If you would like a copy of this version please contact info@davaraudiobibles.org

Elhomwe Old Testament

<div class="version vid3325 iso6393lon" data-vid="3325" data-iso6393="lon">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Sika ellapo yavatthi ettheene, oddullu ni ddittheddene ddookhalla mwemmo, ddaamalla ophatusiwa. 2#Eks 20.1; Ahe 4.4,10Va nllapo naneetthanu ni nimodda, Mulluku aamalliha mitteko ddaye ddittheddene aphareeye nave ahiithuuwa nllapo naneetthanu ni piilli. 3Mulluku aadalisa nllapo naneetthanu ni piilli, aaneelliha ekaamba yawi tti nllapo nno iithuuwalleeye amallihalle muttekwaaye muttheene woophatusa.#2.3 nllapo&#8230;woophatusa: apaalle nllapo nno amallihalleeye muttekwaaye muttheene woophatusa nave ahiithuuwa. 4Ella sika epilli yakhalle ya ophatusiwa wa ellapo yavatthi ni ddittheddene ddooddullu.</div><div class="s">Emata ya Edeni</div><div class="p">Va enthawi eyo Apwiya Mulluku yaphatusiiwa ellapo yavatthi ni ddeko ddittheddene ddooddullu, 5khavaari erive yoomella va ellapo yavatthi. Nave orive mmiddo waari ohinamelle ekaamba yawi Apwiya Mulluku yaari ehinamurupihe murimu va ellapo yavatthi. Navettho khavaari muthu oollima emata. 6Koma maaddi yakhuma ovenyera vatthi va ellapo enahellella ethaya.</div><div class="p"> 7 # 
 1 Ako 15.45
 Sika vano Apwiya Mulluku yaakusa ethaya#2.7 ethaya&#8230;muthu: Mu Eheberi mawu awi muthu ni ethaya eniiweya moophwanaphwana. ovenyera vatthi nave emoopa muthu ni ethayeeyo. Yaamuviddeellella mphunani mpweya woovaha okumi nave muthooyo aakhalla ni okumi.</div><div class="p"> 8Sika Apwiya Mulluku yaallima emata mu Edeni wookhuma nndduwa nave muthu yamoopilliiwooyo yaamuhiya mwemmo. 9#Yaw 2.7; 22.2,14Apwiya Mulluku yaamellihamo miteekho ddooreera dda ezipaso ddooddiva. Variyari va emateeyo vaakhalla muteekho woovaha okumi vamoddattho ni muteekho woodduwelliha ddaphaama ni ddoonanara.#2.9,17 woodduwelliha&#8230;ddoonanara: apaalle odduwella wa ddeko ddittheddene.</div><div class="p"> 10Nave mu Edeni mwaakhalla muhinje oyo wahellella emateeyo. Muhinjooyo vookhumani mu Edeni waakawaneya mihinje misese. 11Muhinje wawaamba tti Pishoni oyo oneeta moowaapheella ellapo ya Havila nko onaphwanyeya golide. 12(Golide a ellapo yeella tti aphaama. Onnaphwanyeyattho makhura awunkhella a bedeliyo ni malluku oowallamella mutengo ooromolliwa onikisi.) 13Muhinje waneepiilli tti Gihoni oyo oneeta mwawaapheella ellapo ya Kushi.#2.13 Kushi: apaalle Kushi a o Mesopotamiya apaalle Etiopiya. 14Muhinje waneeraru tti Tigrisi oyo oneeta wookhuma nndduwa wa ellapo ya Asiriya. Muhinje waneesese tti Yufurate.</div><div class="p"> 15Sika vano Apwiya Mulluku yaamukusa muthooyo, emuhiya mu emata ya Edeneelle wi ayillimeke navettho wi ayiwehereke phaama. 16Nave Apwiya Mulluku yaamulamula muthooyo wi, &#8220;Ocheke dda orive muteekho wa m'matanimmu 17opatula ezipaso dda muteekho woodduwelliha ddaphaama ni ddoonanara#2.17: Onani 2.9. kaambiiwa nllapo nno onaacheewe ezipaso dda muteekho yooyo, ddawoona, onimakhwa.&#8221;</div><div class="p"> 18Sika vano Apwiya Mulluku yaallota wi, &#8220;Khe phaama wi mullopwana akhalle yeekha. Kineeromupangella mukhwaaye wi amukavihereke.&#8221; 19Apwiya yaakusa ethaya yoopa enama ddittheddene ni epallame ddittheddene. Yaawaana wa muthu wi addivahe manddina. Vawi manddina ayo muthu aromollilleeye ovenyera vaavo ddinadduwelliwa ni manddina yaayo. 20Mullopwanooyo aaddivaha manddina eziweto ddittheddene, epallame ni enama ddittheddene ddamuhakani. Komave mullopwana khaarina mukhwaaye oomukavihera.</div><div class="p"> 21Sika vano Apwiya yaamukoniha ekhove ddookhwana mullopwanooyo. Nave akonaka, Mulluku aakusavo epararu emodda, akhuneellavo vanipuronimvo ni muhehe. 22Apwiya yaampanga mutthiyana ovenyera o epararu yayikusalliiwa wa mullopwana nave yaamuwaana wa mullopwanooyo. 23Vano mullopwana aallota wi,</div><div class="q1">&#8220;Vano olla sika nikhuva na makhuvaaka,</div><div class="q2">nave muhehe wa muhehaaka.</div><div class="q1">Anaaromolliweke wi Mutthiyana,#2.23 Mutthiyana&#8230;mullopwana: Mu Eheberi mawu awi mutthiyana ni mullopwana eniiweya moophwanaphwana.</div><div class="q2">ekaamba yawi akusiwe ovenyera wa mullopwana.&#8221;</div><div class="b"></div><div class="p"> 24 # 
 Mat 19.5; Mrk 10.7,8; 1 Ako 6.16; Aef 5.31 Sika ekaambiiwa mullopwana anaahiyeeye attiitthinnya ni amennya aya atthella, sika eellaayo ennakhalla mwiilli mmodda. 25Mullopwanooyo ni mwaariyoolle, attheene yaari epwillimwinddive komave kheyaawulliwa muru.</div>
 </div>
 </div>
</div>

