LUKA 22
22
1KITULA lolo kiakakokyela pepe kia mampa atena kiolubixulu, kiamabikidibwa ene, Kidikixilu. 2Yi makanda manene yi bafundi ba mikanda bakapalala muxemuxipabo ; bwalo bwakacinabo bantu.
3Yi Satana akabwela munda mwa Yudaxi, akabikidibwa ene, Ixikalioto, akadi muntu a disangi yi babidi. 4Yei akancuka yi akakwambila yi makanda manene yi tupalai muxemulongolayi kudibo. 5Yi bakaxekyelela, yi bakasambikañana disambi dia kumupa mpalata. 6Yi yei akakwetabusa, yi akapalala kipoma kia kumulongola kudibo ku kikondo kixeakala bantu kabenako.
7Yi dituku diakafika dia mampa atena kiolubbdlu, dixexipibwa nyama ya Kidikixilu. 8Yi akatuma Pita yi Yoano ene, Nuyi tulungikila Kidikixilu bituxedya. 9Mo bakamutôyela ene, Wananga kidi kai kituxekulungikila koku ? 10Yi akabatôyela, ene, Mona, panunabwela mu bula, muntu unapomana yinenu udi mu kucwala dibungu dia mai ; numulandi mu ncibo mwabwelayi. 11Yi nunatôyela fumu a ncibo ene, Mweyexi ukwatôyela ene, Ncibo a benyi udi kupai kunadya Kidikixilu yi beyi bamene ? 12Yi yei unanwebesa ncibo munene a kulu mulungika ; nulungiki momu noku. 13Yi bakaya yi bakasañana bea biakabatôyelayi ; yi bakalungika Kidikbdlu.
14Yi pakalwa ola, akaxikama yi batumibwi yinanci. 15Yi akabatôyela ene, Namakyeba kudya Kidikiiilu kieki yinenu kukyeba kungi buxi bwa kutata. 16Bwalo bunwatôyela ene, Kinakidya kabidi pô, binafikixibwakio mu bufumu bwa Ncembi. 17Yi akangata mpamba, yi pakadi amaxinga biloba akatôya ene, Nwangati mpamba you, nwabanyañani mikyenu. 18Bwalo bunwatôyela ene, Kinanwa mamona a finyo pô pôi nkyekyu, pôi kikondo kinalwa bufumu bwa Ncembi.
19Yi akangata dimpa, yi pakadi amaxinga biloba akadinyowa, yi akabalongola ene, Dedi ndo mumbidi imene ămanupelebwa ; nwenci nako ndo kungwela nkanyi. 20Yi mo nako kabidi mpamba pakadi bamamana kidilu kudya, ene, Mpamba you udi disambi dipyadipya mu maxi amene, amancudibwa ku micwe yenu. 21Kaninga mona, kianca kia you ungwengenga kidi yinami ku mesa. 22Bwalo buyeya Mwana a Muntu sôsôlwo bea biamalungikibwa, kaninga mpeya kudi muntu you amakwengebwayi kudiyi. 23Yi bakabanga kwapangusañana dia ñani udi yinabo uxekwenca nako.
24Yi mbata kabidi akakwelexebwa kudibo dia ñani yinabo uxebikidibwa ene, munene. 25Mo akabatôyela ene, Bafumu ba mabila badi yi bufumu kulu kwabo, yi bobo badi yi bumanya kulu kwabo bamabikidibwa ene, Balwangwasani. 26Mo nonu kanunakala noku ; kate you adika munene yinenu akali bea luna mwamuki, yi mwamukulu akali bea luna you asadila bena kwanci. 27Ñani adika munene, you axikama ku mesa ndo you asadila mesa ? Ka you axikama ku mesa ? Mo meme ndi pakacikaci penu bea you unwasadila. 28Mo nonu nudi bobo bamaxina yinami mu bielekyexelu biamene. 29Yi meme nwalungikila bufumu, bea biamangulungikila Tetemi bufumu, 30binuxedya yi binuxenwa nonu yinami ku mesa amene mu bufumu bwamene ; yi nunaxikama ku nkwasa, basambodi kusambola malungu a Isalele disangi yi abidi.
31Ximono, Ximono, mona, Satana amalomba dia kunwangata ndo kunwesa luna biesesabo masangu ; 32mo meme namakulombela owe, bitaxepwangwa kwetabusa kwebe ; yi owe, panakala wamapinana kabidi, ukolesi bakunyi bebe. 33Yi akamwambila ene, Fumu, ndo kuya yinebe, namananga kuya yi ku lukanu yi ku lufu. 34Yi akamwambila ene, Nkwatôyela Pita, ene, Ntala kanakwela diyi ku lelo you, buxi bunanyañana owe manyañana asatu dia kungulubukwa.
35Yi akabatôyela ene, Panakanutuma kutena nkonka, yi kutena mwosokye, yi kutena makaka, nwakasaka yi kintu kioso ? Bobo ene, Kañana. 36Yi akabambila ene, Kate nkyekyu, you udi yi nkonka amucwali yinanci, yi mo nako kabidi mwosokye ; yi you udi makaci matupu, aodisi kilamba kienci, aoli mwele. 37Bwalo bunwatôyela ene, Diyi dedi diamafundibwa dixefikixibwa mu bwalo bwamene, ene, Akabadibwa yi boni ; bwalo bunakala diyi dioso yi kifikilu ku bwalo bwamene. 38Yi bakatôya ene, Fumu, mona, kunu kudi miele ibidi. Yi akabambila ene, Kwamakuka.
