གོ༌ཟུག༌གི༌ སྤེ༌ཆའེ༌ སྐོར༌།
ཡ༌ཧུ༌དཱ༌ དང༌ མ༌ཤི༌ཀ༌པའེ༌ ཆོས༌སི༌ ཁས༌པ༌ གུན༌ནི༌ འི༌ གོ༌ཟུག༌གི༌ སྤེ༌ཆ༌བོ༌ མ༌ཤི༌ཀ༌ ལྟམས༌སི༌ སང༌ ཧ༌ལམ༌ ལོ༌ 1446 སྔུན༌ལ༌ བྲིའ༌ ཛད༌ཏེ༌ ཨིན༌ཁན༌བོ༌ ཟེར༌ར༌ནོག༌, ཡང༌ན༌ དག༌ས༌ སང༌ ལོ༌ 3,500 སྔུན༌ལ༌། ཁོང༌གུན༌ནི༌ ཟེར༌ར༌ནོག༌, ཞལ༌ཆད༌ སྙིང༌པའེ༌ གོ༌མའེ༌ སྤེ༌ཆ༌ ལྔ༌བོ༌ མོ༌ཟེས༌སི༌ བྲིས༌ཏེ༌ ཨིན༌ནོག༌, ཀ༌བོའེ༌ ནང༌ང༌ འི༌ སྤེ༌ཆ༌བོའང༌ ཐེས༌ཏེ༌ ཨིན༌ནོག༌།
མོ༌ཟེས༌སི༌ འི༌ སྤེ༌ཆ༌, ནམ༌ཁའ༌ དང༌ ཇིག༌རྟེན༌ ཛད༌ཁན༌ནི༌ ཚིར༌ ཡང༌ གྱལ༌ཁམས༌གུན༌ ཀ༌ཟུག༌གི༌ ཇུང༌, ཏེ༌གུན༌ནི༌ སྐོར༌ སིལ༌ཁན༌གུན༌ལ༌ ཤེ༌ཤེས༌སི༌ གྱུན༌ཚན༌ནི༌ ཕིའ༌ བྲིས༌ཏེ༌ ཨིན༌ནོག༌། འི༌ ནང༌ང༌ མོ༌ཟེས༌སི༌ གོ༌ཟུགས༌ མང༌པོ༌ཞིག༌གི༌ སྐོར༌ལ༌ བྲིའ༌ ཛད༌ཏེ༌ དུག༌, ཏེ༌གུན༌ ནི༌:
ཀ༌ཟུག༌གི༌ ནམ༌ཁའ༌ དང༌ ཇིག༌རྟེན༌ ཡང༌ ཏེ༌ནང༌ང༌ ཡོད༌ཁན༌ ཚང༌མ༌ གོ༌ཟུགས༌།
ཀ༌ཟུག༌གི༌ མི༌རིགས༌ ཚང༌མ༌ གོ༌ཟུག༌, ཡང༌ན༌ ཨ༌དམ༌ དང༌ ཧ༌ཝ༌ ཛད༌ཅེས༌པོ༌།
ཀ༌ཟུག༌གི༌ སྡིག༌པ༌ དང༌ ཤི༌ཅེས༌ གོ༌ཟུག༌།
དཀོན༌མཆོག༌གི༌ ཐབས༌ ནང༌ཞིན༌ ཁོང༌ངི༌ ཞལ༌ཆད༌ ཛད༌ཁན༌ནི༌ པུར༌གྱུད༌ གྱུད༌ཏེ༌, ཀ༌ཟུག༌གི༌ སྡིག༌ཅན༌ མི༌གུན༌ སྡིག༌པ༌ དང༌ ཤི༌ཅེས༌སི༌ ཀ༌ནེ༌ སྐྱོབ༌ཅེས༌ གོ༌ཟུག༌།
ཀ༌ཟུག༌གི༌ དེན༌བའེ༌ དཀོན༌མཆོག༌ག༌ བྲངས༌ཏེ༌ ཅོལ༌ཁན༌ དང༌ མ༌བྲངས༌ཁན༌ནི༌ མི༌གུན༌ གོ༌ཟུག༌།
ཀ༌ཟུག༌གི༌ གྱལ༌ཁབ༌ སོ༌སོ༌གུན༌ གོ༌ཟུག༌།
