Wĭkheegŭn 7
7
1Agĭmtĕ keskăjehĕ netŭl kĕkwsāăl, Sāsoos yalĭhĕ Goolelĕtk, eebŭchŭl skat ooledŭhadŭmooŭn ootaalĭhan Lĕsweesooakĭk, eebŭchŭl Lĕsweesŭk ookwāje‐nāpahawŏl.
2Net Lĕsweesŭk wekooŏmwā’ oowĭkoopaltĭmkāwāŭmooŏh kŭte‐egĕhĕ.
3Netwāje Sāsoos wejegemajĭhĭ ooskeda’peŭk ootehawŏl: Oochemajŭhŭ yoot, Lĕsweesoakĭk ŭlĭh: wĕlaman tanĭk ĕgĕhkĭmchĭk oonŭmetoo’nea k’tŭloogāwa’gŭnŭl tanĭl kesātoonŭl.
4Eebŭchŭl skat wĕn kegemeu’ kĕkwsā’ ke’sātoo tan toocheu kwelooŏta’kw oohŭk ëu mĕsooweu’. Ulookeŭn yootŭl, ŭlemesoo’ĕlŭs ooskĭt’kŭmĭkw.
5Eebŭchŭl chĕl māch wejegemajĭhĭ skat oolamsŭtŭmoote’weŭk oohŭkĕk.
6Netwāje Sāsoos ootĭha: Ntĕbŭnaskooehagāwāăm skat māch egĕhāoo. Kelooow’ ŭktĕbŭnaskooe‐hagāwā‐ŭmooŏh mājemeu’ kesajooweu’.
7Ooskĭt’kŭmĭkw skat ŭkeseakwe‐dŭhamkoonea kelooow’: kānookŭloo nel n’takwedŭhamkoon: eebŭchŭl n’tĕtlĭnspeuwoolam‐ădŭmŭnŭl ootlookāwa’gŭnŭl mŭcheegŭnool.
8Kelooow’ lĭtkwakwe‐abasĭk’w yoot wĭkhŭpalteemŭk. Nel skat n’tŭlĭtkwa‐kwŭhawŭn yoot wikhŭpaltemŭk, eebŭchŭl n’tĕbŭnaskooe‐hagāwāăm mĕskw kesăjooweu’.
9Net keseyahat netŭl kĕkwsal māch chŭnĕsoo Goolelĕtk.
10Kānookŭloo kes wejegemamajĭhĭ kese lĭtkwakwe‐abaselĭt, Sāsoos ŭna ootŭlĭtkwakwŭhŭn: kānookŭloo skat mĕsooweu’, kānookŭloo‐ka’l kegemeu’.
11Netwāje Lĕsweesŭk kwelooŭhatĭt Sāsoosŭl wĭkhŭpaltemŭk, ha elŭmootooŭk: Tama ya ëu?
12Ha nŭgŭmkĭhkoon mamsĕlāwĕstooagŭn egŭhak ŭktanakwsooŭk pŭmowsooenooŭk mawehajĭk oohŭkāwĭhooŏk ooche nāgŭm. Ankooch etŭmootoo’ŭk: Nāgŭm wŏŏleuskedăp’āweu. Ankooch etŭmootoo’ŭk: Skadama, kānookŭloo wĕgĭnpagŭtooâ pŭmowsooenoo.
13Kānookŭloo skat wĕn oomesoo‐weuskooe‐moweyŭl, eebŭchŭl oonŭgalawâ Lĕswees.
14Net tamaha’l abase‐wĭkhŭpal‐temŭk Sāsoos lĭtkwakwĕhĕ k’che‐hemeā‐wĭgwamŭk ha kĕhkekāmoo.
15Ha Lĕsweesŭk asŭgetŭhasooltooŭk etŭmootoo’ŭk: Tan wŏŏt ooskedap’ ootŭlenŭn’ŭmŭn wĭkheegŭn? tan mĕskw ĕgĕhkemamookoopŭn?
16Netwāje Sāsoos ootŭleasedāma: N’tŭkĕhkĭmsoot’ skat net nel: kānookŭloo net Nāgŭm tan pĕdŭkemĭtpŭn.
17Tan wĕn wŏŏledŭhadŭk ootŭlŏŏkkan Nŭkskam ooledŭhadŭm‐ooaagŭn, nāgŭmch’ ookŭjejetoo’nch kĕhkedooagŭn oochehĕ Nŭkskam‐ooĭkŏŏk, kŭsŭna noochekŭloosĭn ’nhŭkĕk.
18Tan wĕn wĕchekŭloosĭt oohŭkĕk, nāgŭm ookechetŭmetŭham‐koosooagŭn kwelooŏhtakw: kānookŭloo tan wŏŏt nāgŭm kwelooŏhtakw ookeche‐tŭmetŭ‐hamkoosooagŭn tanĭl pĕdŭkĭmchĭl, nāgŭm oolămāwagŭneu’, ha ’npagŭtasoot skadama eëu oohŭkĕk.
