If you have would like a copy of this version please contact info@davaraudiobibles.org

Esahie Old Testament

<div class="version vid2710 iso6393sfw" data-vid="2710" data-iso6393="sfw">
 <div class="book bkGEN">
 <div class="chapter ch37" data-usfm="GEN.37">
 <div class="label">37</div><div class="s1">Yosef ne oli&#603;ma m&#596;</div><div class="p"> 1Yakob tenane Kanaan, ase&#603; b&#596; n&#233; &#596;se te so &#603;w&#596;fo&#603; ne aso. 2Yakob abusua nwo dwir&#603; &#603;he: Yosef lili afo&#603; buru ne nzoo ne, n&#233; &#596;ne oli&#603;ma mmienzua m&#596; b&#603;&#769;fa mmoaen b&#603;k&#596; adidie. N&#233; &#596;te ab&#603;&#603;maa b&#596; &#596;ne &#596;se aye m&#596; Bilha ne Silpa mma m&#596; ye&#603; b&#603;y&#596; s&#596; adwuma ne &#596;. Na Yosef fale edwir&#603; t&#603;&#603; b&#596; oli&#603;ma nem&#596; ali ne nwo amane&#603; &#596;&#596;b&#596;le ye baba. 3N&#233; Yisrael kuro Yosef dwir&#603; tra ye mma m&#596; ngaa ne amu, ofiky&#603; &#596;te ye nworowaa nu ba. Yiti &#596;pale ataade&#603; tendenn bie mane ye. 4Na oli&#603;ma mmienzua nem&#596; nwuni ky&#603; b&#603; baba kuro Yosef dwir&#603; tra b&#603; mu nen, b&#603;p&#596;le ye, yiti n&#233; b&#603; ne ye dwudwo &#603;yaa so.</div><div class="p"> 5&#400;l&#603;ho bie, Yosef hyene lale&#603;, na &#596;hane lale&#603; ne hyirele oli&#603;ma nem&#596; nen, b&#603;p&#596;le ye b&#603;trale daa ne po. 6Osele b&#603; ky&#603;, &#8220;&#400;&#769;m&#596;tie lale&#603; b&#596; mahye &#596;: 7&#8220;N&#233; y&#603;kyekye &#603;mo tire tire w&#596; fieso, na mvum nu, me mo tire b&#596; makyekye ne dw&#596;sole gyinane kyirebeinn, na &#603;m&#596; mo tire de&#603; nem&#596; p&#603;le me de&#603; ne anwo beyiale, na b&#603;kotole ye.&#8221; 8Na oli&#603;ma nem&#596; bisale ye ky&#603;, &#8220;&#400;pena kyire ky&#603; &#603;baay&#603; y&#603; so hene anaa? Anaaky&#603; &#603;baali y&#603; so tumi anaa?&#8221; Na ye lale&#603; &#596;ne ye noa dwir&#603; ne mane oli&#603;ma nem&#596; h&#596;le so b&#603;p&#596;le ye k&#596;k&#596;k&#596;k&#596;. 9Yosef hyene lale&#603; bieku, na &#596;b&#596;le oli&#603;ma nem&#596; amane&#603; ky&#603;, &#8220;&#400;&#769;m&#596;tie, mahye lale&#603; bieku, na nwuni ky&#603; eyia, &#603;sraen ne nzramaa buru ne ko b&#603;koto me.&#8221; 10Nakoso Yosef hane &#603;he hyirele ye baba ne oli&#603;ma mmienzua nem&#596; nen, ye baba teateane ye, na osele ye ky&#603;, &#8220;Nziky&#603; lale&#603; ye&#603; ahye ye? Ekyire ky&#603; me ne eni ne eli&#603;ma mmienzua m&#596; k&#596;&#596;koto w&#596; nyunu anaa?&#8221; 11#Aso 7.9 Yosef ali&#603;ma nem&#596; nye borole ye, nakoso &#596;se de &#596;fale edwir&#603; nem&#596; siele ye ti anu.