leuet komen simananam lepa ambitnangannia ka ukkuinia, kuanangan, &#8220;Kudduake ekeu, ukkui, samba kom akkula sineu togam, bule ioi nusukatnake aku.&#8221; 32Kuanangan si Ishak, &#8220;Kasei ekeu?&#8221;</div><div class="p">Aleginangannia, &#8220;Si Esau togam sikebbukat.&#8221;</div><div class="p"> 33Tugegenangan si Ishak simakope, kuanangan, &#8220;Ke'kisedda bai, kasei sipasipapana tarimeu samba sipasiaambit katubukku si boiki? Aku komman sangamberinia kepei moi ekeu. Lepa kaukungan panukananku pangampulat katubunia samba kineiget panukanan nenda ibailiu le bakkatnia teret buru-buru.&#8221;</div><div class="p"> 34Kele aiarep nenda si Esau, pusounangan simaron samba kasun besit paatuat, lepa kuanangan, &#8220;Panukani leu aku kaku, ukkui!&#8221;</div><div class="p"> 35Kuanangan si Ishak, &#8220;Amoian bagim sene samba aipajongan aku. Aialaan panukanan siripokatnia akenenku katubum.&#8221;</div><div class="p"> 36Kuanangan si Esau, Nene te sikaruangamincania aipajoaku. Mateuan oninia si Jakob. Aialaan pubabakkatku sibailiu toga sikebbukat, samba kineiget iala leuet panukananku. &#8220;Taan pa'anai panukananu bagei kaku?&#8221;</div><div class="p"> 37Aleginangan si Ishak, &#8220;Akubailiuakeannia tuannu samba sangamberi sasarainania ibailiuake paguguletnia. Akukauan katubunia gandum samba anggur. Kineneiget ta'an'anai momoi kugalai katubum, togakku!&#8221;</div><div class="p"> 38Si Esau ta'ioba ariake masitiddou ka ukkuinia, &#8220;Sarat sara le ai panukanannu? Panukani leu aku kaku, ukkui!&#8221; Iageti taddaakenangan minca musou.</div><div class="p"> 39Lepa geti kuanangan si Ishak katubunia,</div><div class="q1">&#8220;Taan'anai geti tinobut sibara ka manua kekeu,</div><div class="q1">taan'anai geti mone simagabru kekeu.</div><div class="q1"> 40Murimanua le geti ekeu ka lanjaunu,</div><div class="q2">tapoi ibailu le pagugulet bagim,</div><div class="q1">tapoi ke'paagra le ekeu,</div><div class="q1">bela le geti ekeu ka gegenia.&#8221;</div><div class="s">Jakob mutuitui mei ka Mesopotamia</div><div class="p"> 41Iageti malaganangan bagat Esau kai Jakob kalulut aikau ukkuinia panukanannia ka baginia nenda. Paatunangannia, &#8220;Taan mauuju imatei ukkui samba lepat tapureureu baga, meteiakekungan geti si Jakob!&#8221;</div><div class="p"> 42Kele aiarep si Ribka pagalaiat isiat Esau nenda, sogainangan si Jakob samba kuanangan, &#8220;Arepmake, kebbunu si Esau masiisiake masisiliake besit paatuatnia samba masimateiake ekeu. 43Oto, galaiake apa sikuakku nene. Kenan simaola ka kebbuku kai Laban ka Haran, 44samba kudduake ekeu pasamba nia piga pa' ujunia, teret imaleppet golut kebbunu 45samba ikalipogi apa sigalaiakenenu katubunia. Lepa geti koiniakekungan sirimanua raambit ekeu minca toili sene. Ta'kuoba imalimai karua tatogakku ka gogoi simakere.&#8221;</div><div class="p"> 46Iageti kuanangan si Ribka kai Ishak, &#8220;Amagelangan aku masiitco sangamberi sinanalep Esau sibara ka suku bangsa siooiake. Ke'bai si Jakob leuet mutalimou pasamba taiokkot tai Het, maeru pei le kumatei.&#8221;</div>
 </div>
 </div>
</div>

Ka sara gogoi, kateteret amabajaan si Ishak samba matania amaramunnan, pat taioinangan ipaitco, sogainangan si Esau, togania sikebbukat, lepa kuanangan katubunia, “Togakku!”
