GENESIS 10
10
1Si ade la ne ita mai ana ulu kaluwane tha Noa ki nia nia, atha Semo, ma tha Hamu, ma tha Jefeta: ma kera kwalafia kaluwane kera ki buriana olo lana kafo eki fafia fanue.
2Kaluwane tha Jefeta ki nai nida; tha Goma, ma tha Megogo, ma tha Medai, ma tha Jefana, ma tha Tubala, ma tha Misaka, ma tha Tirasi. 3Ma kaluwane tha Goma ki na tha Asakinasi, ma tha Rifata, ma tha Togama. 4Ma kaluwane tha Jefana ki na tha Ilaesa, ma tha Tasisi, tha Kitimu ma tha Dodanimu. 5Ana wane eki kera toliṉia auua Jenetaele ki i fanua kera ki; sulia ṉata lada ne eeta kwailiu, ma ina lada, ana kulee toa kera ki.
6Ma kaluwane tha Hamu ki nai nida, tha Kasa, ma tha Misiremu, ma tha Fata, ma tha Kenana. 7Ma kaluwane tha Kasa ki na tha Siba, ma tha Hafila, ma tha Sata, ma tha Rama, ma tha Sateka: ma ro kaluwane tha Rama na tha Siba ma tha Didani. 8Ma tha Kasa e tharea tha Nimiroto: nia ka thafalii ade mala wane rigita i fanua ne i iano. 9Wane eri e rigita uria basi lana do kwasi ki inaofatha Jihova: mania keka una eri, E ’uria tha Nimiroto, na wane rigita uria basi lana do kwasi ki inaofatha Jihova. 10Ma thafali lana tooa nia i Bebelo, ma Ireka, ma Akata, ma Kane, i la fanua i Saena. 11E lae faisia fanua eri, ka fula i Asiria, ka thauwai nia Ninifa, ma toaa susu i Riobotho ma Kala, 12Ma Risena imaalutana i Ninifa ma i Kala: toaa susu eri na ṉa toaa baita ka tatha. 13Ma tha Misiremu e tharea tha Lutimu, ma tha Anamimu, ma tha Liabimu, ma tha Natuimu. 14Ma tha Pathusimu, ma tha Kasaluimu (Filisitimu e ita mai ana wane eri), ma tha Katorimu.
15Ma tha Kenana e tharea kaluwane totonao nia na tha Saedona, ma tha Heta; 16Ma Jebusaete ki, ma Amoraete ki, ma Gagasaete ki, 17Ma Haefaete ki, ma Akaete ki, ma Saenaete ki, 18Ma Afataete ki, ma Semaraete ki, ma Hemathaete ki: ma iburi kulee toa eki tha Kenana keka lae tathaa uria fanua oro ki. 19Ma oli lana fanua Kenanaete ki ka thafali mai Saedona, lalae ka fula i Gira, sui ka lae uria Gasa; lalae ka fula i Sodomo ma Gomora, ma Atama, ma Seboimu, kai lae tathaa uri Lasa. 20Kaluwane tha Hamu ki neri sulia ina lada, ma ṉata lada ne eeta kwailiu, i fanua kera ki, ma i kulee toa kera ki.
21Tha Semu lau boo, maka totonao kwalafaa tha Iba ki sui boo, ulunao tha Jefeta, ni nia e tharea wela nia ki. 22Kwalafaa tha Semo nai nida; tha Ilama, ma tha Ase, ma tha Afakasita, ma tha Lata, ma tha Arama. 23Ma kwalafaa tha Arama nai nida, tha Asa, ma tha Hala, ma tha Githa, ma tha Masa. 24Ma tha Afakisata e tharea tha Sala; ma tha Sala e tharea tha Iba. 25Ma tha Iba e kwalafia ro kaluwane nia ki: thatana ulunao na tha Pileke; uria na afa boṉi nia ki fanua ne i iano ka mu, ka to bana ana ro bali fanua; ma thatana thasina na tha Jokitana. 26Ma tha Jokitana e tharea tha Amodada, ma tha Silefe, ma tha Hesamafeta, ma tha Jira; 27Ma tha Hatorama, ma tha Asala, ma tha Dikila, 28Ma tha Obala, ma tha Abimaele, ma tha Siba, 29Ma tha Ofa, ma tha Hafila, ma tha Jobabu; wane nei ki sui boo na kaluwane tha Jokitana. 30Ma oli lana fanua na kera to mai iei ka ita mai i Misa, lalae ka fula i Sefa, tee gwa tolo ibali tae lana thato. 31Kaluwane tha Semo ki neri, sulia ina lada, ma sulia ṉata lada ne eeta kwailiu, i fanua kera ki, ma sulia kulee toa kera ki.
32Kwalafana kaluwane tha Noa ki neri, sulia talisibaraa kera ki, ana kulee toa kera ki: ma sulia wane nei ki kera toliṉia fanua ne i iano ifana kulee toa eki, buriana olo lana kafo eki fafia fanue.
Currently Selected:
GENESIS 10: MLU1949
Tõsta esile
Share
Copy
Want to have your highlights saved across all your devices? Sign up or sign in
British and Foreign Bible Society 1949, 1951