The Revised Maasai Bible © 2018, Bible Society of Kenya www.biblesociety-kenya.org The Revised Maasai Audio Bible ℗ 2019, Davar Partners International (Audio) www.davaraudiobibles.org God's word open for all

The Revised Maasai Bible

Maasai - 2004 Biblia Sinyati Version (NT) Drama

<div class="version vid1816 iso6393mas" data-vid="1816" data-iso6393="mas">
 <div class="book bkACT">
 <div class="chapter ch2" data-usfm="ACT.2">
 <div class="label">2</div><div class="s">Elotunoto e Nkiyang'et Sinyati</div><div class="p"> 1 # 
 Ilaw 23.15-21; Enkig 16.9-11 Ore pee ebau enkolong o Pentekoste, netii apa pooki ewueji nebo. 2Ore nabo kata nelotu enkikurrukur naing'uaa keper neeijo eno lkutati, neiput ina aji pooki natii ninche. 3Nedol ninche entoki neeijo lng'ejepa le nkima eisuaari: neiseyie ake ina ng'ejep neeijo enkima o lng'ejep le pooki tung'ani otii ine. 4Neigany Enkiyang'et Sinyati ninche pooki neiteru aairo kulie kutukie, anaa enaidimie Enkiyang'et Sinyati meiroro.</div><div class="p"> 5Nemanya Yerusalem Ilyahudi laa iltung'ana asayiak le Nkai, ooetuo ninche eing'uaa nkuapi pooki e nkop. 6Ore pee ening ina kikurrukur neiturrurro olorora kitok. Neiputukuny neing'asia pooki amu meetae ake oleitu ening ninche eiro enkutuk naikini ninye. 7Neiputukuny neing'asia nejo, &#8220;Amaa kulo tung'ana aime Lgalilaya pooki! 8Aainyo naa pee kining'ito iyiook pooki eiro nkutukie ang naaikini iyiook? 9King'uaa iyiook Partia, Media, Elam; niking'uaa Mesopotamia, Yudea, o Kapodokia; niking'uaa Ponto o Asia, 10niking'uaa Frigia o Pamfiliam niking'uaa Misiri o lkirinen le Libya o Kirene, neing'uaa kulikae lang Roma, 11ndung'ot pokira, Lyahudi o Loreren ooibelekenyate aaku Lyahudi; niking'uaa kulikae lang Krete o Arabia kake eji nikining pooki eiro ninche nkutukie ang eimaki mbaa kituaak naataasa Enkai!&#8221; 12Ore eing'asiate pooki nemilo neikilikuana taa ake aajo, &#8220;Ainyoo eutu ena bae?&#8221;</div><div class="p"> 13Kake etii ilookueniyie ilairukok ejo, &#8220;Ketemerate kulo tung'ana!&#8221;</div><div class="s">Ilomon ooinosua Petero</div><div class="p"> 14Kake neinyototo Petero eboitare ninye lelo kulikae tomon o obo, neiteru airorie olorere to ltoilo sapuk ajoki, &#8220;Lo lewa lang loo Lyahudi, o intae pooki oomanya Yerusalem, entoning enajo, matoliki intae enautu ena bae. 15Eitu emera kulo tung'ana anaa ina nijojo, ene uni ena saa anaa pee ekenyu. 16Maa, enapa bae ena natolimuo oloiboni le Nkai oji Yoel pee ejo,</div><div class="q"> 17 # 
 Yoe 2.28-32
 &#8216;Kaas ena bae te nena olong'i naabayie, Enkai najo,</div><div class="q">kabukoki ltung'ana pooki Enkiyang'et ai.</div><div class="q">Keyooki aaibonisho layiok linyi o ntoyie inyi;</div><div class="q">nedol ilbarnot linyi nduaat, netum ilpayiani linyi nkidetidetat.</div><div class="q"> 18Ee, o metabaiki sii ninche sinkan laainei, loo lewa o loo ng'oruo,</div><div class="q">kabukoki Enkiyang'et ai te nena olong'i, naa keibonisho kenya ninche.</div><div class="q"> 19Naa kaitodolu ine nking'asia te ntaiya e shumata,</div><div class="q">o sapiipiyieti ti abori te nkop.</div><div class="q">Nedoli osarge o enkima, o empuruo nairrusha:</div><div class="q"> 20neitomisimisi enkolong, nedoru olapa atiu anaa osarge,</div><div class="q">eton etiooyo ina olong o Laitoriani, enkolong kitok e nkisisa.</div><div class="q"> 21Ore te ina kata, ore pooki ng'ae oipot</div><div class="q">enkarna o Laitoriani neitajeuni.&#8217;</div><div class="p"> 22&#8220;Lo lewa le Israeli! Entoning kulo rorei. Ore Yesu le Nasaretii, oltung'ani otisirua Enkai abaraki te intae too mbaa e ngolon o ine nking'asia o nkitoduaat o lmonek ooitaasa intae Enkai te nkaina enye; niyiololo intae ina amu atua intae etaasieki. 