39Yi akabatuka yi akaya bea biakadi mwosambu ănci ku lupongo lwa Olife, yi beyi kabidi bakamulandudila. 40Yi pakadi utani ku kidi, akabatôyela ene, Nulombi binutaxebwela mu kielekyexelu. 41Yi akanamuka kudibo bea lwedi lubili muntu kwela dibwe, yi akakonya binu paxi yi akalomba 42ene, Tete, ndo wananga, ncula mpamba you kundi ; kaninga kumoni nyinga yamene kate yebe yikixibwi. 43Yi mwangele akamoneka kudiyi a mu diulu udi mu kumukolesa. 44Yi bwalo bwakadiyi yi kipekye kingi ku mucima ănci akalomba kulomba kungi. Yi kiya kienci kiakamata bea luna mampumpu manene a maxi adi mu kupona pa loboko. 45Yi pakakwemanayi ku kulomba kwanci, pakalwayi kudi beyi banci, yi akabasañana badi mu tulu bwalo bwa buxitu. 46Yi akabambila ene, Nwalala tulu kukai ? Nwombuluki, nulombi, binutaxebwela mu kielekyexelu.
47Pakadi ukiatôya, mona, kibumbu kia bantu, yi you abikidibwa ene, Yudaxi, muna disangi yi babidi, akaya ku buxi bwabo ; yi akakokyela pepe yi Yisu ndo kumunyita. 48Yi Yisu akamutôyela ene, Yudaxi, wengenga Mwana a Muntu yi kunyita ?
49Yi bobo bakamudinga, pakamonabo bwalo buxepona, bakatôya ene, Fumu, tukumi mwele ? 50Yi muntu umoumwe yinabo akakuma musadi a bokanda bunene yi akaxaka dicu dienci dia kidyo. 51Mo Yisu akakulumuna ene, Nulekyeli, ngwenci noku. Yi akabaka dicu dienci kianca yi akamupandisa. 52Yi Yisu akatôyela makanda manene yi tupitene twa tempelo yi babakulu bakalwa tanda yinanci ene, Nonu nwamabatuka byaka bea kutanda yi musanci yi miele yi mici ? 53Panakadi yinenu ku dituku ku dituku mu tempelo, nwakadi kanusoxombola bianca bienu ndo kungukwata ; kate nkyekyu kudi ola enu, yi bumanya bwa mwedima.
54Yi bakamukwata yi bakamuncula yi bakamufikisa ku ncibo a bokanda bunene. Yi Pita akalanda kulekule. 55Pakadi bamanamika mudilu pakacikaci pa lumbu yi bamaxikama kidi kimokimwe, Pita akaxikama pakacikaci pabo. 56Yi muxika akamumona pakaxikamayi ku obo, yi akamudingila sosonyi, yi akatôya ene, You muntu kabidi akadi yinanci. 57Mo yei akakwaba mwabu ene, Mwamukaxi, kisomulubukwa. 58Yi kunyuma kwa kakondo kabende munga akamumona, yi akatôya ene, Owe udi muna bantu baba. Mo Pita akatôya ene, Mwamulumi, kiena noku pô. 59Yi pakadika lwedi lwa ola umoumwe, munga muntu akatôya yi ngulu ene, Sôsôlwo you akadi yinanci kabidi, bwalo budiyi muna Ngalili. 60Mo Pita akatoya ene, Mwamulumi, kisolubukwa mwatôya. Yi pakadi ukiatôya, ntala akakwela diyi mangwoso. 61Yi Fumu akakulumuka yi akatebela Pita. Yi Pita akakwela diyi dia Fumu lukanyi mwakamutôyelayi ene, Buxi bunakwela ntala diyi lelo, bunangunyañana manyañana asatu. 62Pita lolo akabatuka kunci yi akadila kungi.
63Yi babalumi bakabamba Yisu bakamukyeca yi bakamukuma. 64Yi bakamuncibika kitambala ku meso yi bakamwapangusa ene, Dimusa ; ñani you apukukuma ? 65Yi bakamutôyela minga mietangu mingi ndo kumutangola.
66Yi pakadi butuku bwamakya, pakasangilañana kikokye kia babakulu ba bantu, yi makanda manene yi bafundi ba mikanda ; yi bakamufikisa ku kikokye kiabo ene, 67Ndo Owe udi Kalistu, utwambili. Mo akabatôyela ene, Ndo nakunwambila kanunakwetabusa ; 68yi ndo nxenwapangusa, kanunangupingasa diyi. 69Mo pôi nkyekyu panaxikama Mwana a Muntu ku kidyo kia ngulu ya Ncembi. 70Yi bakatôya bungi bwabo ene, Owe lolo udi Mwana a Ncembi ? Yi akabambila ene, Nonu nwatôya ; meme ngwakala noku. 71Bobo ene, Tuxepalala munga ntôbô kukai ? Bwalo butwamakwombwa mikyecu ku musuku ănci.
Currently Selected:
LUKA 22: Luna_NT
Tõsta esile
Share
Copy
Want to have your highlights saved across all your devices? Sign up or sign in
© La Société biblique de Genève