เห่ขุทวาลู่ 5
5
เพอาดาม อากลุยอาลุ๊ย ตากาแล โต่เด๊อ คูโนอาห์
1ลี เออหม่า เตราม๊าราแด หนิ เพอาดาม อากลุยอาแล ตากาแล ซีเต๊เห่ อาหรี่อาแก.
เบ๊อะ จอแปแหร่ดุ แบ๊ แกแย เห่ขุพู๊ เบ๊อะเนอ, อา แบ๊ เหย่ซี แซ่เจ๊อเน๊อ อาเหน่ เจ๊อ.#เห่ขุทวาลู่ ๑:๒๖-๒๗, เอเฟซัส ๔:๒๔ 2อา แบ๊แลตื๊อ เพรเหมาะ เน๊อ เพรคู เร๊อ อา เด๊อะบุ๊ยเด๊อะเตอเรอ เหย่ซี. เด๊อ อา แบ๊ โทเฮ๊อ เหย่ซี เบ๊อะเนอ, อา เอ๊เร๊อ เหย่ซีมุย เน๊อ, “แกแยเห่ขุพู๊.”#เห่ขุทวาลู่ ๑:๒๘, มัทธิว ๑๙:๔, มาระโก ๑๐:๖
3เบ๊อะ เพอาดาม หน่าโอ่ เฮ๊อ เตเย เน๊อ โซเชอ เบ๊อะเนอ, อา พู๊โอ่ หนิ พู๊เพรคู เตเพร เด๊อ อาแซ่เจ๊อ เน๊อ อาเหน่ เจ๊อ เร๊อ อา เอ๊ เกอเร๊อ ลูมุย เน๊อ คูเสท. 4เบ๊อะ คูเสท โอ่เป๊เจ่แล โทเร๊อ เพอาดาม โอ่เซอเพร เป่แฮ โป่ อาหน่า อาเยลุยซว๊า, เร๊อ อา พู๊โอ่หนิ โป่ พู๊เพรเหมาะ พู๊เพรคู ซีเต๊เห่. 5ล๋อ ปลีเนอ, เพอาดาม โอ่เซอเพร หนิ อาหน่า ลุยซว๊าเตเย เน๊อ โซเชอ เร๊อ อา เซอแก.
6เบ๊อะ เพเสท หน่าโอ่เฮ๊อ เตเย เน๊อ แงหน่า เบ๊อะเนอ, อา พู๊โอ่หนิ อาพู๊เพรคู เด๊อ อามุย เน๊อ คูเอโนช. 7เบ๊อะ เพเสท พู๊โอ่ โทเฮ๊อ คูเอโนช เร๊อ อา โอ่เซอเพร เป่แฮ โป่ อาเยลุยซว๊า เน๊อ โซซว๊าต๊าหน่า, เร๊อ อา พู๊โอ่หนิ โป่ พู๊เพรเหมาะ พู๊เพรคู ซีเต๊เห่. 8ล๋อ ปลีเนอ, เพเสท โอ่เซอเพร หนิ อาหน่า ลุยซว๊าเตเย เน๊อ เช๊อเนอหน่า เร๊อ อา เซอแก.
9เบ๊อะ คูเอโนช หน่า โอ่ เฮ๊อ ลุยซว๊าเตอเชอ เบ๊อะเนอ, อา พู๊โอ่ หนิ คูเคนัน. 10เบ๊อะ เพเอโนช พู๊โอ่ โท คูเคนัน เร๊อ อา โอ่เซอเพรเป่แฮ โป่ เยลุยซว๊าเน๊อ เช๊อแงหน่า, เร๊อ อา พู๊โอ่ หนิโป่ พู๊เหมาะพู๊คู เด๊อ อาโร เต๊เห่. 11ล๋อ ปลีเนอ, คูเอโนช โอ่เซอเพร หนิ อา หน่า ลุยซว๊าเตเย เน๊อ แงหน่า เร๊อ อา เซอแก.
12เบ๊อะ คูเคนัน อาหน่า โอ่เฮ๊อ โซซว๊าเตอเชอ เบ๊อะเนอ, อา พู๊โอ่ เกอเร๊อ คูมาหะลาเลล. 13เร๊อ เบ๊อะ อา พู๊โอ่ เกอเร๊อ โทเฮ๊อ คูมาหะลาเลล เนอ, อา โอ่เซอเพร เป่แฮ โป่ อาหน่า อาเยลุยซว๊า เน๊อ ลุยเชอ เร๊อ อา พู๊โอ่ หนิ โป่ พู๊เหมาะพู๊คู เด๊อ อาโร เต๊เห่. 14เพเคนัน โอ่เซอเพร หนิ อาหน่า ลุยซว๊าเตเย เน๊อ เช๊อ เร๊อ อา เซอแก.
15เบ๊อะ เพมาหะลาเลล หน่า โอ่เฮ๊อ เช๊อโซซว๊า เน๊อ แงหน่า เบ๊อะเนอ, อา พู๊โอ่ หนิ คูยาเรด. 16อา พู๊โอ่ โท คูยาเรด เร๊อ อา โอ่เซอเพร เป่แฮ โป่ อาหน่า เยลุยซว๊า เน๊อ โซเชอ เร๊อ อา พู๊โอ่ หนิ โป่ อาพู๊เหมาะพู๊คู เด๊อ อาโร เต๊เห่. 17เพมาหะลาเลล โอ่เซอเพรหนิ เยลุยซว๊า เน๊อ ลุยซว๊าเตอเชอ เน๊อ แงหน่า เร๊อ อา เซอแก.