The Bible in Elhomwe © The Bible Society of Malawi, 2019.

Sika ellapo yavatthi ettheene, oddullu ni ddittheddene ddookhalla mwemmo, ddaamalla ophatusiwa. Va nllapo naneetthanu ni nimodda, Mulluku aamalliha mitteko ddaye ddittheddene aphareeye nave ahiithuuwa nllapo naneetthanu ni piilli. Mulluku aadalisa nllapo naneetthanu ni piilli, aaneelliha ekaamba yawi tti nllapo nno iithuuwalleeye amallihalle muttekwaaye muttheene woophatusa. Ella sika epilli yakhalle ya ophatusiwa wa ellapo yavatthi ni ddittheddene ddooddullu.

Va enthawi eyo Apwiya Mulluku yaphatusiiwa ellapo yavatthi ni ddeko ddittheddene ddooddullu, khavaari erive yoomella va ellapo yavatthi. Nave orive mmiddo waari ohinamelle ekaamba yawi Apwiya Mulluku yaari ehinamurupihe murimu va ellapo yavatthi. Navettho khavaari muthu oollima emata. Koma maaddi yakhuma ovenyera vatthi va ellapo enahellella ethaya.
Sika vano Apwiya Mulluku yaakusa ethaya ovenyera vatthi nave emoopa muthu ni ethayeeyo. Yaamuviddeellella mphunani mpweya woovaha okumi nave muthooyo aakhalla ni okumi.
Sika Apwiya Mulluku yaallima emata mu Edeni wookhuma nndduwa nave muthu yamoopilliiwooyo yaamuhiya mwemmo. Apwiya Mulluku yaamellihamo miteekho ddooreera dda ezipaso ddooddiva. Variyari va emateeyo vaakhalla muteekho woovaha okumi vamoddattho ni muteekho woodduwelliha ddaphaama ni ddoonanara.
Nave mu Edeni mwaakhalla muhinje oyo wahellella emateeyo. Muhinjooyo vookhumani mu Edeni waakawaneya mihinje misese. Muhinje wawaamba tti Pishoni oyo oneeta moowaapheella ellapo ya Havila nko onaphwanyeya golide. (Golide a ellapo yeella tti aphaama. Onnaphwanyeyattho makhura awunkhella a bedeliyo ni malluku oowallamella mutengo ooromolliwa onikisi.) Muhinje waneepiilli tti Gihoni oyo oneeta mwawaapheella ellapo ya Kushi. Muhinje waneeraru tti Tigrisi oyo oneeta wookhuma nndduwa wa ellapo ya Asiriya. Muhinje waneesese tti Yufurate.
Sika vano Apwiya Mulluku yaamukusa muthooyo, emuhiya mu emata ya Edeneelle wi ayillimeke navettho wi ayiwehereke phaama. Nave Apwiya Mulluku yaamulamula muthooyo wi, “Ocheke dda orive muteekho wa m'matanimmu opatula ezipaso dda muteekho woodduwelliha ddaphaama ni ddoonanara kaambiiwa nllapo nno onaacheewe ezipaso dda muteekho yooyo, ddawoona, onimakhwa.”
Sika vano Apwiya Mulluku yaallota wi, “Khe phaama wi mullopwana akhalle yeekha. Kineeromupangella mukhwaaye wi amukavihereke.” Apwiya yaakusa ethaya yoopa enama ddittheddene ni epallame ddittheddene. Yaawaana wa muthu wi addivahe manddina. Vawi manddina ayo muthu aromollilleeye ovenyera vaavo ddinadduwelliwa ni manddina yaayo. Mullopwanooyo aaddivaha manddina eziweto ddittheddene, epallame ni enama ddittheddene ddamuhakani. Komave mullopwana khaarina mukhwaaye oomukavihera.
Sika vano Apwiya yaamukoniha ekhove ddookhwana mullopwanooyo. Nave akonaka, Mulluku aakusavo epararu emodda, akhuneellavo vanipuronimvo ni muhehe. Apwiya yaampanga mutthiyana ovenyera o epararu yayikusalliiwa wa mullopwana nave yaamuwaana wa mullopwanooyo. Vano mullopwana aallota wi,
“Vano olla sika nikhuva na makhuvaaka,
nave muhehe wa muhehaaka.
Anaaromolliweke wi Mutthiyana,
ekaamba yawi akusiwe ovenyera wa mullopwana.”

Sika ekaambiiwa mullopwana anaahiyeeye attiitthinnya ni amennya aya atthella, sika eellaayo ennakhalla mwiilli mmodda. Mullopwanooyo ni mwaariyoolle, attheene yaari epwillimwinddive komave kheyaawulliwa muru.

بشنويد Genesis 2