19Skat ya Mooes kŭmĭlkooneaweepŭn ŭtploodŭmooagŭn? ha māch kelooow’ skadama wĕn oosaktŭmooŭn ŭtploodŭmooagŭn. Kĕkwsā’ wāje‐kwāje‐nābaheyĕkw?
20Mowehamŭk ootasedĕmawŏl, ootĭhawŏl: Mŭchŭha’nt ŭkte’uŏ: wĕn ĕgwĕjenāboohoosk?
21Sāsoos asedāmat ha ootĭha: Pĕskoon lookāwaagŭn n’kesātoonāāpŭn, ha m’seu tan kĕs’eyĕkw ŭktasŭge‐tŭha‐soolteeba.
22Netwāje Mooes k’mĭlkooneapŭn weunŭsasĭmkāwā’: skat eebŭchŭl oochehāoo Mooĭsk, kānookŭloo oochehĕ kŭmoosoomsŭnŏŏk, kelooow’ atlasmooekeesŏŏkŭk kŭhweunŭsawŏh ooskedap.
23Ooskedap weunŭsootŭp’ atlasmooekeesŏŏkŭk wĕlaman Mooes ootŭploodŭmooagŭn skat skwŏŏskādaseu’, kelooow’ kookeiyĭtooweeba nel, eebŭchŭl nel nŭkakekŭhahpŭn ooskedap atlasmooëkesookŭk.
24Moo sak oochĭtploodŭmoo’kĕkw tan kĕkw ĕlenagwŏk; kānookŭloo keakwĭt‐ploodŭm‐ootĭkw.
25Toocheu’ ankwooch Sāloosălĕmkāweŭk etŭmootoo’ŭk: Skat ea’ wŏŏt nŭt ĕkwĕje‐nāpahatejĭk?
26Ha sagĭhook, chetŭme‐kŭloosoo, ha mĕskw wĕn kĕkw yŭhakw. Ookŭjejehawŏl ŭtploodŭmooenooŭk nāgŭm chŏŏ Oonewĕskooĭn?
27Kānookŭloo kŭjejehan nŭt ooskedap tan ĕtlāyowĭt: kānookŭloo tan toocheu Newĕskooĭt pŭkŭcheha’t, skatŭch wĕn ookŭjejĭhoweŭlch’ tan tĕt ĕtlāyowelĭt.
28Netwāje Sāsoos ĕtlekĕhkegāmĭt, ŭksĭkowwāwĕstoo, eetŭm: Kelooow’ kŭjejĭheeba, ha neaga ŭkŭjejitoo’nea tan tĕt ĕtlāyowĭ; ha skat noochepŭkŭchehow nel ’nhŭkĕk; kānookŭloo Nāgŭm tan pĕdŭkemĭtpŭn wĕlămāwagŭnĭt, tan kelooow’ skat kŭjejĭhawe’wa.
29Nel n’kŭjejĭha, eebŭchŭl nooche nel oohŭkĕk, ha Nāgŭm pĕdŭkemĭtpŭn.
30Netwāje ootŭkwĕjĭpkegalawŏl; kānookŭloo skat wĕn oopoonĕhtoonŭl oopetenŭl oohŭkĕk, eebŭchŭl ootĕbŭnaskooehagāwāăm mĕskw māch eegĕhāoo.
31Kānookŭloo ŭktanakwsooŭk mowehāwa’gŭnŭk wŏŏlamsŭtŭmootooŭk oohŭkĕk, ha eetŭmootoo’ŭk: Newĕskw tan toocheu’ pŭkŭcheha’t, ăjenŭgŭmkĭkwŭnoo’lch kenooŏskoodeegŭnŭl kesātagwĭlch, skatŭk yootŭl tanĭl wŏŏt ooskedap kesātakwpŭnĭl?
32Pălooseŭk oonoodŭma’nea mowehāwa’gŭnŭk ootŭlemamsĕlāwĕstoote’nea ooche Sāsoosŭl, toocheu Pălooseŭk ha neaga k’chepatŭleasŭk ootŭlgemawŏh noojĭtkwŏŏnkatelejĭhĭ ootakwoona’nea.
33Toocheu’ Sāsoos yŭhat: M’chŭsŭl kĕgĕsk koowejāyoolpa, toocheu’ n’tŭlĭhan tan pĕdŭkĭmĭtpŭn āët.
34Kelooow’ kwelooeheba’ch, ha skatŭch kŭmŭskooepah; ha tan āë skatŭch kesepĕdabasepa.