23#Mat 27.35; Mk 15.24; Lk 23.33; Yhn 19.18 Enkai openy natudutayie te yieunoto o te ng'eno enye makewan apake nchere, keitarasari Yesu, nitara intae ninye, aaisho ltung'ana arruok metasho. 24#Mat 28.5-6; Mk 16.6; Lk 24.5 Kake eitopiwuo Enkai ninye aitung'uaa ilootuata: nelaku aoru emion e keeya amu meidimayu apa neenikino enkeeya ninye. 25#Olke 16.8-11 Amu eimaka Daudi ninye nejo,</div><div class="q">&#8216;Atoduaa Olaitoriani etii dukuya nanu nkatitin pooki:</div><div class="q">aatii te tatene, metaa maaigusugusieki.</div><div class="q"> 26Amu ore te nkaraki ena keng'ida oltau lai,</div><div class="q">nebore irorei laainei enchipai; ore nanu, nara ake olenye,</div><div class="q">nayeng'iyeng'a aanyisho to siligi,</div><div class="q"> 27amu ming'uaa iyie oltau lai te nemeneng'a,</div><div class="q">nimincho osinka lino sinyati metupurdayu ang'uoyu.</div><div class="q"> 28Kituutaka iyie nanu inkoitoi enkishui,</div><div class="q">ore amu itii iyie, ei kilo aiput enchipai.&#8217;</div><div class="p"> 29&#8220;Ilalashera laainei, enchooki maibalakinye intae ashirraki too mbaa e papa lang Daudi, Etua ninye, nenukari, netii enkurare enye atua iyiook o tene. 30#Olke 132.11; 2 Sam 7.12-13 O loiboni le Nkai apa metaa ketayiolo ina naisiligie Enkai ajoki, ore eishoi enye keikini likae aiguanani kitok oitoreisho anaa apa Daudi. 31Ina etodolua Daudi naas kenya ake Enkai, paa keiroro aimaki empiunoto e Kristo pee ejo: &#8216;Eitu eing'uari ninye te nemeneng'a. Neitu epurda osesen lenye ang'uoyu.&#8217;</div><div class="p"> 32&#8220;Ele Yesu likiimaki eitopiwuo Enkai aitung'uaa ilootuata, nikira iyiook lchakenini le ina bae. 33Ore pee eilepieki nepiki tatene e Nkai, neng'amu Enkiyang'et Sinyati te Menye anaa enatejo apake; naa ore ena nidolitata nining'itoto ina kishorunoto enye etubukoko iyiook. 34#Olke 110.1 Amu eitu elo Daudi makewan keper; kake etejo ninye kewan, &#8216;Etiaka Olaitoriani Olaitoriani lai: Totona te tatene ai, 35pee aitadou ilmang'ati linono metotiutu anaa olorika loo nkejek inono.&#8217; 36Entayioloito naa taata enkaji pooki e Israel ena nadede nchere, ele Yesu, lishomo intae aashe to salaba, eitaa Enkai Olaitoriani o Kristo.&#8221;</div><div class="p"> 37Kuna ake etoning'o ninche nerem ilo rorei iltauja, nejoki Petero o lkulikae kipaareta, &#8220;Kaa naa kiaas, ilalashera lang?&#8221;</div><div class="p"> 38Nejoki Petero ninche, &#8220;Erridutu pooki tung'ani, neibatisai pooki te intae te nkarna e Yesu Kristo, pee epalakini intae ng'ok inyi; naa ing'amumu enkishorunoto e Enkiyang'et Sinyati. 39Amu ore ena kisiligata eninyi apa o nkera inyi, o lelo pooki oolakua lelo pooki ooipotoki Enkai kewan.&#8221;</div><div class="p"> 40Neitirrishaki Petero aitadedeyie te kulie baa kumok, nejoki, &#8220;Entajeu ate te ina nainepu kulo tung'ana arruok.&#8221; 41Neiruk ilkumok nena baa naainosua ninye, neibatisai; neponikini ilo turrur iltung'ana oobaya nkalifuni uni te ina olong. 42Neaku ketumo ninche anaa ake te nkiteng'enare oo lkipaareta, neshulare aaisiritore, neng'arie endaa, neshulare te nkomono.</div><div class="s">Enataasa lelo ooiruko Yesu</div><div class="p"> 43Nejing aiput enkuretisho pooki ng'ae; neasi inenking'asia, olmonek too lkipaareta. 44#Iat 4.32-35 Nebik ilairukok pooki te nebo te nchula neyau masaa enye aang'ar. 45Neaku kemir masaa enye o ntokitin naata neorikino pooki mpesai, anaa enaatayie oltung'ani enkolat. 46Netumo anaa ake ilo turrur te nkaji e Nkai, neng'ar ndaiki too nkajijik enye, neng'ida edaa to ltau obo, 47neisis Enkai, neshipakino iltung'ana pooki ninche. Neponaa Olaitoriani ilo turrur lenye anaa ake te lelo ooitajeuni.</div>
 </div>
 </div>
</div>

