Ioane Fakatomuaga
Fakatomuaga
Ko te Tala Lelei ki a Iehu e tuha ma te mau a Ioane e fakailoa mai ai ko Iehu ko te Kupu e fakavavau a te Atua, ma na liu tino tagata ma nae mau fakatahi ma ki tātou. (Kikila ki te 1.14) E vē ona lea mai ai lava te tuhitala, ko te tuhi tēnei na tūhia kae ke talitonu ai nā tino e faitau ki ei, ko Iehu ko te Mehia na folafola e hau, ko te Ataliki o te Atua, ma e maua e ki lātou te ola e fakavavau e ala i to lātou fakatuatua ki a te ia (20.31).
E uma te fakatomuaga e fakailoa mai ai ko te Kupu e fakavavau a te Atua ko Iehu, hohoko ai te vāega muamua e tākua ai nā fakailoga kehekehe e fakailoa ai ko Iehu ko te Fakaola na folafolagia, ma ko ia ko te Ataliki o te Atua. Ko nā fakailoga takitahi e hohoko ma te fakamatalaga e fakamālamalama ai te uiga (2 — 12). Ko te vāega tēnei o te tuhi, e tākua mai ai nā tino na talitonu ki a Iehu ma mulimuli ki ei, ma nā tino nae teteke ki ei, ma e hēki fia talitonu. Ko nā matākupu 13 — 17 e fakamaumau ai te māfutaga vāvālalata a Iehu ma tona kau hoko i te pō na puke ai, ma ana kupu fakamālohi ki a te ki lātou, ka ko hēki tuku atua ai ke fakahātaulo. Ko nā toe matākupu e tākua ai te pukega o Iehu ma tona fakamahinoga, tona fakahātauloga ma te toetū, ma te fakailoaga ki ona hoko i te toetū maiga.
Ko te tala ki te fafine na maua e mulilua (8.1-11), kua tuku ki loto o nā puipui, auā e lahi nā tuhituhiga ma nā fakaliliuga kua leva e hē tūhia ai, kae ko iētahi tuhituhiga tuai ko te tala tēnei e maua i iētahi vāega o te tuhi tēnei, ka ko iētahi e maua i te tuhi a Luka.
Nae fakamamafa e Ioane te meaalofa ko te ola e fakavavau e ala ia Keliho, he meaalofa e kāmata maua nei ma e maua e nā tino e talia e ki lātou ia Iehu ko te ala, te meamoni ma te ola. Ko tētahi o mea e pito hili ona kehe i te tuhi a Ioane ko te fakaaogāga o nā mea kua māhani ai i te ōlaga e vē ko te vai, te falaoa, te mālamalama, te leoleomāmoe ma ana māmoe, ma te vine ma ona fua, ke fakamāina ai nā itū tau ki te fakateagaga
Fakahologa o nā vāega o te Tuhi
Kupu kāmata 1.1-18
Ko Ioane te Papatiho ma nā hoko muamua o Iehu 1.19-51
Te gāluega tautua a Iehu 2.1 — 12.50
Nā toe aho i Ieluhalema 13.1 — 19.42
Te toetū ma nā fakailoaga o te Aliki 20.1-31
Kupu fakaiku: ko te toe fakailoaga o Iehu i Kalilaia 21.1-25
Currently Selected:
Ioane Fakatomuaga: TNT
Tõsta esile
Share
Copy
Want to have your highlights saved across all your devices? Sign up or sign in
Tokelauan New Testament © Bible Society New Zealand, 2009.