</div><div class="s1">B&#603;t&#596;ne Yosef maa okofite Misraim</div><div class="p"> 12&#400;l&#603;ho bie, oli&#603;ma mmienzua nem&#596; fale b&#603; se mmoaen ne b&#603;h&#596;le adidie w&#596; S&#603;kem. 13Ye&#603; Yisrael sele Yosef ky&#603;, &#8220;Eli&#603;ma nem&#596; afa mmoaen bah&#596; adidie w&#596; S&#603;kem, yiti bra maa nzoma w&#596; b&#603; ber&#603;.&#8221; Yosef sele ye ky&#603;, &#8220;Me &#603;he.&#8221; 14Na Yakob sele ye ky&#603;, &#8220;K&#596;nea s&#603; eli&#603;ma nem&#596; ne mmoaen ne b&#603; nwo te paa a, na s&#225; bra baab&#596; me amane&#603;.&#8221; Yiti &#596;somane ye fili Hebron b&#596;nza ne anu maa &#596;h&#596;le S&#603;kem. 15Biaa bie nwuni ky&#603; Yosef amini na &#596;p&#603; ye nwo w&#596; por&#603; ne anu nen, obisale ye ky&#603;, &#8220;Nziky&#603; ye&#603; &#603;pena &#596;?&#8221; 16Na Yosef buale ky&#603;, &#8220;Mepena nni&#603;ma mmienzua m&#596;. Mesr&#603; w&#596;, kyire me nekaa b&#596; bafa mmoaen bah&#596; adidie ne.&#8221; 17Biaa ne buale ky&#603;, &#8220;Bafi wa bah&#596; moa paa, ofiky&#603; ndele ky&#603; n&#233; b&#603;keka ky&#603;, &#8216;&#400;&#769;m&#596;ma y&#603;h&#596; Dotan.&#8217; &#8221; Yiti Yosef pole oli&#603;ma nem&#596; aso, na oonwuni b&#603; w&#596; Dotan. 18Oli&#603;ma nem&#596; nwuni ye w&#596; nzi&#603; nzi&#603; ky&#603; &#596;ba &#596;, na anzana &#596;baadwu b&#603; nwo ber&#603; ne, b&#603;b&#596;le ye nwo por&#603; ky&#603; bekohu ye. 19Besisele b&#603; nwo ky&#603;, &#8220;Lale&#603;hyen&#603;ni&#603; ne ye&#603; &#596;&#769;ba ne! 20&#400;m&#596;ma y&#603;hu ye n&#225; y&#603;gyi ye y&#603;to ngono ne ko anu; y&#603;k&#596;&#596;ha ky&#603; kaka aboyaa bie ahye ye ali, n&#225; yanea s&#603; ye lale&#603; nem&#596; k&#596;wa nu a. 21Nakoso Ruben tele ne, &#596;pep&#603; lele ye, na &#596;hane ky&#603;, &#8220;Nn&#603;m&#596;maa y&#603;ku ye.&#8221; 22Ruben sele b&#603; ky&#603;, &#8220;Nn&#603;ma &#603;m&#596;k&#227; mogya begua, &#603;&#769;m&#596;gyi ye b&#603;&#769;to kumaa ye anu &#603;ser&#603; ye aso wa, na mmom nn&#603;ma ebiala fa ye sa ka ye.&#8221; N&#233; way&#603; ye adwene ky&#603; ode ye fi b&#603; sa nu na &#596;fa ye sa k&#596;ma ye baba. 23Yiti Yosef oodwuli oli&#603;ma nem&#596; anwo ber&#603; ne, bepurole ye ataade&#603; tendenn b&#596; owura ye ne, 24na b&#603;s&#596;le ye nu begyili ye b&#603;tole abura bie anu. N&#233; s&#596; abura ne anu te wosee.</div><div class="p"> 25Ye si ye, b&#603;tenane ase ky&#603; bedidi. Na b&#603;mane b&#603; ti so ne, benwuni Yismaelfo&#603; dwadifo&#603; b&#596; b&#603;tete afup&#596;ng&#596; so, b&#596; befi Gileade b&#603;&#769;k&#596; Misraim &#596;. N&#233; b&#8217;afup&#596;ng&#596; m&#596; b&#603;soso p&#596;we&#603;, sakye&#603; ne as&#227;a. 26Ye&#603; Yuda sele oli&#603;ma nem&#596; ky&#603;, &#8220;Mvaso&#603; beni ye&#603; &#596;w&#596; so ky&#603; y&#603;kohu y&#8217;eli&#603;ma bienzua na y&#603;k&#596;kata ye mogya so &#596;?