35Netwāje Lĕsweesŭk yŭhoodooltooŭk: Tama tĕt kŭtelĭhĕ wŏŏt ooskedap? tan tĕt keloon skat ĕtlĭmskooawŭkwch? Ootŭlehanŭch‐al’ yŭhooht tanĭk etlesesāloojĭk kŭt’ŭkĭk kessookŭmĭkseetĭt woweŭkĭhyŭk, ha ootŭkĕhkema’ch kŭtŭkĭk kĕsookŭmĭkseelĭt?
36Kĕkwsā’ yoot kŭloosooagŭn yŭhoolŭkw? Kwelooeba’ch ha skatŭch kŭmŭskooeba? ha, Tan tĕt āe skatŭch kese pĕtabaseepa?
37Net keesook m’chŭsŭlāwā’ k’chekeesook wĭkwhŭpaltemŭk Sāsoos sĕhkĕ ha ŭksekawāwĕstoo, eetŭm: Wĕn kŭtoowŏŏs’sŭmĭt’, ch’kooĭhach nel, ha kŭtŏŏhsŭmĭch!
38Tan wĕn nŭt tan wĕlamsŭtŭk ’nhŭkĕk stŭkā’ Nŭkskamwā’ Wĭkheegŭn eetŭmooĭk, sebooŭl pĕmowsooeegĭl samagwanŭl oochenoodĕjwoonool’ch ootlamhŭkĕk.
39Ha agŭnemajĭl Wāoochŭjakwelejĭl (net tŭna Wĕje‐oole‐newĕskwelejĭl) tanĭl nāgŭmow tanĭk wĕlamsŭtŭmootejĭk oohŭkĕk ookŭdĭmsŭnawŏl. Eebŭchŭl Wĕjeoole‐newĕskwĭt māch mĕskw melooawŭn; eebŭchŭl Sāsoos māch mĕskw k’chetŭmetŭham‐kwŭseu.
40Netwāje ŭktanakwsooŭk tanĭk mowehajĭk noodŭmootĭt yoot kŭloosooagŭn, ankwooch etŭmootoo’ŭk: Choodĕhloo wŏŏt net nekanĭkchĭje‐takāwĭn nŭt.
41Kŭtŭkĭk eetŭmootoo’ŭk: Wŏŏt Newĕskw nŭt, [tan Mĭmkwānoot]. Kŭtŭkĭk eetŭmootooŭk: Newĕskw oochehĕ Goolelĕtk?
42Skat ea’ Nŭkskamwā’ Wĭkheegŭn etŭmoowewoopŭn Newĕskw oochehā’ch Dabĭtk wĕdabĕksĭt? ha Bĕtlĕmk’, Dabĭd ootoodānĕk, tan āĭtpŭn Dabĭd?
43Ha chŭchābĕhlŭtooagŭn egĕhĕ pŭmowsooenoo ĭkŏŏk ooche nāgŭm.
44Ha ankwŏŏch’ nāgŭmow kŭtĭtkwoonawŏl; kānookŭloo skat wĕn oopoonĕhtoo’nŭl oopeteenŭl oohŭkĕk.
45Netwāje noojĭtkwŏŏnkatejĭk abadabasooŭk tan tĕt k’chepatŭleasŭk ha neaga Pălooseŭk āoolteelĭt. Nāgŭmow’ ootehawŏ: Kĕkwsā’ wĕche skat pĕjĭphawĕkw?
46Noojĭtkwŏŏnkatejĭk asedāmatĭt [etŭmootooŭk]: Mĕskw pŭmowsooĭn ootŭlāwĕstooŭn stŭkā’ wŏŏt pŭmowsooĭn.
47Pălooseŭk ootasedāmawŏ, [ootehawŏ,] Kelooow’ ŏŏnŭ kesĭnpagŭtakāba tŭhaloo [kŭtŭkĭk?]
48Māchëŭ wĕnĭk noojĭtploodŭmooenooŭk, kŭsŭna Pălooseŭk kese woolamsŭtŭmŭn’ea oohŭkĕk?
49Kānookŭloo nĭhkt pŭmowsooenooŭk tanĭk skat kĕjejedoo’gwĭk bootoosooagŭn, wŏŏnmăjĭtploomak.
50Nĭkoodĕm ootĭha, nāgŭm tan pĕgŭchehat’pŭn Sāsoosŭl āelĭt nebaeu, ’pĕskooŭk nĭkt nŭt nāgŭm,
51Ukbootoosooagŭnŭn oonmajĭtploomal ëa’ wĕnĭl mĕskw noodooŏkw tan ĕlātagālĭt?
52Asedāmatĭt ha ootĭhawa’bŭnĭl: Kel ea’ ŭktŭtlāyow’ Goolelĕtk? Kwelooŏht, ha sagĭht, eebŭchŭl skat nekanĭk‐chĭje‐takāwĭn oochehāwĭ Goolelĕtk.
53Toocheu’ m’seu wĕn ŭlmĭhe weegŭk.
Currently Selected:
Wĭkheegŭn 7: PQM1870
Tõsta esile
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1870.