Luka 12
12
Jeso Wacenjezha Bashikuupaupa Amenso
(Matayo 10:26-33)
1 #
Mat 16:6; Mk 8:15 Ciindi ceco shuulu shuulu shabantu shakabungana antoomwi cakuti, bakakanka kulyatana, Jeso wakataanguna waambila ba shiciiya bakwe ati, “Amucenjele ubumena bwaba Falisi, ndaamba kuupaupa amenso. 2#Mk 4:22; Lk 8:17Kwiina cihumbe citakaahumbululwa, ulimwi kwiina ciseseke niciba buti citakaazubululwa pe. 3Ubobo kufwumbwa cintu ncimwaamba mu mushinze cilakateelelwa lumwi lubala, ulimwi kufwumbwa ncimwahwiya muŋanda milyango keyalilwe, cilakapozomokwa anduli shamaanda.”
Wezo Ngumweelele Kutiya
(Matayo 10:28-31)
4“Bakwesu ndamwaambila ati, mutaakutiya babo bayaya bulyo mubili, pele bamana kwiina cinji ncibakonzha kucita. 5Ndamutondezha ngumweelele kutiya. Amumutiye Leza, nkaambo amana kuyaya mubili, ulikwete insana shakuuwaala mukalambwe kamulilo uutamana. Cini cini ndamushimwina ati, wezo ngumweelele kutiya.
6“Sa bashikamiimbya bosanwe tabaulwa tuli twalubulo tobile bulyo? Nikuba bobo kwiina kanga shikamiimbya nikaba komwi nkatabicili maanu Leza 7Utatiyi pe, kaambo u mweelwe wamasusu ali mumutwi wako Leza ulyuuzhi, ulimwi uwe kwakwe ulikwete muulo mukando kubaala bashikamiimbya banji banji.”
Kuhumina Ukukaka Jeso
(Matayo 10:32-33; 12:32; 10:19-20)
8Cini cini ndamushimwina ati, kufwumbwa muntu utantama ku bushu bwa bantu, ame ndi Mwanaa Muntu shikamutama ku bushu bwa banjelo baka Leza. 9Pele wezo untama ku bushu bwa bantu ame ndi Mwanaa Muntu ndakamutama ku bushu bwa baanjelo baka Leza.
10 #
Mat 12:32; Mk 3:29 Kufwumbwa muntu ubandika cakusampaula ume ndi Mwanaa Muntu ulakonzha kulekelelwa, pele muntu usampaula Moza Usalala talekelelwa pe.
11 #
Mat 10:19, 20; Mk 13:11; Lk 21:14, 15 “Ciindi nibakaamukwata u kumutola kwaamba mukabetekwe mu shikombelo shaba Juda nikuba ku babeteshi na ku beendelezhi, mutakalibilici ati mulakalihuna buti mu kwaamba kwenu. 12Nkaambo Moza Usalala ulakamuyiisha ncimweelele kwaamba aciindi awo ngoona.”
Cikozhano ca Muhubi Mulimbushi
13Muntu umwi wakaakuli munkamu wakamwaambila Jeso ati, “Mwiiyi, ndakulomba mwaambile mukwesu kwaamba ankonye lubono ndwakashiya taata.”
14Pele Jeso wakamwiingula ati, “Uwe umuntu, no nguni wakampa insana shakwaabanya lukono akati kenu nobile?” 15Jeso wakaya kumbele u kwaamba ati, “Amucenjele, ulimwi amulikashe nubeni kwaamba mutabi bantu bazandisha lubono, kaambo bumi bwa muntu tabupimwa u shintu muntu nshaahubile.”
16Ngoonaawo Jeso wakabaanina kaano kakuti, “Kakuli muntu umwi muhubi wakalima muunda mukando, wakatebula cakulya cinji cinji mu muunda wakwe. 17Naakabona bobo wakakanka kutelaika mu monzo wakwe ati, ‘Ndiina matala makando akubika cilyo cangu ceci coonse. No ndacita buti?’ 18Amane, wakatelaika ati, ‘Mbubolya mbunkacita, ndazakulula matala aangu oonse mashoonto, kwaamba nzace aanji makando abaala awa, mwinkabika cilyo cangu u lubono lwangu lubotu loonse. 19Ndamana ŋambile moza wangu ati, u moza wangu! Ulikwete lubono lunji lunji lutakonzha kumana kwa myaka minji minji, ubobo liibe, lya, nwa, botelwa.’ 20Pele Leza wakamwaambila muntu wezo ati, ‘Uwe umuntu mulimbushi! Ubwasunu lyeno, mashiku aza ngoona ulafwa. No shintu sheshi shoonse nshiwazobola shilaaba shaani?’” 21Jeso wakamaninzha u kwaamba ati, “Mbubolya mbucibele kuli babo balilundicila lubono. Tabali bahubi beni beni kwa Leza.”