18เบ๊อะ เพยาเรด อาหน่า โอ่เฮ๊อ เตเย เน๊อ เชอโซซว๊า เน๊อ เนอหน่าเฮ๊อ เบ๊อะเนอ, อา พู๊โอ่ หนิ คูเอโนค. 19เบ๊อะ เพยาเรด พู๊โอ่ หนิโท คูเอโนคเนอ, อา โอ่เซอเพร เป่แฮ โป่ อาหน่า เยลุยซว๊า เร๊อ อาพู๊โอ่ หนิ โป่ พู๊เหมาะพู๊คู เด๊อ อาโร เต๊เห่. 20เพยาเรด โอ่เซอเพรหนิ อาหน่า ลุยซว๊าเตเย เน๊อ เชอโซซว๊า เน๊อ เนอหน่า เร๊อ อา เซอแก.
21เบ๊อะ เพเอโนค อาหน่า โอ่เฮ๊อ เช๊อโซซว๊า เน๊อ เนอหน่า เบ๊อะเนอ, อา พู๊โอ่หนิ คูเมธูเสลาห์. 22เบ๊อะ อา พู๊โอ่ โทเฮ๊อ คูเมธูเสลาห์ เบ๊อะเนอ, อา โอ่เซอเพร แบ๊ซว๊าเค๊โค เน๊อ จอแปแหร่ดุ อาหน่า โซเย, เร๊อ อา พู๊โอ่ หนิโป่ พู๊เหมาะ พู๊คู เด๊อ อาโร เต๊เห่. 23เพเอโนค โอ่เซอเพร หนิ อาหน่า โซเย เน๊อ เชอโซซว๊า เน๊อ แงหน่า. 24เพเอโนค โอ่เซอเพร แบ๊ซว๊าเค๊โค อาเหน่ เน๊อ จอแปแหร่ดุ, โทเร๊อ จอแปแหร่ดุ เอ๊จว๊า โอ่เหม่แกลู อาขว่าอาคยา, อา โอ่เหม่ แกดื่อ อาเหน่.#ฮีบรู ๑๑:๕, ยูดาห์ ๑:๑๔
25เบ๊อะ เพเมธูเสลาห์ หน่า โอ่เฮ๊อ เตเย เน๊อ เชอลุยซว๊า เน๊อ โซซว๊าต๊าหน่า เบ๊อะเนอ, อา พู๊โอ่หนิ คูลาเมค. 26เพเมธูเสลาห์ พู๊โอ่หนิ โท คูลาเมค เร๊อ อา โอ่เซอเพร เป่แฮโป่ อาหน่า โซซว๊าเตเย เน๊อ เชอลุยซว๊า เน๊อ เนอหน่า เร๊อ อาพู๊โอ่ หนิ โป่ พู๊เหมาะ พู๊คู เด๊อ อาโร เต๊เห่. 27เพเมธูเสลาห์ โอ่เซอเพร หนิ อาหน่า ลุยซว๊าเตเย เน๊อ เชอโซซว๊า เน๊อ ลุยซว๊าต๊าหน่า เร๊อ อา เซอแก.
28เบ๊อะ เพลาเมค หน่าโอ่เฮ๊อ เตเย เน๊อ เชอลุยซว๊า เน๊อ เนอหน่า เบ๊อะเนอ, อา พู๊โอ่ หนิ อาพู๊ เพรคู เตเพร. 29เร๊อ อา เอ๊ เกอเร๊อ ลูมุย เน๊อ คูโนอาห์ เร๊อ อา เฮ๊ เกอเร๊อ อาโหง่แลช๊า เน๊อ, “เห่ขุ เด๊อ จอแปแหร่ ตูจูเพร อิชอฮาแก อาเออ, เป่ เบ่ เอ่แร ซิพร๊าแลแด๊, เบ่ แรจาแรจือ แหน่เจ๊อ เร๊อ พู๊เพรคู เออ เตเพร เก่ เมโมเมพุย กาหนิ คยาแซ๊ เปซิปล่อ ปา,” อา เฮ๊ เกอเร๊อ ฮู๊เนอ. 30เพลาเมค พู๊โอ่หนิ โท คูโนอาห์ เร๊อ อา โอ่เซอเพร เป่แฮ โป่ อาหน่า แงเย เน๊อ ลุยซว๊าเตอเชอ เน๊อ แงหน่า เร๊อ อา พู๊โอ่หนิ โป่ พู๊เหมาะพู๊คู เด๊อ อาโร เต๊เห่. 31เพลาเมค โอ่เซอเพร หนิ อาหน่า โซซว๊าเตเย เน๊อ โซซว๊าเตอเชอ เน๊อ โซซว๊าต๊าหน่า เร๊อ อา เซอแก.
32เบ๊อะ เพโนอาห์ อา หน่าโอ่ เฮ๊อ แงเย เบ๊อะเนอ, อา พู๊โอ่หนิ คูเชม เน๊อ คูฮาม เน๊อ คูยาเฟท.#เห่ขุทวาลู่ ๗:๖
Currently Selected:
เห่ขุทวาลู่ 5: EKTNTGEN
Tõsta esile
Share
Copy
Want to have your highlights saved across all your devices? Sign up or sign in
Wycliffe USA