&#8221; 27&#400;&#769;m&#596;ma y&#603;&#769;y&#603; ye at&#596;en y&#603;&#769;ma Yismaelfo&#603; ne. Nn&#603;m&#596;maa y&#603;fa y&#603; sa y&#603;k&#227; ye, ofiky&#603; &#596;te y&#8217;eli&#603;ma ne y&#603; b&#596;b&#596; y&#603; de&#603;.&#8221; Na oli&#603;ma nem&#596; penene so. 28#Aso 7.9 N&#233; Midianfo&#603; dwadifo&#603; biem&#596; b&#603;baase. Yosef ali&#603;ma nem&#596; yele ye befili abura ne anu, na b&#603;t&#596;nene ye &#603;dwet&#603; kilo ko b&#596; bahy&#603; nu nnu b&#603;mane Yismaelfo&#603; nem&#596; maa b&#603;fale ye b&#603;h&#596;le Misraim.</div><div class="p"> 29Ruben sa wale abura ne anwo, na onwuni ky&#603; Yosef nne nu ne, osunzuale ye ndaade&#603; nu; 30osa wale oli&#603;ma nem&#596; ber&#603;, na oosele ky&#603;, &#8220;Ab&#603;&#603;maa ne nne ber&#603;, na ny&#596; me nwo s&#603;?&#8221; 31Na b&#603;fale Yosef ataade&#603; ne, behuni ab&#596;ngye, na b&#603;fale ataade&#603; ne b&#603;f&#596;lef&#596;lele ye mogya ne. 32B&#603;fale ataade&#603; tendenn ne b&#603;br&#603;le b&#603; baba, na besele ky&#603;, &#8220;Nea ataade&#603; bie b&#596; yanwu ye &#596;, s&#603; &#603;wa ne de&#603; ne ah&#596; a.&#8221; 33&#390;neane, na &#596;hane ky&#603;, &#8220;Mma ne de&#603; ne &#596;. Kaka aboyaa bie ahye ye ali. Aporowaa biala nne ye nwo ky&#603; watete Yosef nu pasaa.&#8221; 34Yiti Yakob sunzuale ye ndaade&#603; nu, &#596;fale &#603;s&#603;en tena p&#603;le ye bo, na olili &#596;wa ne wue nwo aworab&#596;l&#603; ngy&#7869;a pee. 35Na ye mma mmienzua mukoraa ne ye mma mmrasua mukoraa b&#596;le mm&#596;den ky&#603; b&#603;k&#596;kyekye ye wora, nakoso wambene. Yakob sele ky&#603;, &#8220;M&#233;fa aworab&#596;l&#603; m&#233;po mma ne w&#596; &#603;bor&#596;.&#8221; Na ye baba suni ye paa. 36Midianfo&#603; nem&#596; t&#596;nene ye w&#596; Misraim b&#603;mane Faro ye panyi ko b&#596; b&#603;fr&#603; ye P&#596;tifa. N&#233; &#596;te ye ang&#596;beahene.</div>
 </div>
 </div>
</div>

Esahie Bible © Bible Society of Ghana, 2018.

Yakob tenane Kanaan, aseɛ bɔ né ɔse te so ɛwɔfoɛ ne aso. Yakob abusua nwo dwirɛ ɛhe: Yosef lili afoɛ buru ne nzoo ne, né ɔne oliɛma mmienzua mɔ bɛ́fa mmoaen bɛkɔ adidie. Né ɔte abɛɛmaa bɔ ɔne ɔse aye mɔ Bilha ne Silpa mma mɔ yeɛ bɛyɔ sɔ adwuma ne ɔ. Na Yosef fale edwirɛ tɛɛ bɔ oliɛma nemɔ ali ne nwo amaneɛ ɔɔbɔle ye baba. Né Yisrael kuro Yosef dwirɛ tra ye mma mɔ ngaa ne amu, ofikyɛ ɔte ye nworowaa nu ba. Yiti ɔpale ataadeɛ tendenn bie mane ye. Na oliɛma mmienzua nemɔ nwuni kyɛ bɛ baba kuro Yosef dwirɛ tra bɛ mu nen, bɛpɔle ye, yiti né bɛ ne ye dwudwo ɛyaa so.