འི༌ སྤེ༌ཆའེ༌ ནང༌ང༌ ཚང༌མའེ༌སང༌ ཁག༌ཅན༌ ལབ༌ཞ༌བོ༌ ནི༌, དཀོན༌མཆོག༌གི༌ ཐབ༌ལྡིངས༌སི༌ ནང༌ང༌ མི༌གུན༌ ཏུས༌གྱུན༌ནི༌ ཕིའ༌ སོན༌ཏེའ༌ ལུས༌ཏེ༌ ཁོང༌ ཉམ༌པོ༌ བྲེལ༌ ཉེ༌མོ༌ ལུས༌ཤེས༌ ཡང༌ ཛ༌འོ༌ ཉེ༌མོ༌ ཙོགས༌ལ༌ ཁོང༌ ཤེ༌ཤེས༌པོ༌ ཨིན༌པིན༌། ཨིན༌ནའང༌ སྡིག༌པ༌ དང༌ ཤི༌ཅེས༌, འི༌ ཇིག༌རྟེན༌ནི༌ ནང༌ང༌ ལེབ༌བ༌ཅིག༌, ཏེ༌ ཛ༌འོའེ༌ ཐུན༌བྲེལ༌བོ༌ ཆད༌, ཡང༌ ཁོང༌གུན༌ནི༌ ཕིའ༌ དཀོན༌མཆོག༌གི༌ ཅིན༌ལབས༌ ཚང༌མ༌ མེད༌ཁན༌ སོང༌།
ཏེ༌བོའེ༌ སྟིང༌ནེའང༌ དཀོན༌མཆོག༌གི༌ མི༌རིགས༌ རིག༌ ཤེ༌ཏན༌ནི༌ སྡིག༌པ༌ དང༌ ཤི༌ཅེས༌སི༌ ངན༌ ཕོག༌ཅེས༌ནེ༌ སྐྱོབ༌བ༌ ཛད༌ཅེས༌སི༌ ཐབ༌ལྡིངས༌ ཛདས༌ ༼གོ༌ཟུག༌གི༌ སྤེ༌ཆ༌ 3:15༽, དཀོན༌མཆོག༌གི༌ འི༌ ཐབ༌ལྡིངས༌པོ༌ ཨ༌དམ༌ དང༌ ཧ༌ཝའེ༌ བུ༌ཚ༌ སེད༌ ཟེར༌ཁན༌ནི༌ མི༌ནེ༌ ཇུང༌ཁན༌ནི༌ མིག༌སལ༌ལི༌ པུར༌གྱུད༌གུན༌ གྱུད༌ཏེ༌ ཛདས༌། སེད༌དི༌ པུར༌གྱུད༌ ནོ༌ཨ༌, ཨབ༌ར༌ཧམ༌ དང༌ ཡ༌ཀོབ༌ ༼ཡང༌ན༌ ཨིས༌ར༌ཨེལ༌༽ ཟེར༌ཁན༌ནི༌ མི༌གུན༌ ཉམ༌པོ༌ ཏུས༌གྱུན༌ ལུས༌ཤེས༌སི༌ ཞལ༌ཆད༌ ༼ཡང༌ན༌ ཆད༌དོན༌༽ རིག༌ ཛདས༌། ཚང༌མའེ༌སང༌ ཆད༌དོན༌ ཁག༌ཅན༌བོ༌ ནི༌ ཨབ༌ར༌ཧམ༌ ཉམ༌པོ༌ ཛད༌ཁན༌བོ༌ ཨིན༌ནོག༌, ཏེ༌བོ༌ ནི༌ མི༌ དང༌ གྱལ༌ཁབ༌ ཚང༌མའེ༌ཀ༌ ཁོའེ༌ པུར༌གྱུད༌པོ༌ གྱུད༌ཏེ༌ ཡོང༌ཅེས༌ཅན༌ནི༌ ཞལ༌ཆད༌དི༌ ཅིན༌ལབས༌པོ༌ ཨིན༌པིན༌། ༼ཞལ༌ཆད༌ སོ༌མའེ༌ སྤེ༌ཆ༌གུན༌ནི༌, ལབ༌ཞ༌ ནང༌ཞིན༌ ཏེ༌ པུར༌གྱུད༌པོ༌ ཇིག༌རྟེན༌པ༌གུན༌ནི༌ སྐྱབ༌གོན༌, ཡེ༌ཤུ༌ མ༌ཤི༌ཀ༌ ཨིན༌ནོག༌།༽

بشنويد གོ༌ཟུག༌ གོ༌ཟུག༌གི༌ སྤེ༌ཆའེ༌ སྐོར༌།