Aleginangan si Esau, “Oo, Ukkui.”
Kuanangan si Ishak, “Nuagaian, amabajaan aku samba purimanuaiatku ta'an manananta. Oto ala silogui samba rourounu, kenan masipana sangamuneng tarimeu ka leleu. Seunungannia simananam kele siobagat bagakku, lepa ambitnungannia katubukku. Lepat kukomnia, akekungan geti panukananku katubum, kepei matei aku.”
Patiboat Ishak pasamba si Esau aiaarepi si Ribka. Iageti kele aituitui si Esau murourou, kuanangan si Ribka kai Jakob, “Simaruei le akuarep aikua ukkui kai Esau kise, ‘Pana sangamuneng tarimeu samba seunungannia simananam addeat kaku. Lepat kukomnia, akekungan geti penukananku katubum ka matat TUHAN, kepei matei aku.’ Kuanangan minca si Ribka, “Kineiget, ale togakku, arepmake samba galaiake apa sikuakku nene. Kenan ka kudduat tarimeuta, samba alanungan ruangamuneng togat kambing simamo'mo', bule kusunia ibailiu komen siobakat bagat ukkuinu. Lepa geti ambitnungannia katubunia bule ikomnia, samba lepa nenda akenangan geti panukanannia katubum kepei mateinia.”
Tapoi kuanangan si Jakob ka inania, “Ina, ta'pa mabulu tubut Esau, beri tubukku ta'a? Babara irarape tubukku ukkui samba againangan aikupajojonia, lepa taisukatnakenangan geti aku, tapoi ipateleiji le aku.”
Aleginangan inania, “Bui imakarat bagam, togakku. Eddangania aku masibairat sangamberi pateleijatnia. Galaiake le apa sikuakku, kenan masiala sangamberi kambing nenda.” Iageti ei si Jakob masiala kambing nenda samba ambitnangannia ka inania, lepa seunangan si Ribka komen siobat Ishak. Lepa geti alanangan si Ribka bibilet Esau simakope eru, sikoirinia ka lalep, iageti leppeiakenangania kai Jakob. Bolitnakenangan leuet kulit togat kambing ka para samba kalolokkat Jakob sitaanai bulu nenda. Lepa kaunangannia kai Jakob komen simananam nenda pasamba roti sigalainia.
Lepa nenda ei si Jakob ka ukkuinia samba kuanangan, “Ukkui!”
Aleginangan si Ishak, “Oi”, kasei ekeu, “si Easau ele si Jakob?”
Aleginangan si Jakob, “Si Esau, togam sikebbukat, sitoneakenennu akugalaiakean. Kudduake ekeu samba komman akkula sipanangku siambitku nene, bule ioi nusukatnake aku.”
Kuanangan si Ishak, “Kopet ruei anusesenia, togakku.”
Aleginangan si Jakob, “Kalulut TUHAN Taikamanua panindogietnu le amasiropmake aku.”
Lepa kuanangan si Ishak kai Jakob, “Konan legreake peile ekeu, bule ioi kurape ekeu. Bulatnia leu ekeu si Esau?” Legreakenangan tubunia si Jakob ka ukkuinia, samba rapenangannia ukkuinia, kuanangan, “Ngangam kele ngangan Jakob, tapoi param kele parat Esau.” Si Ishak ta'aiagai si Jakob kalulut parania mabulu kele parat Esau. Tapoi keteteret malegre isukatnake si Jakob, tapoi panounounangan minca, “Bulatnia leu ekeu nene si Esau?”
Aleginangan si Jakob, “Bulatnia.”