Mutalibilici sha Bumi
(Matayo 6:25-34)
22Ngoonaawo Jeso wakabaambila ba shiciiya bakwe ati, “Ubobo ndamwaambila ati, mutalibilici makani a bumi bwenu, kwaamba mulakalyaanzhi, na mulakasamaanzhi. 23Nkaambo bumi mbubotu kubaala cilyo, awo mubili mukando kubaala shakusama. 24Amubone ba cikwaangala tabashanji, tabatebuli, bayina matala, pele nikuba bobo Leza ulabasanina! Sa tamwizhi ati Leza ulimufwini kubaala ba cikwaangala? 25Ulimwi nguni akati kenu ukonzha kuzunjila bumi bwakwe ukaambo kakulibilika? 26Na kuti tamukonzha kucita bobo, no mulalipenzhenzhaanzhi ku shintu shoonse sheshi? 27#1 Bami 10:4-7; 2 Maka 9:3-6Amubone malubaluba a mwisokwe mbwakomena, taasebezi, taasasa shisani. Pele cini cini ndamwaambila ati, naaba mwami Solomoni mu bulemu bwakwe, wiina naakasama shisamwa shili ukoya lyomwi lya malubaluba aza. 28Leza uusamika bwizu bucita ati bwasunu mbubotu uzona bwazuma bwaba bulyo bwakutenta mu mulilo, sa mulatelaika ati ulakonzha kumulekelezha umwe nubantu kutamulanjila shakusama? Umwe nubashilushomo lushoonto!
29“Ubobo, mutaakulibilika ukutelaika lyoonse ati nciinzhi ncimukalya uncimukanwa. 30Nkaambo nshishizwile mu matelaishi abantu baanshi. Ushenu uuli kwizeulu ulizhi ati mulashizanda shintu sheshi. 31Pele umwe amutaangune mukapule Bwami bwa Leza, walo ulakamupa shoonse shimwi sheshi.”
Buhubi bwa Kwizeulu
(Matayo 6:19-21)
32“Mutatiyi umwe nubutanga bushoonto, kaambo ushenu wakabotelwa kumupa bwami. 33Amuluuzhe lubono ndumukwete, mali ngumukayana mwaape bapushi. Amuliyanine shikwama shitakulumpali ulimwi amuzobole lubono lwenu kwizeulu, koko nkulutaceyi kaambo kwiina mutewu ushika ko, iimpezu tashikonzha kuluzonauna. 34Nkaambo kufwumbwa kuli lubono lwako, u monzo wako nkuubele.
Balindizhi Bapakamene
35 #
Mat 25:1-13
“Kamulibambile muukupakamene. Amushaange shibuno shenu kabotu, ulimwi malambe enu kaazaka ciindi coonse. 36#Mk 13:34-36Amube ukoya basebezhi balindila shimatwangaabo kuzhoka kuŋanda kuhwa kubwinga. Kwaamba mbwaakashicila bulyo, akonkomona bamuyalulile ca kufwambaana. 37Balikwete coolwe basebezhi babo mbaakayana balalindila, balilibambile kumucinga shimatwangaabo ashika. Cini cini ndamushimwina ati, ulakasamununa shakusama shakwe shabulemu, ulakabafwutaucila. 38Nikuba kwaamba washika akati kamashiku, nikuba kumancela, naaba amaselucilo ankuku balakayanika balalindila mbubona bobo! 39#Mat 24:43, 44Pele amuzhibe ceci, kuti mukamwini iŋanda kacizhi ciindi nceeza mutewu, toona pe ulaakulindila, tamulecela mutewu kunjila muŋanda yakwe kwaamba ebe. 40Amwe mbubona amukale mulilibambile coonse ciindi. Nkaambo ume ndi Mwanaa Muntu ndakashika ciindi ncimutezhi ncimutananjila.”