Ore pee ebau enkolong o Pentekoste, netii apa pooki ewueji nebo. Ore nabo kata nelotu enkikurrukur naing'uaa keper neeijo eno lkutati, neiput ina aji pooki natii ninche. Nedol ninche entoki neeijo lng'ejepa le nkima eisuaari: neiseyie ake ina ng'ejep neeijo enkima o lng'ejep le pooki tung'ani otii ine. Neigany Enkiyang'et Sinyati ninche pooki neiteru aairo kulie kutukie, anaa enaidimie Enkiyang'et Sinyati meiroro.
Nemanya Yerusalem Ilyahudi laa iltung'ana asayiak le Nkai, ooetuo ninche eing'uaa nkuapi pooki e nkop. Ore pee ening ina kikurrukur neiturrurro olorora kitok. Neiputukuny neing'asia pooki amu meetae ake oleitu ening ninche eiro enkutuk naikini ninye. Neiputukuny neing'asia nejo, “Amaa kulo tung'ana aime Lgalilaya pooki! Aainyo naa pee kining'ito iyiook pooki eiro nkutukie ang naaikini iyiook? King'uaa iyiook Partia, Media, Elam; niking'uaa Mesopotamia, Yudea, o Kapodokia; niking'uaa Ponto o Asia, niking'uaa Frigia o Pamfiliam niking'uaa Misiri o lkirinen le Libya o Kirene, neing'uaa kulikae lang Roma, ndung'ot pokira, Lyahudi o Loreren ooibelekenyate aaku Lyahudi; niking'uaa kulikae lang Krete o Arabia kake eji nikining pooki eiro ninche nkutukie ang eimaki mbaa kituaak naataasa Enkai!” Ore eing'asiate pooki nemilo neikilikuana taa ake aajo, “Ainyoo eutu ena bae?”
Kake etii ilookueniyie ilairukok ejo, “Ketemerate kulo tung'ana!”