Ɛlɛho bie, Yosef hyene laleɛ, na ɔhane laleɛ ne hyirele oliɛma nemɔ nen, bɛpɔle ye bɛtrale daa ne po. Osele bɛ kyɛ, “Ɛ́mɔtie laleɛ bɔ mahye ɔ: “Né yɛkyekye ɛmo tire tire wɔ fieso, na mvum nu, me mo tire bɔ makyekye ne dwɔsole gyinane kyirebeinn, na ɛmɔ mo tire deɛ nemɔ pɛle me deɛ ne anwo beyiale, na bɛkotole ye.” Na oliɛma nemɔ bisale ye kyɛ, “Ɛpena kyire kyɛ ɛbaayɛ yɛ so hene anaa? Anaakyɛ ɛbaali yɛ so tumi anaa?” Na ye laleɛ ɔne ye noa dwirɛ ne mane oliɛma nemɔ hɔle so bɛpɔle ye kɔkɔkɔkɔ. Yosef hyene laleɛ bieku, na ɔbɔle oliɛma nemɔ amaneɛ kyɛ, “Ɛ́mɔtie, mahye laleɛ bieku, na nwuni kyɛ eyia, ɛsraen ne nzramaa buru ne ko bɛkoto me.” Nakoso Yosef hane ɛhe hyirele ye baba ne oliɛma mmienzua nemɔ nen, ye baba teateane ye, na osele ye kyɛ, “Nzikyɛ laleɛ yeɛ ahye ye? Ekyire kyɛ me ne eni ne eliɛma mmienzua mɔ kɔɔkoto wɔ nyunu anaa?” Yosef aliɛma nemɔ nye borole ye, nakoso ɔse de ɔfale edwirɛ nemɔ siele ye ti anu.

Ɛlɛho bie, oliɛma mmienzua nemɔ fale bɛ se mmoaen ne bɛhɔle adidie wɔ Sɛkem. Yeɛ Yisrael sele Yosef kyɛ, “Eliɛma nemɔ afa mmoaen bahɔ adidie wɔ Sɛkem, yiti bra maa nzoma wɔ bɛ berɛ.” Yosef sele ye kyɛ, “Me ɛhe.” Na Yakob sele ye kyɛ, “Kɔnea sɛ eliɛma nemɔ ne mmoaen ne bɛ nwo te paa a, na sá bra baabɔ me amaneɛ.” Yiti ɔsomane ye fili Hebron bɔnza ne anu maa ɔhɔle Sɛkem. Biaa bie nwuni kyɛ Yosef amini na ɔpɛ ye nwo wɔ porɛ ne anu nen, obisale ye kyɛ, “Nzikyɛ yeɛ ɛpena ɔ?” Na Yosef buale kyɛ, “Mepena nniɛma mmienzua mɔ. Mesrɛ wɔ, kyire me nekaa bɔ bafa mmoaen bahɔ adidie ne.” Biaa ne buale kyɛ, “Bafi wa bahɔ moa paa, ofikyɛ ndele kyɛ né bɛkeka kyɛ, ‘Ɛ́mɔma yɛhɔ Dotan.’ ” Yiti Yosef pole oliɛma nemɔ aso, na oonwuni bɛ wɔ Dotan. Oliɛma nemɔ nwuni ye wɔ nziɛ nziɛ kyɛ ɔba ɔ, na anzana ɔbaadwu bɛ nwo berɛ ne, bɛbɔle ye nwo porɛ kyɛ bekohu ye. Besisele bɛ nwo kyɛ, “Laleɛhyenɛniɛ ne yeɛ ɔ́ba ne! Ɛmɔma yɛhu ye ná yɛgyi ye yɛto ngono ne ko anu; yɛkɔɔha kyɛ kaka aboyaa bie ahye ye ali, ná yanea sɛ ye laleɛ nemɔ kɔwa nu a. Nakoso Ruben tele ne, ɔpepɛ lele ye, na ɔhane kyɛ, “Nnɛmɔmaa yɛku ye.” Ruben sele bɛ kyɛ, “Nnɛma ɛmɔkã mogya begua, ɛ́mɔgyi ye bɛ́to kumaa ye anu ɛserɛ ye aso wa, na mmom nnɛma ebiala fa ye sa ka ye.” Né wayɛ ye adwene kyɛ ode ye fi bɛ sa nu na ɔfa ye sa kɔma ye baba. Yiti Yosef oodwuli oliɛma nemɔ anwo berɛ ne, bepurole ye ataadeɛ tendenn bɔ owura ye ne, na bɛsɔle ye nu begyili ye bɛtole abura bie anu. Né sɔ abura ne anu te wosee.