Musebezhi Mushomeshi Uutashomeki
(Matayo 24:45-51)
41Inzho Pita wakabuzha ati, “Mwami, sa cikozhanyo ceci ncesu tubeni na ncabantu boonse?”
42Mwami wakamwiingula ati, “No nguni mubanzhi musongo ushomeka? Nguwezo ukaabikwa uushimalelo akwe kulanga basebezhinina kwaamba aakubapa shaabilo shacakulya muciindi ceelele. 43Ulakatambula bulumbu musebezhi wezo ukaayanwa ulacita bobo ciindi shimalelo akwe naakaapiluka. 44Cini cini ndamushimwina ati, shimatwangaakwe ulakamusumpula kuba muntu uulanga lubono lwakwe loonse. 45Inzho kuti musebezhi waamba ati, shimatwangaangu wemuka kushika, amana wakanka kuuma basebezhi balombwana u bakaintu, wakanka kulya u kunwa ukukolwa, 46shimatwangaakwe ulakashika mu buzuba mbwatamulanjila, aciindi ncatezhi. Ushimalelwaakwe, ulakamupa cibebyo akabikwe antoomwi u babo batashomeki.
47“Inzho musebezhi ucizhi ncaazanda shimalelwaakwe kwaamba acite, pele amana taciciti, ulakaumwa cini cini. 48Pele musebezhi utezhi ncaazanda shimalelwaakwe, wacita cintu amana wacilubizha mukutezhiba, ulakaumwa bulyo ashoonto. Nkaambo muntu upewa shinji shinji, kulakazandwa shinji shinji kuhwa kwakwe. Ulimwi muntu uwapewa shintu shinji shinji shibaala, kulakalanjilwa shinji shinji kuhwa kwakwe.”
Makani a Lwaandaano
(Matayo 10:34-36)
49“Ndakeza kuwaala mulilo anshi. Ndakaakuzanda kwaamba ati njane mulilo mukunce kale. 50#Mk 10:38Ndikwete lupapatizho ndwinjelele kutambula, ubobo monzo wangu uli mu mapenzhi kushikila limwi lupapatizo lolu lukamane! 51Sa mulatelaika ati ume ndakeza kuleta luumuno anshi? Pe pe, ndamushimwina ati, ndakeza kuleta lwaandaano. 52Nkaambo kuhwa bwasunu kulaakuli lwaandaano mu mikwashi. Mukwashi wa bantu bosanwe balakaandaana, botatwe balakalwa u bantu bobile, abo bobile balakalwa u bantu botatwe. 53#Mika 7:6Bana balombwana balakalwa umaushabo, umbona bobo awo maushabo balakalwa ubanabo beembezhi. Bana bashimbi balakalwa umanokwabo, abo manokwabo balakalwa ubanabo bashimbi. Bainazhala balakalwa ubamukabanabo, umbona bobo abo bamukabanabo balakalwa ubainazhala.”
Jeso Wapandulula Shakuzhiba Shiindi
(Matayo 16:2-3)
54Ulimwi Jeso wakaambila makamu abantu ati, “Ciindi nimubona ikumbi lilahwa kumbo, mulaamba ati, ‘Inhula ilyaafwaafwi,’ yamana yawa. 55Ulimwi muuwo kuti waunga kuhwa kucibizhi, mulaamba ati, ‘Bwasunu kulaakupiya cini cini’ kwamana kwaba bobo. 56Umwe nubashikuupaupa amenso, mulicizhi kupandulula ncishaamba shiyanza shanshi iizeulu mbulisandauka, no kaamboonzhi ncimutakonzha kuzhiba ncicaamba kusandauka kwa mazuba ano?”
Amuteelezhanye Uushimulandunoko
(Matayo 5:25-26)
57No kaamboonzhi ncimutalibeteci ku shintu shiluleme? 58Kuti kamuya kunkuta ushikaambo noko, ulyeelele kulyeenzelela kwakwe nimucili munzhila kuya ku babeteshi. Nkaambo ulakakwaaba kumubeteshi, aze mubeteshi akakwaabe kumushilikani wantolongo kwaamba akwaanje. 59Cini cini ndakushimwina ati, tukahwi muntolongo mpaka ukamaninzhe kuliya kali kamamanino.
Currently Selected:
Luka 12: ILL
Tõsta esile
Share
Kopeeri
Want to have your highlights saved across all your devices? Sign up or sign in
Ila New Testament © Bible Society of Zambia, 2015.