Genesis 3
3
Inûk kattakpuk ajortomut, pidlartauvuk, angerviovuk Gûdemut.
1Kuglugiarle pingitsertornersauvoᴋ ômajunit tamainit naternamêtunit, Gûdib Nâlekab sanajanginit, oᴋarporlo arnamut: Gûde oᴋamarigalloarᴋâ napârtut perorsêvingmêtut nallianit nerᴋiksarsiniangilatîk?
2Arnab tagva ᴋuglugiaᴋ oᴋautivâ: Napârtut perorsêvingmêtut paunganginik nerrivakpoguk,
3Kissiane napârtub perorsêviub ᴋerᴋanêtub paungangit pivlugit Gûde oᴋarpoᴋ: Nerᴋiksarsivigijaksaringilatik aktornagolônêt, toᴋolerᴋonatik.
4Tagva ᴋuglugiaᴋ arnamut oᴋarpoᴋ: Toᴋolerniangimarikpotik illa:
5Gûde nalungilaᴋ, uvlut nalliane niriguptik ômangat, ijitik uititauniarmatta, Gûdetullo ilerniaraptik, ajungitomiglo ajortomiglo illisimavlutik.
6Arnablo napârtoᴋ takonârpâ nerᴋiksarsivigijominartoᴋ takorannertorlo, napârtoᴋ pijominartoᴋ, illisimanarmat; tigusivorlo paungangita ilanganik nerrivlunelo, ilangallo uiminut tunivâ, tâmnalo nerrigivoᴋ.
7Uititaulerput tagva tamarmik ijingit, mallugosulerpuglo ussingagamik; merᴋsorlutiglo faigeliksab millukattanginik sailitaliorpuk.
8Gudiblo Nâlekab nippinga tussarpâk perorsêvingme arvertarmat uvloᴋ niglalertilugo. Tagva Adame nuliangalo Gûdib Nâlekab kênanganit ijeriartorpuk napârtut perorsêvingmêtut akorngannut.
9Gûdiblo Nâlekab Adame ᴋairᴋovâ oᴋautivlugo: Nanêkêt?
10Oᴋarporlo: Nippît tussarapko perorsêvingme sivôravunga, ussingagamalo ijeriartorpunga.
11Oᴋarporlo: Kia oᴋautivâtît ussingagavit? Napârtomit illingnut nerᴋiksarsiviorᴋongitamnit nerrivêt?
12Adamelo oᴋarpoᴋ: Arnab uvamnut aiparijaurᴋojavit tunidjivigingmanga napârtomit, nerrivunga.
13Tagva Gûdib Nâlekab arnaᴋ oᴋautivâ: Sôᴋ taimailiorᴋêt? Arnarle oᴋarpoᴋ: Kuglugiab taimak uiveringmanga, nerrivunga.
14Tagva Gûdib Nâlekab ᴋuglugiaᴋ oᴋautivâ: Taimailioravit, ôminarsilualerit nergjutinit tamainit ômajunillo naternamêtunit tamainit. Pâmgorit ivjotômavlutit uvluksatit tamaita nâvlugit.
15Akkerartortigêktitsomavapse igvillo arnarlo, kinguvâksat kinguvângalo; tâpsoma niaᴋut tullidlaromârpâ igville kingmingagut kêjomârpat.
16Arnamullo oᴋarpoᴋ: Anernartomik ikpigititsomârpagit singailerangavit, âniadlarlutillo ernisugomârpotit, uillo kajungerijomârpat, tâmnale nâlegaujomârpoᴋ illingnut.
17Adamemullo oᴋarpoᴋ: Nuliavit nippinga nâlagangne, nirivlutillo napârtomit perᴋojijutigijamnit, oᴋarlunga: ômangat nerrijuksaungilatit; tagva nuna ôminarsile pivlutit, siorniorlutit inôgutiksarsiorvigijaksarivat uvluksatit nâvlugit.
18Ukpiganik kakkilautilingnik perornerdluktuniglo kakkilautilingnik nuititsijomârpoᴋ illingnut, perortullo naternamêtut nerrijaksarivatit.
19Kênait kitjijârtilugo nerᴋiksarnik nerrijomârpotit, nunamut utterviksat tikkidlugo, tagvangat tigujaumagavit; ivjôvotit ivjungortuksaungmivlutillo kingumut.
20Adamiblo nuliane Evamik atserarpâ, inôjut ilûnamatsiatik anânagingmatsuk.
21Gûdiblo Nâlekab Adamelo nuliangalo annorâliorpak amivinernik atitilugiglo makkoninga.
22Gûdelo Nâlegaᴋ oᴋarpoᴋ: Takovase, Adame uvaptitunilertoᴋ, ajungitomiglo ajortomiglo illisimajoᴋ. Mânale issaktailijaule, tigusivlune napârtomit ômanartomit nerrivlunelo inôlerlunelo soraijuitomik:
23Tagva Gûdib Nâlekab aulartipâ perorsêvingmit Edenemit, nuna senavigivlugo perᴋovlugo, tagvangat tigujaumangmat.
24Annitipâlo inuk, perorsêviublo Edenib kangianut Kêrubit pitipait saviksoalijartut ᴋeblâlâjunik, aulajalerangata, udjertortuksat apᴋomik napârtomut ômanartomut.
Currently Selected:
Genesis 3: LIHB08
Tõsta esile
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.