Kake neinyototo Petero eboitare ninye lelo kulikae tomon o obo, neiteru airorie olorere to ltoilo sapuk ajoki, “Lo lewa lang loo Lyahudi, o intae pooki oomanya Yerusalem, entoning enajo, matoliki intae enautu ena bae. Eitu emera kulo tung'ana anaa ina nijojo, ene uni ena saa anaa pee ekenyu. Maa, enapa bae ena natolimuo oloiboni le Nkai oji Yoel pee ejo,
‘Kaas ena bae te nena olong'i naabayie, Enkai najo,
kabukoki ltung'ana pooki Enkiyang'et ai.
Keyooki aaibonisho layiok linyi o ntoyie inyi;
nedol ilbarnot linyi nduaat, netum ilpayiani linyi nkidetidetat.
Ee, o metabaiki sii ninche sinkan laainei, loo lewa o loo ng'oruo,
kabukoki Enkiyang'et ai te nena olong'i, naa keibonisho kenya ninche.
Naa kaitodolu ine nking'asia te ntaiya e shumata,
o sapiipiyieti ti abori te nkop.
Nedoli osarge o enkima, o empuruo nairrusha:
neitomisimisi enkolong, nedoru olapa atiu anaa osarge,
eton etiooyo ina olong o Laitoriani, enkolong kitok e nkisisa.
Ore te ina kata, ore pooki ng'ae oipot
enkarna o Laitoriani neitajeuni.’
“Lo lewa le Israeli! Entoning kulo rorei. Ore Yesu le Nasaretii, oltung'ani otisirua Enkai abaraki te intae too mbaa e ngolon o ine nking'asia o nkitoduaat o lmonek ooitaasa intae Enkai te nkaina enye; niyiololo intae ina amu atua intae etaasieki. Enkai openy natudutayie te yieunoto o te ng'eno enye makewan apake nchere, keitarasari Yesu, nitara intae ninye, aaisho ltung'ana arruok metasho. Kake eitopiwuo Enkai ninye aitung'uaa ilootuata: nelaku aoru emion e keeya amu meidimayu apa neenikino enkeeya ninye. Amu eimaka Daudi ninye nejo,
‘Atoduaa Olaitoriani etii dukuya nanu nkatitin pooki:
aatii te tatene, metaa maaigusugusieki.
Amu ore te nkaraki ena keng'ida oltau lai,
nebore irorei laainei enchipai; ore nanu, nara ake olenye,
nayeng'iyeng'a aanyisho to siligi,
amu ming'uaa iyie oltau lai te nemeneng'a,
nimincho osinka lino sinyati metupurdayu ang'uoyu.
Kituutaka iyie nanu inkoitoi enkishui,
ore amu itii iyie, ei kilo aiput enchipai.’
“Ilalashera laainei, enchooki maibalakinye intae ashirraki too mbaa e papa lang Daudi, Etua ninye, nenukari, netii enkurare enye atua iyiook o tene. O loiboni le Nkai apa metaa ketayiolo ina naisiligie Enkai ajoki, ore eishoi enye keikini likae aiguanani kitok oitoreisho anaa apa Daudi. Ina etodolua Daudi naas kenya ake Enkai, paa keiroro aimaki empiunoto e Kristo pee ejo: ‘Eitu eing'uari ninye te nemeneng'a. Neitu epurda osesen lenye ang'uoyu.’
“Ele Yesu likiimaki eitopiwuo Enkai aitung'uaa ilootuata, nikira iyiook lchakenini le ina bae. Ore pee eilepieki nepiki tatene e Nkai, neng'amu Enkiyang'et Sinyati te Menye anaa enatejo apake; naa ore ena nidolitata nining'itoto ina kishorunoto enye etubukoko iyiook. Amu eitu elo Daudi makewan keper; kake etejo ninye kewan, ‘Etiaka Olaitoriani Olaitoriani lai: Totona te tatene ai, pee aitadou ilmang'ati linono metotiutu anaa olorika loo nkejek inono.’ Entayioloito naa taata enkaji pooki e Israel ena nadede nchere, ele Yesu, lishomo intae aashe to salaba, eitaa Enkai Olaitoriani o Kristo.”
Kuna ake etoning'o ninche nerem ilo rorei iltauja, nejoki Petero o lkulikae kipaareta, “Kaa naa kiaas, ilalashera lang?”
Nejoki Petero ninche, “Erridutu pooki tung'ani, neibatisai pooki te intae te nkarna e Yesu Kristo, pee epalakini intae ng'ok inyi; naa ing'amumu enkishorunoto e Enkiyang'et Sinyati. Amu ore ena kisiligata eninyi apa o nkera inyi, o lelo pooki oolakua lelo pooki ooipotoki Enkai kewan.”
Neitirrishaki Petero aitadedeyie te kulie baa kumok, nejoki, “Entajeu ate te ina nainepu kulo tung'ana arruok.” Neiruk ilkumok nena baa naainosua ninye, neibatisai; neponikini ilo turrur iltung'ana oobaya nkalifuni uni te ina olong. Neaku ketumo ninche anaa ake te nkiteng'enare oo lkipaareta, neshulare aaisiritore, neng'arie endaa, neshulare te nkomono.

Nejing aiput enkuretisho pooki ng'ae; neasi inenking'asia, olmonek too lkipaareta. Nebik ilairukok pooki te nebo te nchula neyau masaa enye aang'ar. Neaku kemir masaa enye o ntokitin naata neorikino pooki mpesai, anaa enaatayie oltung'ani enkolat. Netumo anaa ake ilo turrur te nkaji e Nkai, neng'ar ndaiki too nkajijik enye, neng'ida edaa to ltau obo, neisis Enkai, neshipakino iltung'ana pooki ninche. Neponaa Olaitoriani ilo turrur lenye anaa ake te lelo ooitajeuni.

بشنويد Iasat 2