LUKA 17
17
1YI akatôyela beyi banci ene, Biponexelu kabisolubukwa kulekyela kulwa, mo mpeya kudi muntu ulolwa biponexelu kudiyi. 2Kuxeakala loko ku bwalo bwanci ndo dibwe dinene dixemusukibwa ku xingu anci, yi uxekwelebwa mu mai ; kumoni kuponesa mwana umoumwe a babaki baba babende. 3Nudinami mikyenu ; ndo muna kwebe onona, umukami dikamu ; yi ndo udiabela umulekyeli. 4Yi ndo amakwonena mona sambwali ku dituku dimodimwe, yi ndo amakulumuka kudi makulumuka sambwali ene, Namadibela, owe unamulekyela.
5Yi batumibwi bakatôyela Fumu ene, Lundisapo kwetabusa kwecu. 6Yi Fumu ene, Nonu ndo nwakala yi kwetabusa luna mutongu ă mutadi, nuxetôyela muci ou ă kikuyi ene, Kondowa, udikuni mu mai manene, yi uxenwedeya. 7Mo muntu kai udi yinenu, ndo udi yi musadi amadima ndo amanama mikwakwa, papinanayi ku mbata, uxemutôyela ene, Lwaka lwa xikami ku mesa ? 8Ki unamutôyela ene, Lungika bidya biamene, lata kilamba kiebe, ungusadili binxedya yi binxenwa ; yi kunyuma owe lolo unadya yi unanwa. 9Yei axingila musadi biloba bwalo bwamakwencayi mwapulangibwa ? 10Mo nako nonu kabidi, panakala nwamakwenca bintu bioso biamanulangibwa, nutôyi ene, Tudi basadi ba kanana ; twamakwenca bintu bitwakadi yi bwalo bwa kwenca.
11Yi pakakwendayi lwa Yelusaleme, akadika pakacikaci pa Samalia yi Ngalili. 12Yi pakabwelayi mu bunga bula, bena sudi disangi bakapomana yinanci, bakakwemana kulekule. 13Yi bakakwamena diyi ene, Yisu Mweyexi, utwombwelipo mwengo. 14Yi pakabamonayi, akabatôyela ene, Nuyi diebesa mikyenu kudi makanda. Yi pakadi batanaya bakasusudibwa. 15Yi umoumwe abo, pakamonayi amapandixibwa, akapiñana yi akatumbisa Ncembi yi diyi dikola ; 16akapona mpala muxi ku makasa anci yi akamuxingila biloba ; yi yei akadi muna Samalia. 17Yi Yisu akakulumuna ene, Ki bantu disangi bamasusudibwa ? Kaninga bantu dibwa badi kupai ? 18Muntu kasosafianibwa amapinana kulwa tumbisa Ncembi utena muntu you abene. 19Yi akamutôyela ene, Emana, enda ; kwetabusa kwebe kwamakupandisa.
20Yi pakadi amakwapanguxibwa kudi baFalixi pa kikondo kixelwa bufumu bwa Ncembi, akabapingasa ene, Bufumu bwa Ncembi kabusolwa yi kuxexelebwa kwa bantu ; 21yi kabanatôya ene, Mona kunu ! ndo ene, Mona koku ! bwalo, mona, bufumu bwa Ncembi budi pakacikaci penu.
22Yi akatôyela beyi ene, Matuku analwa anunakyeba kumona dituku dimodimwe dia matuku a Mwana a Muntu, yi kanunadimona. 23Yi bananutôyela ene, Mona koku ! Mona kunu ! Mo kanuyi, kanubalandudidi. 24Bwalo bea bialumuka musadi ă kapenya, mu kicini kimokimwe kia diulu kuya teka obo pôi ku kinga kicini muxi mwa diulu, ndo binakala Mwana a Muntu mu dituku dienci. 25Mo buxi uxetata bintu bingi yi uxenyananibwa kudi mwociya ou. 26Yi luna biakadi ku matuku a Noa binakala kabidi ku matuku a Mwana a Muntu. 27Bakadya, bakanwa, bakangata mabakwa, yi bakapebwa mabakwa, pôi dituku diakabwela Noa mu kibusu, yi muyi ăkalwa yi ăkababumisa bungi bwabo. 28Bea biakadi ku matuku a Loto kabidi ; bakadya, bakanwa, bakakwola, bakakwodisa, bakakuna, bakakwabaka ncibo ; 29mo ku dituku diakabatuka Loto mu Sodomo kwakaloka mudilu yi sulufa mu diulu, biakababumisa bungi bwabo. 30Kunakala mo nako kabidi ku dituku dinakwebexebwa Mwana a Muntu.
31Ku dituku dedi, you unakala kulu kwa ncibo, yi bima bienci munda mwa ncibo, kapweki kuya bincula ; yi mo nako you unakala ku mbata kapinani. 32Nweli Loto mukasanci lukanyi. 33Muntu mwoso unapalala kubumba môyo ănci unauncimisa, yi muntu mwoso unauncimisa unaubumba. 34Nwatôyela ene, Ku butuku bobu kunakala babidi pa ntangi umoumwe, umoumwe unancudibwa yi munga unaxiyibwa. 35-36Babakaxi babidi banacusañana ku kinu ; umoumwe unancudibwa yi munga unaxiyibwa. 37Yi bakamupingasa ene, Kupai, Fumu ? Yi akabambila ene, Kwoso kudi mumbidi mufu, koku kabidi kunasangixibwa mpungu.
Currently Selected:
LUKA 17: Luna_NT
Tõsta esile
Share
Copy
Want to have your highlights saved across all your devices? Sign up or sign in
© La Société biblique de Genève