Wɔ̃́ lɛ́ à gbɛ̃̀ɛ̃ lɛ kii e kéa mɔ̀ɔ
Zónà kìì e kéa ye wá kélɛ̀ dɔ̀-Wálà-lé-là kìì yé o tóa lɛ́ ɓe. Lɛ wɔ̃́ gã̀ ɓo kìì ká, lɛ́ e wɔ̃́ gã̀ pɛ́ɛ́ é gbɛ̃̀ã́ dɔ̀-Wálà-lé-là-mì Zónà lɛ́ e Wálà wè tóa mɔ̀ɔ. Wálà a gèe à lɛ̀ɛ é ló Nínívɛ̀, lɛ́ e kɛ pɛ́lɛ gbùò ká Àsílàa yí. Sɛ́lɛ́ e kília e kɛ Éézɛ̀lɛ̀-mìà dàa-gbe sɛ̀lɛ̀ ká. Kɛɛ Zónà lɛ̀ɛ́ gbaa naa é ló yi Wálà là wè vɔ ká, ɓii a yí dɔ kélɛ̀ Wálà lɛ̀ɛ́ ló sɛ́lɛ́ɛ yísìè lɛ̀ zí a yàà ká e géa lɛ́ ɓe. Kɛɛ lɛ̀ Zónà e die wɔ̃́ gáà gáàa doó do yía, e Wálà wè kɛ, e ló gbaa zòkpo ká. Kɛɛ Wálà lɛ̀ɛ́ gbaa Nínívɛ̀ yísìè lɛ̀ zí a gèea lɛ́ ɓe. Lɛ̀ e kɛ kília wɔ̃́ e Zónà wàà ɓii Wálà e e zò mɛ́ vɔɔ̀.
Kiia lɛ́ɛ̀ zí Wálà là yí kɛ gáaà lɛ a ká à kɛ-pɔ́ɔ̀ɔ séĩ́ làa zɔ̃̀. Kɛɛ à beĩ aa bàa lɛ́ e kélɛ̀, lɛ́ɛ̀ Wálà zì lɔ̀-kɛ̀á wà mia yéĩ́-kṹã̀ã ɛ̃́ɛ̃́ dìè mia là, ɛ̃́ɛ̃́ lɛ́ɛ̀ là mia nì dàa gbe la é dieá o yísìèa làa zɔ̃.
Wɔ̃́ wũ gbɛɛ̀ gbɛ yà kpoá zɛ̀
Zónà súó kɛɛ̀ɛ wà à zì Wálà wè tóòo (1:1-17)
Zónà ko gbɛ̃̀ à sɔ̃̀ɔ̃ yɔɔ mɔ̀ wà à ɓò gã́ yí (2:1-10)
Zónà e wè vɔ wè yɔɔ gèe é gbɛ̃̀ã́ Nínívɛ̀ mɔ̀ (3:1-10)
Wálà e Nínívɛ̀ yéĩ̀-kṹ (4:1-11)

بشنويد Zónà Wɔ̃́ lɛ́ à gbɛ̃̀ɛ̃ lɛ kii e kéa mɔ̀ɔ