Ye si ye, bɛtenane ase kyɛ bedidi. Na bɛmane bɛ ti so ne, benwuni Yismaelfoɛ dwadifoɛ bɔ bɛtete afupɔngɔ so, bɔ befi Gileade bɛ́kɔ Misraim ɔ. Né b’afupɔngɔ mɔ bɛsoso pɔweɛ, sakyeɛ ne asãa. Yeɛ Yuda sele oliɛma nemɔ kyɛ, “Mvasoɛ beni yeɛ ɔwɔ so kyɛ yɛkohu y’eliɛma bienzua na yɛkɔkata ye mogya so ɔ?” Ɛ́mɔma yɛ́yɛ ye atɔen yɛ́ma Yismaelfoɛ ne. Nnɛmɔmaa yɛfa yɛ sa yɛkã ye, ofikyɛ ɔte y’eliɛma ne yɛ bɔbɔ yɛ deɛ.” Na oliɛma nemɔ penene so. Né Midianfoɛ dwadifoɛ biemɔ bɛbaase. Yosef aliɛma nemɔ yele ye befili abura ne anu, na bɛtɔnene ye ɛdwetɛ kilo ko bɔ bahyɛ nu nnu bɛmane Yismaelfoɛ nemɔ maa bɛfale ye bɛhɔle Misraim.
Ruben sa wale abura ne anwo, na onwuni kyɛ Yosef nne nu ne, osunzuale ye ndaadeɛ nu; osa wale oliɛma nemɔ berɛ, na oosele kyɛ, “Abɛɛmaa ne nne berɛ, na nyɔ me nwo sɛ?” Na bɛfale Yosef ataadeɛ ne, behuni abɔngye, na bɛfale ataadeɛ ne bɛfɔlefɔlele ye mogya ne. Bɛfale ataadeɛ tendenn ne bɛbrɛle bɛ baba, na besele kyɛ, “Nea ataadeɛ bie bɔ yanwu ye ɔ, sɛ ɛwa ne deɛ ne ahɔ a.” Ɔneane, na ɔhane kyɛ, “Mma ne deɛ ne ɔ. Kaka aboyaa bie ahye ye ali. Aporowaa biala nne ye nwo kyɛ watete Yosef nu pasaa.” Yiti Yakob sunzuale ye ndaadeɛ nu, ɔfale ɛsɛen tena pɛle ye bo, na olili ɔwa ne wue nwo aworabɔlɛ ngyẽa pee. Na ye mma mmienzua mukoraa ne ye mma mmrasua mukoraa bɔle mmɔden kyɛ bɛkɔkyekye ye wora, nakoso wambene. Yakob sele kyɛ, “Méfa aworabɔlɛ mépo mma ne wɔ ɛborɔ.” Na ye baba suni ye paa. Midianfoɛ nemɔ tɔnene ye wɔ Misraim bɛmane Faro ye panyi ko bɔ bɛfrɛ ye Pɔtifa. Né ɔte ye angɔbeahene.

بشنويد Gyenesise 37