Lepa kuanangan si Ishak, “Ake kaku akkula nenda. Lepat kupukom akekungan geti panukananku katubum.” Kaunangan si Jakob akkula nenda katubunia samba leuet goiso anggur ilonia. Lepa kuanangan ukkuinia katubunia, “Konan legreake peile ekeu katubukku samba sigguk aku, togakku.” Kele ailegreake tubunia si Jakob masisigguk ukkuinia, pingnangan si Ishak beu tubut leppei Esau, lepa sukatnakenangannia. Kuanangan si Ishak, “Beu tubut togakku kele singin bakkat loina sipanukanien TUHAN. Bule Taikamanua masiake katubum tinobut sibara ka manua, samba ibailiuake mone si magabru! Bule Nia masiake katubum gandum samba anggur simalilimai! Bule sangamberi bangsa ibailiu paguguletnu, samba sangamberi suku bangsa makala katubum. Bule ekeu masiikepmake sangamberi sarainan, samba sapunuteteu inam murekkuk kamatam. Bule tutelei le sangamberi sipateleiji ekeu samba tupanukani sangamberi sipanukani ekeu.”

Kele ailepa aikau panukanan si Ishak kai Jakob, tuitui si Jakob, si Esau, kebbunia toilinia barania murourou. Seunangan leuet komen simananam lepa ambitnangannia ka ukkuinia, kuanangan, “Kudduake ekeu, ukkui, samba kom akkula sineu togam, bule ioi nusukatnake aku.” Kuanangan si Ishak, “Kasei ekeu?”
Aleginangannia, “Si Esau togam sikebbukat.”
Tugegenangan si Ishak simakope, kuanangan, “Ke'kisedda bai, kasei sipasipapana tarimeu samba sipasiaambit katubukku si boiki? Aku komman sangamberinia kepei moi ekeu. Lepa kaukungan panukananku pangampulat katubunia samba kineiget panukanan nenda ibailiu le bakkatnia teret buru-buru.”
Kele aiarep nenda si Esau, pusounangan simaron samba kasun besit paatuat, lepa kuanangan, “Panukani leu aku kaku, ukkui!”
Kuanangan si Ishak, “Amoian bagim sene samba aipajongan aku. Aialaan panukanan siripokatnia akenenku katubum.”
Kuanangan si Esau, Nene te sikaruangamincania aipajoaku. Mateuan oninia si Jakob. Aialaan pubabakkatku sibailiu toga sikebbukat, samba kineiget iala leuet panukananku. “Taan pa'anai panukananu bagei kaku?”
Aleginangan si Ishak, “Akubailiuakeannia tuannu samba sangamberi sasarainania ibailiuake paguguletnia. Akukauan katubunia gandum samba anggur. Kineneiget ta'an'anai momoi kugalai katubum, togakku!”
Si Esau ta'ioba ariake masitiddou ka ukkuinia, “Sarat sara le ai panukanannu? Panukani leu aku kaku, ukkui!” Iageti taddaakenangan minca musou.
Lepa geti kuanangan si Ishak katubunia,
“Taan'anai geti tinobut sibara ka manua kekeu,
taan'anai geti mone simagabru kekeu.
Murimanua le geti ekeu ka lanjaunu,
tapoi ibailu le pagugulet bagim,
tapoi ke'paagra le ekeu,
bela le geti ekeu ka gegenia.”

Iageti malaganangan bagat Esau kai Jakob kalulut aikau ukkuinia panukanannia ka baginia nenda. Paatunangannia, “Taan mauuju imatei ukkui samba lepat tapureureu baga, meteiakekungan geti si Jakob!”
Kele aiarep si Ribka pagalaiat isiat Esau nenda, sogainangan si Jakob samba kuanangan, “Arepmake, kebbunu si Esau masiisiake masisiliake besit paatuatnia samba masimateiake ekeu. Oto, galaiake apa sikuakku nene. Kenan simaola ka kebbuku kai Laban ka Haran, samba kudduake ekeu pasamba nia piga pa' ujunia, teret imaleppet golut kebbunu samba ikalipogi apa sigalaiakenenu katubunia. Lepa geti koiniakekungan sirimanua raambit ekeu minca toili sene. Ta'kuoba imalimai karua tatogakku ka gogoi simakere.”
Iageti kuanangan si Ribka kai Ishak, “Amagelangan aku masiitco sangamberi sinanalep Esau sibara ka suku bangsa siooiake. Ke'bai si Jakob leuet mutalimou pasamba taiokkot tai Het, maeru pei le kumatei.”

بشنويد 1Mos. 27