LUKA 8
8
1YI kunyuma kwakatanga tangayi mala ndo manene ndo mabende, udi mu kwambila bantu yi kucwala losangu lunengela lwa bufumu bwa Ncembi. Yi beyi disangi yi babidi bakadi yinanci, 2yi banga babakaxi bakapandixibwa bidimu bibi yi mabombu ; Mali akabikidibwa ene, Mangadalene, akapauka bidimu bibi sambwali munda mwanci, 3yi Yoano mukasa a Cusa, nkôngôlo a Elodo, yi Susana, yi banga babakaxi bangi bakamusadila yi madidi abo.
4Yi pakasangila kimbukuma kinene, yi bena bula bwoso bakasangañana kuya kudiyi, akatôya ku mwele ene, 5Mukuni akaya kuna mitongu yenci ; yi pakakunayi, minga yakapona pa ncila yi yakanyacibwa muxi mwa makasa a bantu, yi nyonyi ya kulu yakalwa yidya nya. 6Yi minga yakapona kulu kwa lubwe ; yi pakadi yamamena yakakwoma bwalo bwakasakayo yi mai. 7Yi minga yakapona pakacikaci pa mieba, yi mieba yakalunda yinayo, yi yakayifina. 8Yi minga yakapona mu loboko lunengela yakamena yi yakalelañana nkama nkama. Yi pakatôyayi bintu bebi, akakwamena ene, You udi yi macu a kwombwa, aombwi.
9Yi beyi banci bakamwapangusa ene, Mwele ou udi beci ? 10Yi akatôya ene, Kwamanupebwa nonu ndo kulubukwa malo masokoka a bufumu bwa Ncembi, mo kudi banga bantu ku miele ; mbwôso pa kumona kabaxemona, yi pa kwombwa, kabaxelembetela. 11Kaninga mwele kaou. Mitongu idi diyi dia Ncembi. 12Mo yei idi pa ncila idi bantu i bamakwombwa ; kunyuma kulolwa diabolo yi diamancula diyi mu mucima ăbo bitaxekwetabusalo ndo kupandixibwa. 13Yi yei idi ku lubwe idi bantu baba bangata diyi yi kiango pombombwabo ; yi baba noku kabena yi dicina, bamakwetabusa kakondo kabende, yi ku kikondo kia kwelekyexebwa bamasaluka. 14Yei lolo yakapona pakacikaci pa mieba, kayei idi bantu bamakwombwa, yi biendendabo, bamalwa finibwa muxi mwa maxitu, yi madidi, yi biango bia môyo ou, yi kabasopya dyendeli. 15Kaninga yei mu loboko lunengela, kayei idi bantu bamabamba diyi diombombwabo, mu mucima ă nkwami yi unengela, yi belelafiana yi bwika.
16Kakuna muntu umoumwe amanamika mwinda unauncibika muxi mwa lusala, ndo unauteka muxi mwa ntangi kumoni, kate unauteka kulu kwa muci ă mwinda bixemonabo obo babwela munda. 17Bwalo butenako kintu kioso kisokoka kinakala kakisomoneka ololwo, ndo bwalo bwa bwisa kumoni, bunakala kabusolubukibwa yi kabusolwa ku obo. 18Mbwôso nutebeli munwombombwa ; bwalo bwa muntu mwoso apwangata, unapebwa bintu ; yi muntu mwoso utasoangata, unancudibwa isanga bintu biencencayi ene, Napwangata.
19Yi mamanci yi bakunyi banci bakalwa kudiyi, yi bakadi kabasolubukwa kufika kudiyi bwalo bwa bantu bangi. 20Yi bakamwambila ene, Mabebe yi bakunyi bebe badi mu kwemana kunci, bakyeba kukumona. 21Mo yei akapingasa yi akabambila ene, Mamami yi bakunyi bamene badi bantu baba bombombwa diyi dia Ncembi yi badiencenca.
22Yi ku dinga dituku papa noku kwakakondelayi mu kibusu, mikyenci yi beyi banci ; yi akabatôyela ene, Tusabuki ku dixia dia yikwa dia kitelenena ; yi bakancuka ku mbongo. 23Yi pakayabo, yei akalala tulu ; yi ngiembi yakapweka mangwoso ku kitelenena, yi kibusu kiakadi kitanakwolubixibwa mai, yi baxefwa. 24Yi bakalwa kudiyi yi bakamubisa ene, Fumu, Fumu, tutanafwa. Mo yei akabika, akakama lupepele yi diputo dia diele ; yi biakalekyela, yi biakadi polo tebai. 25Yi akabatôycla cnc, Kwetabusa kwenu kudi kupai ? Yi bobo bakacina, yi bakakama kama, yi bakakwambilafiana ene, Ñani lolo muntu you ambila isanga mpepele yi mai, yi biamamwedeya ?
