Kenese 23
23
O le Oti o Sara
1O tausaga o Sara e selau ma le luafulu ma tausaga e fitu; o tausaga ia o le ola o Sara. 2‘Ona oti lea o Sara i Kiriata-arapa; o Heperona lea i le nu‘u o Kanana; na alu atu ai fo‘i Aperaamo e tagitu‘i ‘ona o Sara ma tagi ai.#Kene 13.18
3‘Ona tula‘i lea o Aperaamo ai luma o lana avā ‘ua oti, ma tautala atu i le fānauga a Heti, ‘ua fa‘apea atu, 4“O a‘u o le tagata ‘ese ma le āumau ‘iā te ‘outou; ‘inā tu‘u mai ia mo a‘u se mea e fai ma tu‘ugamau i lo ‘outou nu‘u, ‘ina ‘ia ‘ou tanu ai la‘u avā ‘ua oti, ‘ia ‘ou lē toe va‘ai i ai.”#Epe 11.9, 13; Galu 7.16
5‘Ona tali mai lea o le fānauga a Heti ‘iā Aperaamo, ‘ua fa‘apea mai ‘iā te ia, 6“Le ali‘i e, fa‘afofoga mai ia ‘iā te i matou; o le ali‘i tele oe o ‘iā te i matou; ‘ia e tanu lou faletua ‘ua maliu i so matou tu‘ugamau e lelei; e leai so matou e vavao sona tu‘ugamau, ‘ae tu‘u atu ‘iā te oe e tanu ai lou faletua ‘ua maliu.”#Kene 13.2; 14.14
7‘Ona tu lea i luga o Aperaamo ma ifo atu i tagata o lea nu‘u, o le fānauga a Heti. 8‘Ona fai atu lea o ia ‘iā te i latou, ‘ua fa‘apea atu, “‘Āfai o lo ‘outou finagalo ‘ou te tanumia la‘u avā ‘ua oti, ‘ia ‘ou lē toe va‘ai i ai, ‘ia ‘outou fa‘afofoga mai ‘iā te a‘u ma ‘ia ‘outou fautua ai ‘iā Eferona le atali‘i o Soaro mo a‘u, 9‘ina ‘ia tu‘uina mai e ia ‘iā te a‘u le ana o Makapelu, o lo‘o ‘iā te ia, i le tuā‘oi o lona fanua; na te tu‘uina mai ‘iā te a‘u i lo ‘outou nu‘u e fai ma tu‘ugamau, ‘ae ‘ou taui atu i tupe la te tatau.”
10Sa nofo mai fo‘i Eferona fa‘atasi ma le fānauga a Heti; ‘ua fai mai fo‘i Eferona o lo sa Heti ‘iā Aperaamo i luma o le fānauga a Heti, o i latou uma o ē ulu mai i le faitoto‘a o lana ‘a‘ai, ‘ua fa‘apea mai, 11“Le ali‘i e, sōia; se‘i ē fa‘afofoga mai ‘iā te a‘u; ‘ou te foa‘iina atu ‘iā te oe le fanua, ‘atoa ma le ana o i ai, ‘ou te foa‘iina atu ai ‘iā te oe, ‘ou te foa‘iina atu lava ‘iā te oe i luma o lo‘u nei nu‘u; ma e teu ai ‘ia lou faletua ‘ua maliu.”#2 Samu 24.20-24
12‘Ona ifo ai lea o Aperaamo i luma o tagata o le nu‘u. 13‘Ua ia fai atu fo‘i ‘iā Eferona i luma o tagata o le nu‘u, ‘ua fa‘apea atu, “‘Āfai o lea, ‘inā se‘i e fa‘afofoga mai ‘iā te a‘u; ‘ou te avatu lava tupe e tau a‘i le fanua; ‘inā e talia mai ia ‘ona ‘ou tanu ai lea o la‘u avā ‘ua oti.”
14‘Ona tali mai lea o Eferona ‘iā Aperaamo, ‘ua fa‘apea mai ‘iā te ia, 15“Le ali‘i e, ‘ia e fa‘afofoga mai ‘iā te a‘u; e tusa le fanua ma sekeli ario e fa selau, O le a lea ‘iā te i tā‘ua? teu pea ia o lou faletua ‘ua maliu.” 16‘Ua fa‘alogo atu Aperaamo ‘iā Eferona; ‘ona fuaina lea e Aperaamo o ario ma Eferona sa ta‘u mai ai e ia i luma o le fānauga a Heti, o sekeli ario e fa selau, o tupe e masani ai o ē fa‘atau.
17O le fanua o Eferona i Makapelu, i luma o Mamere, o le fanua, ma le ana o i ai, ma la‘au uma i le fanua, i ona tuā‘oi uma e so‘o ai, ‘ua fa‘atō, 18e fai mo Aperaamo, i luma o le fānauga a Heti, i luma o i latou uma o ē ulu mai i le faitoto‘a o lana ‘a‘ai.
19‘Ua mavae lea mea, ‘ona tanumia lea e Aperaamo o Sara lana avā i le ana o i le fanua o Makapelu, i luma o Mamere; o Heperona lea i le nu‘u o Kanana. 20‘Ua fa‘atō#23.20 ‘ua fa‘atō: po o ‘ua tu‘uina atu po o ‘ua foa‘iina atu. lava e le fānauga a Heti le fanua ma le ana o i ai ‘iā Aperaamo e fai ma tu‘ugamau.#Ruta 4.7-10; Iere 32.10-11
Currently Selected:
Kenese 23: RSCB
Tõsta esile
Share
Kopeeri
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.