26Yi bakafika mu mbata a BaNgelasa udi ku mpala a Ngalili. 27Yi pakadi amasabuka ku mbata, mwamulumi a ku bula akapomana yinanci akadi yi bidimu bibi kikondo kingi ; yi akadi kasolata, yi akadi kasoakala mu ncibo, kate mu kidi kia nkita. 28Mo pakamonayi Yisu, akakwamena diyi yi akapona paxi ku mpala anci, yi akatôya yi diyi dikola ene, Ndi yinebe bwalo kai, Yisu Mwana a Ncembi you adika kulu ? Nkwalomba, kungutatixi. 29Bwalo bwakalangayi kidimu kia mbindu kiapauki munda mwa muntu you. Bwalo bwakamunyengakio kikondo kingi ; yi akadi amasukibwa yi amabumbibwa yi nkanu yi bipiko ku makasa ; yi akatula nkanu tu, yi akakwapacibwa kudi kidimu kibi mu mbata a kanana. 30Yi Yisu akamwapangusa ene, Dina diebe didi ñani ? Yei ene, Kibumbu ; bwalo bwakamamubwela bidimu bingi munda mwanci. 31Yi biakamubondabonda ene, Yei kabilangi dia kuncuka ku dina kibi.
32Yi koku kwakadi kibumbu kia ngulubi ya mbuxi mingi mingi idi mu kudya kulu kwa lupongo, yi biakamubondabonda abilekyeli biabweli munda mwayo. Yi akabilekyela. 33Yi bidimu bibi biakapauka munda mwa muntu, biakabwela mu ngulubi ya mbuxi ; yi kibumbu kiakatuka mbilu kwa ku mpulumuku, munda mwa kitelefiena, yi yakafwa mu mai.
34Yi bobo bakayidisa, pa kumona kipoma kiakapona, bakacina yi bakakwambila bantu mu bula yi ku mbata. 35Yi bakabatuka kuya mona kipoma kieki ; yi bakalwa kudi Yisu, yi bakasafiana muntu you akapauka bidimu bibi munda mwanci, udi mu kuxikama ku makasa a Yisu, udi yi bilamba, yi lukanyi lwa loko ; yi bakacina. 36Bobo lolo bakamona bakabambila mwakapandixibwa muntu akakwacibwa kudi bidimu bibi. 37Yi bungi bwa bantu ba ku mbata a BaNgelasa koku bakamulomba ancuki kudibo, bwalo bwakakwacibwabo yi bowa bungi ; yl akabwela mu klbusu yl akaplfiana. 38Kaninga mwamulumi akapauka bidimu bibi munda mwanci akamulomba bixesangilayi yinanci. Mo yei akamuncula ene, 39Pifiana ku ncibo ebe, ubambili dia bintu binene biamakwencela Ncembi. Yi akancuka yi akakwambila mu bungi bwa bula dia bintu binene biakamwencela Yisu.
40Yi pakapinana Yisu, kimbukuma kiakamuxekyelela, bwalo bwakamudingidilabo bungi bwabo. 41Yi mona, mwamulumi akalwa, dina dienci ene, Yailusu, akadi fumu a kixingidilu ; yi akapona ku makasa a Yisu yi akamubonda bonda ene, alwi ku ncibo anci ; 42bwalo bwakadiyi yi mwananci a ditôi a babakaxi, udi yi mbula yenci bea disangi yi ibidi, utanalanda kufwa. Yi pakayayi, bimbukuma bia bantu biakamufina.
43Yi mwamukaxi akatata kusama kutanancuka ncuka maxi mbula disangi yi ibidi, yi akadi amamana bima bienci bioso kudi bananga, yi akadi kabiyi kupandixibwa kudi muntu mwoso, 44akalwa kunyuma kwanci, yi akabaka kianca ku mwombangi ă kifunda kienci ; yi kuncuka kwa maxi anci kwakalekyela mangwoso. 45Yi Yisu akatôya ene, Ñani apungubaka kianca ? Mo pakanyañana bungi bwabo, Pita akatôya, yi bobo bakadi yinanci, ene, Fumu, bimbukuma biamakufina yi biamakunyaka. 46Yi Yisu ene, Muntu apungubaka kianca, bwalo bunapulubukwa meme ene, ngulu yamancuka kundi. 47Yi pakalubukwa mwamukaxi ene, kiena musokoka, akalwa udi mu kulukuta lukomba, yi akapona ku mpala anci, yi akasakola ku mpala a bantu boso bwalo bwakamubakayi kianca ; yi mwakapandixibwayi mangwoso. 48Yi yei akamwambila ene, Mwana, kwetabusa kwebe kwapukupandisa ; yaka polo.
49Pakadi ukiatôya, muntu akalwa kwa fumu a kixingidilu akatôya ene, Mwanebe amafwa, kunyingixi Mweyexi. 50Mo Yisu pakakwombwayi, akamupingasa ene, Kucini, mo etabusa, yi unapandixibwa. 51Yi pakafikayi ku ncibo, akadi kasobwesa munga muntu mwoso yinanci utena Pita yi Yoano yi Yakobo, yi mwana tetenci yi mamanci. 52Yi bungi bwa bantu bakadi mu kuncula masonci yi kumudidila bidilu. Mo yei ene, Kanudidi, bwalo butenayi mufu, kate amalala tulu. 53Yi bakamukyeca, bwalo bwakalubukwabo ene, amafwa. 54Kaninga yei akakwata kianca kienci, yi akakwamena ene, Muxika, bika. 55Yi kidimu kienci kiakapinana, yi akakwemana mangwoso ; yi yei akatôya ene, bamupi kintu kia kudya. 56Yi tetenci yi mamanci bakakama kama ; kaninga akabalanga ene, kabambidi muntu mwoso dia kipoma kieki.
Currently Selected:
LUKA 8: Luna_NT
Tõsta esile
Share
Copy
Want to have your highlights saved across all your devices? Sign up or sign in
© La Société biblique de Genève